108 திவ்ய தேசங்கள் - 001 - திருவரங்கம் 6

||ஸ்ரீ:||

||ஸ்ரீமதே ராமாநுஜாய நம:||

||ஸ்ரீமத் வரவர முநயே நம:||

001. திருவரங்கம் 

ஸ்ரீரங்கம் - திருச்சி 

முதலாவது திவ்ய க்ஷேத்ரம்

இந்த திவ்ய தேசத்திற்கான பாசுரங்கள் - 249 - 2

பெரியாழ்வார்

017. திவ்ய ப்ரபந்தம் - 412 - இராமன் கோயில் கொண்ட இடம் ஒளி அரங்கம்

பெரியாழ்வார் திருமொழி - நான்காம் பத்து - ஒண்பதாம் திருமொழி - முதலாம் பாசுரம்

மரவடியைத் தம்பிக்கு* வான் பணையம் வைத்துப் போய்* 

வானோர் வாழ* செருரு உடைய திசைக் கருமம்* 

திருத்தி வந்து உலகாண்ட* திருமால் கோயில்*

திருவடி தன் திரு உருவும்* திருமங்கை மலர்க் கண்ணும் காட்டி நின்று* 

உரு உடைய மலர் நீலம் காற்று ஆட்ட* ஒலி சலிக்கும் ஒளி அரங்கமே| (2)

018. திவ்ய ப்ரபந்தம் - 413 - அடியார் மீது நம்பிக்கை கொண்டவன் அரங்கன்

பெரியாழ்வார் திருமொழி - நான்காம் பத்து - ஒண்பதாம் திருமொழி - இரண்டாம் பாசுரம்

தன் அடியார் திறத்தகத்துத்* தாமரையாள் ஆகிலும் சிதகு உரைக்கு மேல்* 

என் அடியார் அது செய்யார்* செய்தாரேல் நன்று செய்தார் என்பர் போலும்* 

மன் உடைய விபீடணற்கா* 

மதிள் இலங்கைத் திசை நோக்கி மலர்க் கண் வைத்த* 

என்னுடைய திருவரங்கற்கு அன்றியும்* மற்று ஒருவர்க்கு ஆள் ஆவரே? (2)

