108 திவ்ய தேசங்கள் - 023 - திருதேரழுந்தூர் 3

||ஸ்ரீ:||

||ஸ்ரீமதே ராமாநுஜாய நம:||

||ஸ்ரீமத் வரவர முநயே நம:||

023. திருதேரழுந்தூர் 

திருவழுந்தூர் - மாயவரம் 

இருபத்தி மூன்றாவது திவ்ய க்ஷேத்ரம்

இந்த திவ்ய தேசத்திற்கான பாசுரங்கள் - 45 - 1

திருமங்கையாழ்வார்

001. திவ்ய ப்ரபந்தம் - 1588 - எம்பெருமான் ஊர் திருவழுந்தூர்

பெரிய திருமொழி - ஏழாம் பத்து - ஐந்தாம் திருமொழி - முதலாம் பாசுரம்

தந்தை காலில் பெரு விலங்கு* தாள் அவிழ* 

நள் இருட்கண் வந்த எந்தை பெருமானார்* மருவி நின்ற ஊர் போலும்* 

முந்தி வானம் மழை பொழியும்* மூவா உருவின் மறையாளர்* 

அந்தி மூன்றும் அனல் ஓம்பும்* அணி ஆர் வீதி அழுந்தூரே|

002. திவ்ய ப்ரபந்தம் - 1589 - பார்த்தசாரதியின் ஊர் திருவழுந்தூர்

பெரிய திருமொழி - ஏழாம் பத்து - ஐந்தாம் திருமொழி - இரண்டாம் பாசுரம்

பாரித்து எழுந்த* படை மன்னர் தம்மை மாள* 

பாரதத்துத் தேரில் பாகன் ஆய் ஊர்ந்த* தேவ தேவன் ஊர் போலும்*

நீரில் பணைத்த நெடு வாளைக்கு* அஞ்சிப் போன குருகு இனங்கள்*

ஆரல் கவுளோடு அருகு அணையும்* அணி ஆர் வயல் சூழ் அழுந்தூரே|

003. திவ்ய ப்ரபந்தம் - 1590 -  இராவணனைக் கொன்றவன் ஊர் திருவழுந்தூர்

பெரிய திருமொழி - ஏழாம் பத்து - ஐந்தாம் திருமொழி - மூன்றாம் பாசுரம்

செம் பொன் மதிள் சூழ் தென் இலங்கைக்கு இறைவன்* சிரங்கள் ஐ இரண்டும்* 

உம்பர் வாளிக்கு இலக்கு ஆக* உதிர்த்த உரவோன் ஊர் போலும்* 

கொம்பில் ஆர்ந்த மாதவி மேல்* கோதி மேய்ந்த வண்டு இனங்கள்* 

அம்பு அராவும் கண் மடவார்* ஐம்பால் அணையும் அழுந்தூரே|

004. திவ்ய ப்ரபந்தம் - 1591 - என் கண்ணிலும் கருத்திலும் நின்றவர் ஊர் இது

பெரிய திருமொழி - ஏழாம் பத்து - ஐந்தாம் திருமொழி - நான்காம் பாசுரம் 

வெள்ளத்துள் ஓர் ஆல் இலை மேல் மேவி* அடியேன் மனம் புகுந்து* 

என் உள்ளத்துள்ளும் கண்ணுள்ளும்* நின்றார் நின்ற ஊர் போலும்*

புள்ளுப் பிள்ளைக்கு இரை தேடிப்* போன காதல் பெடையோடும்*

அள்ளல் செறுவில் கயல் நாடும்* அணி ஆர் வயல் சூழ் அழுந்தூரே|

005. திவ்ய ப்ரபந்தம் - 1592 - எல்லாம் ஆனவர் நின்ற ஊர் இது

பெரிய திருமொழி - ஏழாம் பத்து - ஐந்தாம் திருமொழி - ஐந்தாம் பாசுரம்

பகலும் இரவும் தானே ஆய்ப்* பாரும் விண்ணும் தானே ஆய்*

நிகரில் சுடர் ஆய் இருள் ஆகி* நின்றார் நின்ற ஊர் போலும்*

துகிலின் கொடியும் தேர்த் துகளும்* துன்னி மாதர் கூந்தல்வாய்*

