108 திவ்ய தேசங்கள் - 001 - திருவரங்கம் 7

||ஸ்ரீ:||

||ஸ்ரீமதே ராமாநுஜாய நம:||

||ஸ்ரீமத் வரவர முநயே நம:||

001. திருவரங்கம் 

ஸ்ரீரங்கம் - திருச்சி 

முதலாவது திவ்ய க்ஷேத்ரம்

இந்த திவ்ய தேசத்திற்கான பாசுரங்கள் - 249 - 3

ஸ்ரீ ஆண்டாள் 

038. திவ்ய ப்ரபந்தம் - 607 - என் சங்கு வளைகளைத் திருவரங்கர் கவர்ந்து விட்டாரே!

நாச்சியார் திருமொழி - பதினொன்றாம் திருமொழி - முதலாம் பாசுரம்

தாம் உகக்கும் தம் கையிற்* சங்கமே போலாவோ* 

யாம் உகக்கும் எம் கையில்* சங்கமும்? ஏந்திழையீர்!* 

தீ முகத்து நாகணை மேல்* சேரும் திருவரங்கர்* 

ஆ! முகத்தை நோக்காரால்* அம்மனே! அம்மனே| (2)

039. திவ்ய ப்ரபந்தம் - 608 - என் வளைகள் சுழல்கின்றனவே!

நாச்சியார் திருமொழி - பதினொன்றாம் திருமொழி - இரண்டாம் பாசுரம்

எழில் உடைய அம்மனைமீர்!* என் அரங்கத்து இன்னமுதர்* 

குழல் அழகர் வாய் அழகர்* கண் அழகர் கொப்பூழில்* 

எழு கமலப் பூ அழகர்* எம்மானார்* 

என்னுடைய கழல் வளையைத் தாமும்* கழல் வளையே ஆக்கினரே|

040. திவ்ய ப்ரபந்தம் - 609 - என் இடரை அவர் தீர்ப்பாரா?

நாச்சியார் திருமொழி - பதினொன்றாம் திருமொழி - மூன்றாம் பாசுரம்

பொங்கு ஓதம் சூழ்ந்த* புவனியும் விண் உலகும்* 

அங்கு ஆதும் சோராமே* ஆள்கின்ற எம்பெருமான்* 

செங்கோல் உடைய* திருவரங்கச் செல்வனார்* 

எம் கோல் வளையால்* இடர் தீர்வர் ஆகாதே? (2)

041. திவ்ய ப்ரபந்தம் - 610 - என் வளை மீது அவருக்கு என்ன ஆசை?

நாச்சியார் திருமொழி - பதினொன்றாம் திருமொழி - நான்காம் பாசுரம்

மச்சு அணி மாட* மதில் அரங்கர் வாமனனார்* 

பச்சைப் பசுந் தேவர்* தாம் பண்டு நீர் ஏற்ற* 

பிச்சைக் குறையாகி* என்னுடைய பெய்வளை மேல்* 

இச்சை உடையரேல்* இத் தெருவே போதாரே?

042. திவ்ய ப்ரபந்தம் - 611 - என் பொருள் அவருக்கு எதற்கு?

நாச்சியார் திருமொழி - பதினொன்றாம் திருமொழி - ஐந்தாம் பாசுரம்

பொல்லாக் குறள் உருவாய்ப்* பொற் கையில் நீர் ஏற்று* 

எல்லா உலகும்* அளந்து கொண்ட எம்பெருமான்* 

நல்லார்கள் வாழும்* நளிர் அரங்க நாகணையான்* 

இல்லாதோம் கைப்பொருளும்* எய்துவான் ஒத்து உளனே|

043. திவ்ய ப்ரபந்தம் - 612 - நான்மறையின் சொற்பொருளாய் நின்றவரன்றோ அவர்?

