108 திவ்ய தேசங்கள் - 001 - திருவரங்கம் 16

||ஸ்ரீ:||

||ஸ்ரீமதே ராமாநுஜாய நம:||

 ||ஸ்ரீமத் வரவர முநயே நம:|| 

001. திருவரங்கம் 

ஸ்ரீரங்கம் - திருச்சி 

முதலாவது திவ்ய க்ஷேத்ரம்

இந்த திவ்ய தேசத்திற்கான பாசுரங்கள் - 249 - 12

திருமங்கை ஆழ்வார் 

212. திவ்ய ப்ரபந்தம் - 2038 - அரங்கனை நினைவார் என் தலை மீது தங்குவார்

திருக்குறுந்தாண்டகம் - முதலாம் திருமொழி - ஏழாம் பாசுரம் (7)

இம்மையை மறுமை தன்னை* எமக்கு வீடு ஆகி நின்ற*

மெய்ம்மையை விரிந்த சோலை* வியன் திரு அரங்கம் மேய*

செம்மையைக் கருமை தன்னைத்* திருமலை ஒருமையானை*

தன்மையை நினைவார் என் தன்* தலைமிசை மன்னுவாரே| 

213. திவ்ய ப்ரபந்தம் - 2043 – அஞ்சாதே! என்று காட்சி தந்தார்

திருக்குறுந்தாண்டகம் - இரண்டாம் திருமொழி - இரண்டாம் பாசுரம் (12)

ஆவியை அரங்க மாலை* அழுக்கு உடம்பு எச்சில் வாயால்* 

தூய்மை இல் தொண்டனேன் நான்* சொல்லினேன் தொல்லை நாமம்*

பாவியேன் பிழைத்தவாறு என்று* அஞ்சினேற்கு அஞ்சல் என்று* 

காவி போல் வண்ணர் வந்து* என் கண்ணுளே தோன்றினாரே|

214. திவ்ய ப்ரபந்தம் - 2044 – அரங்கனை கண்டேன்! பாவங்கள் அகன்றன

திருக்குறுந்தாண்டகம் - இரண்டாம் திருமொழி - மூன்றாம் பாசுரம் (13)

இரும்பு அனன்று உண்ட நீரும்* போதரும் கொள்க,* 

என் தன் அரும்பிணி பாவம் எல்லாம்* அகன்றன என்னை விட்டு,*

சுரும்புஅமர் சோலை சூழ்ந்த* அரங்கமா கோயில் கொண்ட,* 

கரும்பினைக் கண்டு கொண்டு* என் கண் இணை களிக்குமாறே| 

215. திவ்ய ப்ரபந்தம் - 2050 – திருக்கோயில் சேர்க! உய்யலாம்

திருக்குறுந்தாண்டகம் - இரண்டாம் திருமொழி - ஒண்பதாம் பாசுரம் (19)

பிண்டியார் மண்டை ஏந்திப்* பிறர் மனை திரி தந்து உண்ணும்*

உண்டியான் சாபம் தீர்த்த* ஒருவன் ஊர்*

உலகம் ஏத்தும் கண்டியூர் அரங்கம் மெய்யம்* 

கச்சி பேர் மல்லை என்று மண்டினார்* 

உய்யல் அல்லால்* மற்றையார்க்கு உய்யல் ஆமே? (2) 

216. திவ்ய ப்ரபந்தம் - 2062 - திருவரங்கம் எங்கே என்கிறாள் என் மகள்

திருநெடுந்தாண்டகம் - இரண்டாம் திருமொழி - முதலாம் பாசுரம் (11)

பட்டு உடுக்கும் அயர்த்து இரங்கும் பாவை பேணாள்* 

பனி நெடுங் கண் நீர் ததும்பப் பள்ளி கொள்ளாள்* 

எள் துணைப் போது என் குடங்கால் இருக்க கில்லாள்* 

எம் பெருமான் திருவரங்கம் எங்கே?' என்னும்* 

மட்டு விக்கி மணி வண்டு முரலும் கூந்தல்* 

மட மானை இது செய்தார் தம்மை* 

மெய்யே கட்டு விச்சி சொல் என்னச் சொன்னாள் நங்காய்!*

கடல் வண்ணர் இது செய்தார் காப்பார் ஆரே?