அகிலின் புகையால் முகில் ஏய்க்கும்* அணி ஆர் வீதி அழுந்தூரே|

006. திவ்ய ப்ரபந்தம் - 1593 - என் உள்ளம் புகுந்தவர் நின்ற ஊர் இது

பெரிய திருமொழி - ஏழாம் பத்து - ஐந்தாம் திருமொழி - ஆறாம் பாசுரம்

ஏடு இலங்கு தாமரை போல்* செவ்வாய் முறுவல் செய்தருளி*

மாடு வந்து என் மனம் புகுந்து* நின்றார் நின்ற ஊர் போலும்*

நீடு மாடத் தனிச் சூலம்* போழக் கொண்டல் துளி தூவ*

ஆடல் அரவத்து ஆர்ப்பு ஓவா* அணி ஆர் வீதி அழுந்தூரே|

007. திவ்ய ப்ரபந்தம் - 1594 - நான் பக்திக் கண்ணீர் விடச் செய்தவர் ஊர் இது

பெரிய திருமொழி - ஏழாம் பத்து - ஐந்தாம் திருமொழி - ஏழாம் பாசுரம்

மாலைப் புகுந்து மலர் அணைமேல்* வைகி அடியேன் மனம் புகுந்து* 

என் நீலக் கண்கள் பனி மல்க* நின்றார் நின்ற ஊர் போலும்*

வேலைக் கடல் போல் நெடு வீதி* விண் தோய் சுதை வெண் மணி மாடத்து*

ஆலைப் புகையால் அழல் கதிரை மறைக்கும்* வீதி அழுந்தூரே|

008. திவ்ய ப்ரபந்தம் - 1595 - எனக்குக் கனவில் காட்சி தந்தனர் ஊர் இது

பெரிய திருமொழி - ஏழாம் பத்து - ஐந்தாம் திருமொழி - எட்டாம் பாசுரம்

வஞ்சி மருங்குல் இடை நோவ* மணந்து நின்ற கனவகத்து* 

என் நெஞ்சு நிறையக் கைகூப்பி* நின்றார் நின்ற ஊர் போலும்*

பஞ்சி அன்ன மெல் அடி* நல் பாவைமார்கள்* 

ஆடகத்தின் அம் சிலம்பின் ஆர்ப்பு ஓவா* அணி ஆர் வீதி அழுந்தூரே|

009. திவ்ய ப்ரபந்தம் - 1596 - என் ஐம்புலன்களையும் கவர்ந்தவர் ஊர் இது

பெரிய திருமொழி - ஏழாம் பத்து - ஐந்தாம் திருமொழி - ஒண்பதாம் பாசுரம்

என் ஐம்புலனும் எழிலும் கொண்டு* இங்கே நெருநல் எழுந்தருளி*

பொன் அம் கலைகள் மெலிவு எய்தப்* போன புனிதர் ஊர் போலும்*

மன்னும் முது நீர் அரவிந்த மலர் மேல்* வரி வண்டு இசை பாட*

அன்னம் பெடையோடு உடன் ஆடும்* அணி ஆர் வயல் சூழ் அழுந்தூரே|

010. திவ்ய ப்ரபந்தம் - 1597 - இப்பாடல்களைப் பாடினால் பாவம் நீங்கும்

பெரிய திருமொழி - ஏழாம் பத்து - ஐந்தாம் திருமொழி - பத்தாம் பாசுரம்

நெல்லில் குவளை கண் காட்ட* நீரில் குமுதம் வாய் காட்ட*

அல்லிக் கமலம் முகம் காட்டும்* கழனி அழுந்தூர் நின்றானை*

வல்லிப் பொதும்பில் குயில் கூவும்* மங்கை வேந்தன் பரகாலன்*

சொல்லில் பொலிந்த தமிழ் மாலை* சொல்லப் பாவம் நில்லாவே|

011. திவ்ய ப்ரபந்தம் - 1598 - நரசிங்கனை நான் கண்ட இடம் திருவழுந்தூர்

பெரிய திருமொழி - ஏழாம் பத்து - ஆறாம் திருமொழி - முதலாம் பாசுரம்

சிங்கம் அது ஆய் அவுணன்* திறல் ஆகம் முன் கீண்டு உகந்த*