நாச்சியார் திருமொழி - பதினொன்றாம் திருமொழி - ஆறாம் பாசுரம்

கைப் பொருள்கள் முன்னமே* கைக்கொண்டார்* 

காவிரிநீர் செய்ப் புரள ஓடும்* திருவரங்கச் செல்வனார்* 

எப் பொருட்கும் நின்று ஆர்க்கும்* எய்தாது*

நான் மறையின் சொற்பொருளாய் நின்றார்* 

என் மெய்ப்பொருளும் கொண்டாரே|

044. திவ்ய ப்ரபந்தம் - 613 - தம் நன்மைகளையே அவர் எண்ணுகிறாரே!

நாச்சியார் திருமொழி - பதினொன்றாம் திருமொழி - ஏழாம் பாசுரம்

உண்ணாது உறங்காது* ஒலி கடலை ஊடறுத்துப்* 

பெண் ஆக்கை யாப்புண்டு* தாம் உற்ற பேது எல்லாம்* 

திண்ணார் மதில் சூழ்* திருவரங்கச் செல்வனார்* 

எண்ணாதே தம்முடைய* நன்மைகளே எண்ணுவரே|

045. திவ்ய ப்ரபந்தம் - 614 - அவர் எவ்வளவெல்லாம் பேசினார்!

நாச்சியார் திருமொழி - பதினொன்றாம் திருமொழி - எட்டாம் பாசுரம்

பாசி தூர்த்தக் கிடந்த* பார்மகட்குப்*

பண்டு ஒரு நாள் மாசு உடம்பில் சீர் வாரா* மானம் இலாப் பன்றி ஆம்* 

தேசு உடைய தேவர்* திருவரங்கச் செல்வனார்* 

பேசியிருப்பனகள்* பேர்க்கவும் பேராவே| (2)  

046. திவ்ய ப்ரபந்தம் - 615 - அவரது ஊர் அரங்கமே

நாச்சியார் திருமொழி - பதினொன்றாம் திருமொழி - ஒண்பதாம் பாசுரம்

கண்ணாலம் கோடித்துக்* கன்னி தன்னைக் கைப்பிடிப்பான்* 

திண் ஆர்ந்து இருந்த* சிசுபாலன் தேசு அழிந்து* 

அண்ணாந்து இருக்கவே* ஆங்கு அவளைக் கைப்பிடித்த* 

பெண்ணாளன் பேணும் ஊர்* பேரும் அரங்கமே|

047. திவ்ய ப்ரபந்தம் - 616 - அவர் சொல் பொய்க்காது

நாச்சியார் திருமொழி - பதினொன்றாம் திருமொழி - பத்தாம் பாசுரம்

செம்மை உடைய* திருவரங்கர் தாம் பணித்த* 

மெய்ம்மைப் பெரு வார்த்தை* விட்டுசித்தர் கேட்டிருப்பர்* 

தம்மை உகப்பாரைத்* தாம் உகப்பர் என்னும் சொல்* 

தம்மிடையே பொய்யானால்* சாதிப்பார் ஆர் இனியே| (2) 

குலசேகராழ்வார்

048. திவ்ய ப்ரபந்தம் - 647 - கண்கள் திருவரங்கனைக் கண்டு என்று களிக்குமோ!

பெருமாள் திருமொழி - முதலாம் திருமொழி - முதலாம் பாசுரம்

இருள் இரியச் சுடர் மணிகள் இமைக்கும் நெற்றி* 

இனத்துத்தி அணி பணம் ஆயிரங்கள் ஆர்ந்த*

அரவு அரசப் பெருஞ் சோதி அனந்தன் என்னும்* 

அணி விளங்கும் உயர் வெள்ளை அணையை மேவி*

திருவரங்கப் பெரு நகருள் தெண்ணீர்ப் பொன்னி* 

திரைக் கையால் அடி வருடப் பள்ளி கொள்ளும்*

கரு மணியைக் கோமளத்தைக் கண்டு கொண்டு* 

என் கண்ணிணைகள் என்று கொலோ களிக்கும் நாளே? (2)

049. திவ்ய ப்ரபந்தம் - 648 - பள்ளி கொண்டானை வாயார என்று வாழ்த்துவேனோ!