217. திவ்ய ப்ரபந்தம் - 2063 - அரங்கனை எண்ணி அயர்கின்றாள் என் மகள்

திருநெடுந்தாண்டகம் - இரண்டாம் திருமொழி - இரண்டாம் பாசுரம் (12)

நெஞ்சு உருகிக் கண் பனிப்ப நிற்கும் சோரும்* 

நெடிது உயிர்க்கும் உண்டு அறியாள் உறக்கம் பேணாள்* 

நஞ்சு அரவில் துயில் அமர்ந்த நம்பீ! என்னும்* 

வம்பு ஆர் பூ வயல் ஆலி மைந்தா என்னும்* 

அம் சிறைய புட்கொடியே ஆடும் பாடும்* 

அணி அரங்கம் ஆடுதுமோ? தோழீ என்னும்* 

என் சிறகின் கீழ் அடங்காப் பெண்ணைப் பெற்றேன்* 

இரு நிலத்து ஓர் பழி படைத்தேன் ஏ பாவமே|! 

218. திவ்ய ப்ரபந்தம் - 2065 - திருமால் புகழ் கேட்கவே என் மகள் விரும்புகிறாள்

திருநெடுந்தாண்டகம் - இரண்டாம் திருமொழி - நான்காம் பாசுரம் (14)

முளைக் கதிரை குறுங்குடியுள் முகிலை* 

மூவா மூவுலகும் கடந்து அப்பால் முதலாய் நின்ற* 

அளப்பு அரிய ஆர் அமுதை அரங்கம் மேய அந்தணனை* 

அந்தணர் தம் சிந்தையானை* 

விளக்கு ஒளியை மரகதத்தை திருத்தண்காவில்* 

வெஃகாவில் திருமாலைப் பாடக் கேட்டு* 

வளர்த்ததனால் பயன் பெற்றேன் வருக! என்று* 

மடக் கிளியைக் கைகூப்பி வணங்கினாளே|

219. திவ்ய ப்ரபந்தம் - 2069 - திருநீர்மலை செல்ல விரும்புகிறாள் என் மகள்

திருநெடுந்தாண்டகம் - இரண்டாம் திருமொழி - எட்டாம் பாசுரம் (18)

கார் வண்ணம் திருமேனி கண்ணும் வாயும்* 

கைத்தலமும் அடி இணையும் கமல வண்ணம்*

பார் வண்ண மட மங்கை பத்தர் பித்தர்* 

பனி மலர் மேல் பாவைக்கு பாவம் செய்தேன்* 

ஏர் வண்ண என் பேதை என் சொல் கேளாள்* 

எம் பெருமான் திருவரங்கம் எங்கே? என்னும்* 

நீர்வண்ணன் நீர்மலைக்கே போவேன் என்னும்* 

இது அன்றோ நிறை அழிந்தார் நிற்குமாறே?

220. திவ்ய ப்ரபந்தம் - 2070 - குடந்தை நகரும் பாடுகிறாள் என் மகள்

திருநெடுந்தாண்டகம் - இரண்டாம் திருமொழி - ஒண்பதாம் பாசுரம் (19)

முற்று ஆரா வன முலையாள் பாவை* 

மாயன் மொய் அகலத்துள் இருப்பாள் அஃதும் கண்டும் அற்றாள்* 

தன் நிறை அழிந்தாள் ஆவிக்கின்றாள்* 

அணி அரங்கம் ஆடுதுமோ தோழீ! என்னும்* 

பெற்றேன் வாய்ச் சொல் இறையும் பேசக் கேளாள்* 

பேர் பாடி தண் குடந்தை நகரும் பாடி* 

பொற்றாமரைக் கயம் நீராடப் போனாள்* 

பொரு அற்றாள் என் மகள் உம் பொன்னும் அஃதே|

221. திவ்ய ப்ரபந்தம் - 2073 - தோழி! எம்பிரான் கோவில் திருவாலி யாமே?