சங்கம் இடத்தானைத்* தழல் ஆழி வலத்தானை*

செங் கமலத்து அயன் அனையார்* தென் அழுந்தையில் மன்னி நின்ற*

அம் கமலக் கண்ணனை * அடியேன் கண்டு கொண்டேனே|

012. திவ்ய ப்ரபந்தம் - 1599 - பரசுராமனை நான் கண்டு திளைத்த இடம் இது

பெரிய திருமொழி - ஏழாம் பத்து - ஆறாம் திருமொழி - இரண்டாம் பாசுரம்

கோ ஆனார் மடியக்* கொலை ஆர் மழுக் கொண்டருளும்*

மூவா வானவனை* முழு நீர் வண்ணனை அடியார்க்கு*

ஆஆ என்று இரங்கித்* தென் அழுந்தையில் மன்னி நின்ற*

தேவாதி தேவனை * யான் கண்டு கொண்டு திளைத்தேனே|

013. திவ்ய ப்ரபந்தம் - 1600 - உலகம் படைத்தவனை அடைந்து உய்ந்த இடம் இது

பெரிய திருமொழி - ஏழாம் பத்து - ஆறாம் திருமொழி - மூன்றாம் பாசுரம்

உடையானை* ஒலி நீர் உலகங்கள் படைத்தானை*

விடையான் ஓட அன்று* விறல் ஆழி விசைத்தானை*

அடையார் தென் இலங்கை அழித்தானை* 

அணி அழுந்தூர் உடையானை* அடியேன் அடைந்து உய்ந்து போனேனே|

014. திவ்ய ப்ரபந்தம் - 1601 - குன்றினால் மழை தடுத்தவனை நான் கண்ட இடம் இது

பெரிய திருமொழி - ஏழாம் பத்து - ஆறாம் திருமொழி - நான்காம் பாசுரம் 

குன்றால் மாரி தடுத்தவனை* குல வேழம் அன்று பொன்றாமை* 

அதனுக்கு அருள் செய்த போர் ஏற்றை* அன்று ஆவின் நறு நெய்* 

அமர்ந்து உண்ட அணி அழுந்தூர் நின்றானை * 

அடியேன் கண்டு கொண்டு நிறைந்தேனே|

015. திவ்ய ப்ரபந்தம் - 1602 - கண்ணனைக் கண்டு கொண்ட இடம் இது

பெரிய திருமொழி - ஏழாம் பத்து - ஆறாம் திருமொழி - ஐந்தாம் பாசுரம்

கஞ்சனைக் காய்ந்தானைக்* கண்ணமங்கையுள் நின்றானை*

வஞ்சனப் பேய் முலையூடு* உயிர் வாய் மடுத்து உண்டானை*

செஞ்சொல் நான்மறையோர்* தென் அழுந்தையில் மன்னி நின்ற*

அஞ்சனக் குன்றம் தன்னை * அடியேன் கண்டு கொண்டேனே|

016. திவ்ய ப்ரபந்தம் - 1603 - யாவர்க்கும் அரியவனைக் கண்டு கொண்ட இடம் இது

பெரிய திருமொழி - ஏழாம் பத்து - ஆறாம் திருமொழி - ஆறாம் பாசுரம்

பெரியானை* அமரர் தலைவற்கும் பிரமனுக்கும்*

உரி யானை உகந்தான் அவனுக்கும்* 

உணர்வதனுக்கு அரியானை* அழுந்தூர் மறையோர்கள்* 

அடிபணியும் கரியானை * அடியேன் கண்டு கொண்டு களித்தேனே|

017. திவ்ய ப்ரபந்தம் - 1604 - அழுந்தூரில் ஆமருவியப்பனைக் கண்டு களித்தேன்

பெரிய திருமொழி - ஏழாம் பத்து - ஆறாம் திருமொழி - ஏழாம் பாசுரம்

திரு வாழ் மார்வன் தன்னைத்* திசை மண் நீர் எரி முதலா*

உரு ஆய் நின்றவனை* ஒலி சேரும் மாருதத்தை*

அரு ஆய் நின்றவனைத்* தென் அழுந்தையில் மன்னி நின்ற*