பெருமாள் திருமொழி - முதலாம் திருமொழி - இரண்டாம் பாசுரம்

வாய் ஓர் ஈரைஞ்ஞூறு துதங்கள் ஆர்ந்த* 

வளை உடம்பின் அழல் நாகம் உமிழ்ந்த செந்தீ*

வீயாத மலர்ச் சென்னி விதானமே போல்* 

மேன்மேலும் மிக எங்கும் பரந்ததன் கீழ்*

காயாம்பூ மலர்ப் பிறங்கல் அன்ன மாலை* 

கடி அரங்கத்து அரவணையிற் பள்ளி கொள்ளும்*

மாயோனை மணத்தூணே பற்றி நின்று* 

என் வாயார என்று கொலோ வாழ்த்தும் நாளே|

050. திவ்ய பிரபந்தம் - 649 – அரங்கனடியார்களோடு நெருங்கி வார்வேனோ!

பெருமாள் திருமொழி - முதலாம் திருமொழி - மூன்றாம் பாசுரம்

எம் மாண்பின் அயன் நான்கு நாவினாலும் எடுத்து ஏத்தி* 

ஈரிரண்டு முகமும் கொண்டு*

எம்மாடும் எழிற் கண்கள் எட்டினோடும்* 

தொழுது ஏத்தி இனிது இறைஞ்ச நின்ற* 

செம்பொன் அம்மான் தன் மலர்க் கமலக் கொப்பூழ் தோன்ற* 

அணி அரங்கத்து அரவணையிற் பள்ளி கொள்ளும்*

அம்மான் தன் அடியிணைக் கீழ் அலர்கள் இட்டு* 

அங்கு அடியவரோடு என்று கொலோ அணுகும் நாளே|

051. திவ்ய பிரபந்தம் - 650 – அரங்கனை அருச்சிக்கும் நாள் எந்நாளோ!

பெருமாள் திருமொழி - முதலாம் திருமொழி - நான்காம் பாசுரம்

மாவினை வாய் பிளந்து உகந்த மாலை* 

வேலை வண்ணனை என் கண்ணனை* 

வன் குன்றம் ஏந்தி ஆவினை அன்று உயக் கொண்ட ஆயர் ஏற்றை* 

அமரர்கள் தம் தலைவனை அந் தமிழின் இன்பப் பாவினை* 

அவ் வடமொழியை பற்று அற்றார்கள்* 

பயில் அரங்கத்து அரவணையிற் பள்ளி கொள்ளும்*

கோவினை நா உற வழுத்தி என்தன் கைகள்* 

கொய்ம் மலர் தூய் என்று கொலோ கூப்பும் நாளே|

052. திவ்ய பிரபந்தம் - 651 – மணிவண்ணனை வணங்கும் நாள் எந்நாளோ!

பெருமாள் திருமொழி - முதலாம் திருமொழி - ஐந்தாம் பாசுரம்

இணையில்லா இன்னிசை யாழ் கெழுமி* 

இன்பத் தும்புருவும் நாரதனும் இறைஞ்சி ஏத்த*

துணையில்லாத் தொல் மறை நூல் தோத்திரத்தால்* 

தொல் மலர்க்கண் அயன் வணங்கி ஓவாது ஏத்த*

மணி மாட மாளிகைகள் மல்கு செல்வ* 

மதில் அரங்கத்து அரவணையிற் பள்ளி கொள்ளும்*

மணிவண்ணன் அம்மானைக் கண்டு கொண்டு* 

என் மலர்ச் சென்னி என்று கொலோ வணங்கும் நாளே|

||ஹரி ஓம்||

||ஸ்ரீ ஆழ்வார் திருவடிகளே சரணம்||

||ஸ்ரீ எம்பெருமானார் திருவடிகளே சரணம்||

||ஸ்ரீ ஜீயர் திருவடிகளே சரணம்||

||ஸ்ரீ அஸ்மத்  ஆசார்யன் திருவடிகளே சரணம்||

தொடரும்