108 திவ்ய தேசங்கள் - 015 - திருச்சேறை 2

||ஸ்ரீ:||

||ஸ்ரீமதே ராமாநுஜாய நம:|| 

 ||ஸ்ரீமத் வரவர முநயே நம:||  

015. திருச்சேறை 

பஞ்ச ஸார க்ஷேத்ரம் - கும்பகோணம்

பதினைந்தாவது திவ்ய க்ஷேத்ரம்

மயர்வற மதிநலம் அருளப் பெற்ற ஆழ்வார்கள் அருளிச் செய்த

தமிழ் வேதமாகிய நாலாயிர திவ்ய ப்ரபந்தத்தில்

இந்த திவ்ய தேசத்திற்கான பாசுரங்களின் விவரங்கள்

1 ஆழ்வார் - 13 பாசுரங்கள்

1. திருமங்கையாழ்வார் - 13 பாசுரங்கள் 

1. பெரிய திருமொழி (இரண்டாம் ஆயிரம்) - 11 பாசுரங்கள்

• திவ்ய ப்ரபந்தம் - 1578 - 1587 - ஏழாம் பத்து - நான்காம் திருமொழி - 10 பாசுரங்கள்

• திவ்ய ப்ரபந்தம் - 1853 - பத்தாம் பத்து - முதலாம் திருமொழி - 1 பாசுரம்

2. சிறிய திருமடல் (மூன்றாம் ஆயிரம்) - 1 பாசுரம்

• திவ்ய ப்ரபந்தம் - 2707 - நான்காம் திருமொழி - ஐந்தாம் பாசுரம் (35)

3. பெரிய திருமடல் (மூன்றாம் ஆயிரம்) - 1 பாசுரம்

• திவ்ய ப்ரபந்தம் - 2772 - ஆறாம் திருமொழி - பத்தாம் பாசுரம் (60)

--------------------

திவ்ய கவி பிள்ளை பெருமாள் ஐயங்கார்

இந்த திவ்ய தேசத்திற்காக இயற்றிய அந்தாதி 

தனியன்

மண்ணில் அரங்கம் முதல் வைகுந்த நாடளவும்*

எண்ணு திருப்பதி நூற்று எட்டினையும் நண்ணியே*

கற்பார் துதிப்பார் கருதுவார் கேட்டிருப்பார்*

பொற் பாதம் என் தலை மேல் பூ*

அந்தாதி

சென்று சென்று செல்வம் செருக்குவார் வாயில் தொறும்*

நின்று நின்று தூங்கும் மட நெஞ்சமே இன் தமிழைக்*

கூறைக்கும் சோற்றுக்கும் கூறாதே பேறு ஆகச்*

சேறைக்கு நாயகன் பேர் செப்பு*

• செல்வம் செருக்குவார் வாயில்தொறும் - செல்வத்தினால் இறுமாப்புக் கொண்டவரது வீட்டு வாசல்கள் தோறும்

• சென்று சென்று - போய்ப் போய்

• நின்று நின்று - அங்கங்கே நெடு நேரம் நின்று

• தூங்கும் - சோர்வை அடைகின்ற

• மடம் - அறியாமையை உடைய

• நெஞ்சமே - எனது மனமே!  நீ

• இன் தமிழை - இனிய தமிழ்ப் பாடலை

• கூறைக்கும் - வஸ்திரத்தின் பொருட்டும்

• சோற்றுக்கும் - சோற்றின் பொருட்டும்

• கூறாது - மநுஷ்யரைப் பாடாமல்

• பேறு ஆக - முத்திப் பயன் கை கூடும்படி

• சேறைக்கு நாயகன் பேர் செப்பு - திருச்சேறை என்னும் திவ்ய ஸ்தலத்திற்குத் தலைவனான எம்பெருமானது திருநாமத்தைப் பாடுவாயாக

||ஹரி ஓம்||

||ஸ்ரீ ஆழ்வார் திருவடிகளே சரணம்||

||ஸ்ரீ எம்பெருமானார் திருவடிகளே சரணம்||

||ஸ்ரீ ஜீயர் திருவடிகளே சரணம்||

||ஸ்ரீ அஸ்மத்  ஆசார்யன் திருவடிகளே சரணம்||

தொடரும்