கரு ஆர் கற்பகத்தைக்* கண்டு கொண்டு களித்தேனே|

018. திவ்ய ப்ரபந்தம் - 1605 - நிலமகள் கணவனை அழுந்தூரில் கண்டு களித்தேன்

பெரிய திருமொழி - ஏழாம் பத்து - ஆறாம் திருமொழி - எட்டாம் பாசுரம்

நிலை ஆள் ஆக* என்னை உகந்தானை* 

நில மகள் தன் முலை ஆள் வித்தகனை* முது நான்மறை வீதிதொறும்*

அலை ஆர் கடல் போல் முழங்கும்* தென் அழுந்தையில் மன்னி நின்ற*

கலை ஆர் சொற்பொருளைக்* கண்டு கொண்டு களித்தேனே|

019. திவ்ய ப்ரபந்தம் - 1606 - திருமகள் கணவனை நான் கண்டு களித்த இடம் இது

பெரிய திருமொழி - ஏழாம் பத்து - ஆறாம் திருமொழி - ஒண்பதாம் பாசுரம்

பேரானைக்* குடந்தைப் பெருமானை* 

இலங்கு ஒளி சேர் வார் ஆர் வனமுலையாள்* 

மலர் மங்கை நாயகனை* ஆரா இன் அமுதைத்* 

தென் அழுந்தையில் மன்னி நின்ற*

கார் ஆர் கரு முகிலைக் * கண்டு கொண்டு களித்தேனே|

020. திவ்ய ப்ரபந்தம் - 1607 - தேவர் உலகை ஆள்வர்

பெரிய திருமொழி - ஏழாம் பத்து - ஆறாம் திருமொழி - பத்தாம் பாசுரம்

திறல் முருகன் அனையார்* தென் அழுந்தையில் மன்னி நின்ற*

அற முதல்வன் அவனை* அணி ஆலியர் கோன் மருவார்*

கறை நெடு வேல் வலவன்* கலிகன்றி சொல் ஐ இரண்டும்*

முறை வழுவாமை வல்லார்* முழுது ஆள்வர் வான் உலகே|

021. திவ்ய ப்ரபந்தம் - 1608 - ஆமருவியப்பா! நீயே அடைக்கலம்

பெரிய திருமொழி - ஏழாம் பத்து - ஏழாம் திருமொழி - முதலாம் பாசுரம்

திருவுக்கும் திரு ஆகிய செல்வா* தெய்வத்துக்கு அரசே செய்ய கண்ணா*

உருவச் செஞ் சுடர் ஆழி வல்லானே* உலகு உண்ட ஒருவா திரு மார்பா*

ஒருவற்கு ஆற்றி உய்யும் வகை என்றால்*

உடன் நின்று ஐவர் என்னுள் புகுந்து* ஒழியாது

அருவித் தின்றிட அஞ்சி நின் அடைந்தேன்*

அழுந்தூர் மேல் திசை நின்ற அம்மானே|

022. திவ்ய ப்ரபந்தம் - 1609 - ஆமருவியப்பா! நின்னையே நான் சரணடைந்தேன்

பெரிய திருமொழி - ஏழாம் பத்து - ஏழாம் திருமொழி - இரண்டாம் பாசுரம்

பந்து ஆர் மெல் விரல் நல் வளைத் தோளி*

பாவை பூமகள் தன்னொடும் உடனே வந்தாய்* 

என் மனத்தே மன்னி நின்றாய்* மால் வண்ணா மழைபோல் ஒளி வண்ணா*

சந்தோகா பௌழியா தைத்திரியா* சாம வேதியனே நெடுமாலே*

அந்தோ நின் அடி அன்றி மற்று அறியேன்* 

அழுந்தூர் மேல் திசை நின்ற அம்மானே|

||ஹரி ஓம்||

||ஸ்ரீ ஆழ்வார் திருவடிகளே சரணம்||

||ஸ்ரீ எம்பெருமானார் திருவடிகளே சரணம்||

||ஸ்ரீ ஜீயர் திருவடிகளே சரணம்||

||ஸ்ரீ அஸ்மத்  ஆசார்யன் திருவடிகளே சரணம்||

தொடரும்