108 திவ்ய தேசங்கள் - 024 - திருசிறுப்புலியூர் 3

||ஸ்ரீ:||

||ஸ்ரீமதே ராமாநுஜாய நம:||

||ஸ்ரீமத் வரவர முநயே நம:||

024. திருசிறுப்புலியூர் (திருவாரூர்)

இருபத்தி நான்காவது திவ்ய க்ஷேத்ரம்

இந்த திவ்ய தேசத்திற்கான பாசுரங்கள் - 10

திருமங்கையாழ்வார்

001. திவ்ய ப்ரபந்தம் - 1628 - யாவரும் அருள்மா கடல் நாயகனைத் தொழுமின்

பெரிய திருமொழி - ஏழாம் பத்து - ஒண்பதாம் திருமொழி - முதலாம் பாசுரம்

கள்ளம் மனம் விள்ளும் வகை* கருதிக் கழல் தொழுவீர்*

வெள்ளம் முது பரவைத்* திரை விரிய* 

கரை எங்கும் தெள்ளும் மணி திகழும்* 

சிறுபுலியூர்ச் சலசயனத்து உள்ளும்* 

எனது உள்ளத்துள்ளும்* உறைவாரை உள்ளீரே|

002. திவ்ய ப்ரபந்தம் - 1629 - யார் சொல்லையும் கேளாமல் சிறுபுலியூர் சேர்க

பெரிய திருமொழி - ஏழாம் பத்து - ஒண்பதாம் திருமொழி - இரண்டாம் பாசுரம்

தெருவில் திரி சிறு நோன்பியர்* செஞ் சோற்றொடு கஞ்சி மருவி* 

பிரிந்தவர் வாய்மொழி* மதியாது வந்து அடைவீர்*

திருவில் பொலி மறையோர்* சிறுபுலியூர்ச் சலசயனத்து*

உருவக் குறள் அடிகள் அடி* உணர்மின் உணர்வீரே|

003. திவ்ய ப்ரபந்தம் - 1630 - அருள்மா கடலின் அடிகளையே நான் அறிவேன்

பெரிய திருமொழி - ஏழாம் பத்து - ஒண்பதாம் திருமொழி - மூன்றாம் பாசுரம்

பறையும் வினை தொழுது உய்ம்மின் நீர்* பணியும் சிறு தொண்டீர்*

அறையும் புனல் ஒருபால் வயல்* ஒரு பால் பொழில் ஒரு பால்*

சிறை வண்டு இனம் அறையும்* சிறுபுலியூர்ச் சலசயனத்து உறையும்* 

இறை அடி அல்லது* ஒன்று இறையும் அறியேனே|

004. திவ்ய ப்ரபந்தம் - 1631 - வேறு யாருக்கும் நான் அடிமையாக மாட்டேன்

பெரிய திருமொழி - ஏழாம் பத்து - ஒண்பதாம் திருமொழி - நான்காம் பாசுரம் 

வான் ஆர் மதி பொதியும் சடை* மழுவாளியொடு ஒருபால்*

தான் ஆகிய தலைவன் அவன்* அமரர்க்கு அதிபதி ஆம்*

தேன் ஆர் பொழில் தழுவும்* சிறுபுலியூர்ச் சலசயனத்து ஆன் ஆயனது* 

அடி அல்லது* ஒன்று அறியேன் அடியேனே|

005. திவ்ய ப்ரபந்தம் - 1632 - அருள்மா கடலே! அருள் செய்

பெரிய திருமொழி - ஏழாம் பத்து - ஒண்பதாம் திருமொழி - ஐந்தாம் பாசுரம்

நந்தா நெடு நரகத்திடை* நணுகா வகை* 

நாளும் எந்தாய் என* இமையோர் தொழுது ஏத்தும் இடம்* 

எறி நீர்ச் செந்தாமரை மலரும்* சிறுபுலியூர்ச் சலசயனத்து*

அம் தாமரை அடியாய்* உனது அடியேற்கு அருள் புரியே|

006. திவ்ய ப்ரபந்தம் - 1633 - இப்பரமனைத் தொழுவார்க்குத் துயரமே வராது

பெரிய திருமொழி - ஏழாம் பத்து - ஒண்பதாம் திருமொழி - ஆறாம் பாசுரம்

முழு நீலமும் மலர் ஆம்பலும்* அரவிந்தமும் விரவி*

கழுநீரொடு மடவார் அவர்* கண் வாய் முகம் மலரும்*

செழு நீர் வயல் தழுவும்* சிறுபுலியூர்ச் சலசயனம்*

தொழு நீர்மை அது உடையார்* அடி தொழுவார் துயர் இலரே|

007. திவ்ய ப்ரபந்தம் - 1634 - மாயனே! நீ எங்கிருக்கிறாய்?

பெரிய திருமொழி - ஏழாம் பத்து - ஒண்பதாம் திருமொழி - ஏழாம் பாசுரம்

சேய் ஓங்கு* தண் திருமாலிருஞ்சோலை மலை உறையும் மாயா* 

எனக்கு உரையாய் இது* மறை நான்கின் உளாயோ?*

தீ ஓம்புகை மறையோர்* சிறுபுலியூர்ச் சலசயனத் தாயோ?* 

உனது அடியார் மனத்தாயோ?* அறியேனே|

008. திவ்ய ப்ரபந்தம் - 1635 - புலியூர்ச் சல சயனத்தானே! அருள் செய்

பெரிய திருமொழி - ஏழாம் பத்து - ஒண்பதாம் திருமொழி - எட்டாம் பாசுரம்

மை ஆர் வரி நீலம்* மலர்க் கண்ணார் மனம் விட்டிட்டு*

உய்வான் உன கழலே* தொழுது எழுவேன்* 

கிளி மடவார் செவ்வாய் மொழி பயிலும்* சிறுபுலியூர்ச் சலசயனத்து*

ஐ வாய் அரவு அணை மேல்* உறை அமலா அருளாயே|

009. திவ்ய ப்ரபந்தம் - 1636 - பரமனே! உன் திருவடிகளே எங்கள் கதி

பெரிய திருமொழி - ஏழாம் பத்து - ஒண்பதாம் திருமொழி - ஒண்பதாம் பாசுரம்

கரு மா முகில் உருவா* கனல் உருவா புனல் உருவா*

பெரு மால் வரை உருவா* பிற உருவா நினது உருவா*

திரு மா மகள் மருவும்* சிறுபுலியூர்ச் சலசயனத்து*

அரு மா கடல் அமுதே* உனது அடியே சரண் ஆமே|

010. திவ்ய ப்ரபந்தம் - 1637 - பாவம் பறந்து விடும்

பெரிய திருமொழி - ஏழாம் பத்து - ஒண்பதாம் திருமொழி - பத்தாம் பாசுரம்

சீர் ஆர் நெடு மறுகில்* சிறுபுலியூர்ச் சலசயனத்து*

ஏர் ஆர் முகில் வண்ணன் தனை* இமையோர் பெருமானை*

கார் ஆர் வயல் மங்கைக்கு இறை* கலியன் ஒலி மாலை*

பாரார் இவை பரவித் தொழப்* பாவம் பயிலாவே|

||ஹரி ஓம்||

||ஸ்ரீ ஆழ்வார் திருவடிகளே சரணம்||

||ஸ்ரீ எம்பெருமானார் திருவடிகளே சரணம்||

||ஸ்ரீ ஜீயர் திருவடிகளே சரணம்||

||ஸ்ரீ அஸ்மத்  ஆசார்யன் திருவடிகளே சரணம்||

தொடரும்