திருநெடுந்தாண்டகம் - மூன்றாம் திருமொழி - இரண்டாம் பாசுரம் (22)

நைவளம் ஒன்று ஆராயா நம்மை நோக்கா* 

நாணினார் போல் இறையே நயங்கள் பின்னும்* 

செய்வு அளவில் என் மனமும் கண்ணும் ஓடி*

எம் பெருமான் திருவடிக்கீழ் அணைய* 

இப்பால் கை வளையும் மேகலையும் காணேன்* 

கண்டேன் கன மகரக் குழை இரண்டும் நான்கு தோளும்* 

எவ்வளவு உண்டு எம் பெருமான் கோயில்? என்றேற்கு* 

இது அன்றோ எழில் ஆலி? என்றார் தாமே|

222. திவ்ய ப்ரபந்தம் - 2074 - கண்ணனை கனவில் கண்டால் விட மாட்டேன்

திருநெடுந்தாண்டகம் - மூன்றாம் திருமொழி - மூன்றாம் பாசுரம் (23)

உள் ஊரும் சிந்தை நோய் எனக்கே தந்து* 

என் ஒளி வளையும் மா நிறமும் கொண்டார் இங்கே*

தெள் ஊரும் இளந் தெங்கின் தேறல் மாந்திச்* 

சேல் உகளும் திருவரங்கம் நம் ஊர் என்ன* 

கள் ஊரும் பைந் துழாய் மாலை யானைக்* 

கனவிடத்தில் யான் காண்பன் கண்ட போது* 

புள் ஊரும் கள்வா நீ போகேல் என்பன்* 

என்றாலும் இது நமக்கு ஓர் புலவி தானே?

223. திவ்ய ப்ரபந்தம் - 2075 - தோழி! எம்பிரான் ஊர் திருவரங்கமாமே?

திருநெடுந்தாண்டகம் - மூன்றாம் திருமொழி - நான்காம் பாசுரம் (24)

இரு கையில் சங்கு இவை நில்லா எல்லே பாவம்!* 

இலங்கு ஒலி நீர்ப் பெரும் பௌவம் மண்டி உண்ட* 

பெரு வயிற்ற கரு முகிலே ஒப்பர் வண்ணம்* 

பெருந் தவத்தர் அருந் தவத்து முனிவர் சூழ*

ஒரு கையில் சங்கு ஒரு கை மற்று ஆழி ஏந்தி* 

உலகு உண்ட பெரு வாயர் இங்கே வந்து* 

என் பொரு கயல் கண் நீர் அரும்பப் புலவி தந்து* 

புனல் அரங்கம் ஊர் என்று போயினாரே|

224. திவ்ய ப்ரபந்தம் - 2076 - தோழி! என்னை கவர்ந்தவர் ஊர் திருவரங்கம்

திருநெடுந்தாண்டகம் - மூன்றாம் திருமொழி - ஐந்தாம் பாசுரம் (25)

மின் இலங்கு திருவுருவும் பெரிய தோளும்* 

கரி முனிந்த கைத்தலமும் கண்ணும் வாயும்* 

தன் அலர்ந்த நறுந் துழாய் மலரின் கீழே* 

தாழ்ந்து இலங்கு மகரம் சேர் குழையும் காட்டி* 

என் நலனும் என் நிறையும் என் சிந்தையும்* 

என் வளையும் கொண்டு என்னை ஆளும் கொண்டு* 

பொன் அலர்ந்த நறுஞ் செருந்திப் பொழிலினூடே* 

புனல் அரங்கம் ஊர் என்று போயினாரே|

பொய்கை ஆழ்வார்

225. திவ்ய ப்ரபந்தம் - 2087 - பகவானை மறப்பேனா

முதலாம் திருவந்தாதி - முதலாம் திருமொழி - ஆறாம் பாசுரம் 

ஒன்றும் மறந்தறியேன்* ஓத நீர் வண்ணனை நான்*

இன்று மறப்பனோ? ஏழைகாள்!* 

அன்று கரு அரங்கத்துள் கிடந்து* கைதொழுதேன் கண்டேன்*

திருவரங்கம் மேயான் திசை|

||ஹரி ஓம்||

||ஸ்ரீ ஆழ்வார் திருவடிகளே சரணம்||

||ஸ்ரீ எம்பெருமானார் திருவடிகளே சரணம்||

||ஸ்ரீ ஜீயர் திருவடிகளே சரணம்||

||ஸ்ரீ அஸ்மத்  ஆசார்யன் திருவடிகளே சரணம்||

தொடரும்