019. திவ்ய ப்ரபந்தம் - 414 - அடியவரை ஆட்கொள்வான் ஊர் அணி அரங்கம்

பெரியாழ்வார் திருமொழி - நான்காம் பத்து - ஒண்பதாம் திருமொழி - மூன்றாம் பாசுரம்         

கருள் உடைய பொழில் மருதும்* கதக் களிறும் பிலம்பனையும் கடிய மாவும்* 

உருள் உடைய சகடரையும் மல்லரையும்* உடைய விட்டு ஓசை கேட்டான்* 

இருள் அகற்றும் எறி கதிரோன்* மண்டலத்தூடு ஏற்றி வைத்து ஏணி வாங்கி* 

அருள் கொடுத்திட்டு அடியவரை* 

ஆட்கொள்வான் அமரும் ஊர் அணி அரங்கமே|

020. திவ்ய ப்ரபந்தம் - 415 - துவராபதி மன்னன் மன்னுமிடம் புனல் அரங்கம்

நான்காம் பத்து - ஒண்பதாம் திருமொழி - நான்காம் பாசுரம்

பதினாறாம் ஆயிரவர்* தேவிமார் பணி செய்யத்* 

துவரை என்னும்* அதில் நாயகராகி வீற்றிருந்த* 

மணவாளர் மன்னு கோயில்* புது நான் மலர்க் கமலம்* 

எம்பெருமான் பொன் வயிற்றில் பூவே போல்வான்* 

பொது நாயகம் பாவித்து* இறுமாந்து பொன் சாய்க்கும் புனல் அரங்கமே|

021. திவ்ய ப்ரபந்தம் - 416 - பறவைகள் கருடனின் புகழ் கூறும் இடம் திருவரங்கம்

பெரியாழ்வார் திருமொழி - நான்காம் பத்து - ஒண்பதாம் திருமொழி - ஐந்தாம் பாசுரம்

ஆமையாய்க் கங்கையாய்* ஆழ் கடலாய் அவனியாய் அரு வரைகளாய்* 

நான்முகனாய் நான்மறையாய்* 

வேள்வியாய்த் தக்கணையாய்த் தானும் ஆனான்* 

சேமம் உடை நாரதனார்* 

சென்று சென்று துதித்து இறைஞ்சக் கிடந்தான் கோயில்* 

பூ மருவிப் புள் இனங்கள்* புள் அரையன் புகழ் குழறும் புனல் அரங்கமே|

022. திவ்ய ப்ரபந்தம் - 417 - யாவரும் வந்து தொழுமிடம் திருவரங்கம்

பெரியாழ்வார் திருமொழி - நான்காம் பத்து - ஒண்பதாம் திருமொழி - ஆறாம் பாசுரம்

மைத்துனன்மார் காதலியை* மயிர் முடிப்பித்து அவர்களையே மன்னர் ஆக்கி* 

உத்தரைதன் சிறுவனையும் உய்யக் கொண்ட* உயிராளன் உறையும் கோயில்* 

பத்தர்களும் பகவர்களும்* பழமொழிவாய் முனிவர்களும் பரந்த நாடும்* 

சித்தர்களும் தொழுது இறைஞ்சத்* திசை விளக்காய் நிற்கின்ற திருவரங்கமே|

023. திவ்ய ப்ரபந்தம் - 418 - அரவணையின் செழுமணிகள் ஒளிரும் இடம் அரங்கம்

பெரியாழ்வார் திருமொழி - நான்காம் பத்து - ஒண்பதாம் திருமொழி - ஏழாம் பாசுரம்

குறள் பிரமசாரியாய்* மாவலியைக் குறும்பு அதக்கி அரசு வாங்கி* 

இறைப் பொழுதில் பாதாளம் கலவிருக்கை* 

கொடுத்து உகந்த எம்மான் கோயில்* 

எறிப்பு உடைய மணிவரை மேல்* 

இளஞாயிறு எழுந்தாற் போல் அரவணையின் வாய்* 

சிறப்பு உடைய பணங்கள் மிசைச்* 

செழுமணிகள் விட்டு எறிக்கும் திருவரங்கமே|

024. திவ்ய ப்ரபந்தம் - 419 - இரணியனைப் பிளந்தவன் இடம் தண்ணரங்கம்

பெரியாழ்வார் திருமொழி - நான்காம் பத்து - ஒண்பதாம் திருமொழி - எட்டாம் பாசுரம்

உரம் பற்றி இரணியனை* உகிர் நுதியால் ஒள்ளிய மார்வு உறைக்க ஊன்றி * 

சிரம் பற்றி முடி இடியக் கண் பிதுங்க* வாய் அலறத் தெழித்தான் கோயில்*

உரம் பெற்ற மலர்க் கமலம்* உலகு அளந்த சேவடி போல் உயர்ந்து காட்ட* 

வரம்பு உற்ற கதிர்ச் செந்நெல்* 

தாள் சாய்த்துத் தலை வணக்கும் தண் அரங்கமே|

025. திவ்ய ப்ரபந்தம் - 420 - தசாவதாரம் எடுத்தவன் கோயில் புனலரங்கம்

பெரியாழ்வார் திருமொழி - நான்காம் பத்து - ஒண்பதாம் திருமொழி - ஒண்பதாம் பாசுரம்

தேவு உடைய மீனமாய் ஆமையாய்* ஏனமாய் அரியாய்க் குறளாய்* 

மூவுருவில் இராமனாய்க்* கண்ணனாய்க் கற்கியாய் முடிப்பான் கோயில்* 

சேவலொடு பெடை அன்னம்* செங்கமல மலர் ஏறி ஊசல் ஆடிப்* 

பூ அணை மேல் துதைந்து எழு* 

செம்பொடி ஆடி விளையாடும் புனல் அரங்கமே|

026. திவ்ய ப்ரபந்தம் - 421 - திருவாளன் கண் வளரும் இடம் திருவரங்கம்

பெரியாழ்வார் திருமொழி - நான்காம் பத்து - ஒண்பதாம் திருமொழி - பத்தாம் பாசுரம்

செரு ஆளும் புள்ளாளன் மண்ணாளன்* செருச் செய்யும் நாந்தகம் என்னும்* 

ஒரு வாளன் மறையாளன் ஓடாத படையாளன்* விழுக்கை யாளன்* 

இரவு ஆளன் பகலாளன் எனையாளன்* ஏழு உகப் பெரும் புரவாளன்* 

திருவாளன் இனிதாகத்* திருக்கண்கள் வளர்கின்ற திருவரங்கமே|

027. திவ்ய ப்ரபந்தம் - 422 - எம்பெருமான் இணையடிக்கீழ் இருப்பர் 

பெரியாழ்வார் திருமொழி - நான்காம் பத்து - ஒண்பதாம் திருமொழி - பதினொன்றாம் பாசுரம்

கைந்நாகத்து இடர் கடிந்த* கனல் ஆழிப் படை உடையான் கருதும் கோயில்* 

தென்நாடும் வடநாடும் தொழ நின்ற* திருவரங்கத் திருப்பதியின் மேல்* 

மெய்ந்நாவன் மெய் அடியான் விட்டு சித்தன்* விரித்த தமிழ் உரைக்க வல்லார்* 

எஞ்ஞான்றும் எம்பெருமான் இணையடிக் கீழ்* 

இணை பிரியாது இருப்பர் தாமே| (2)

028. திவ்ய ப்ரபந்தம் - 423 - அப்போதைக்கு இப்போதே சொல்லி வைத்தேன்

பெரியாழ்வார் திருமொழி - நான்காம் பத்து - பத்தாம் திருமொழி - முதலாம் பாசுரம்

துப்புடையாரை அடைவது எல்லாம்* சோர்விடத்துத் துணை ஆவர் என்றே* 

ஒப்பிலேன் ஆகிலும் நின் அடைந்தேன்* ஆனைக்கு நீ அருள் செய்தமையால்* 

எய்ப்பு என்னை வந்து நலியும் போது* 

அங்கு ஏதும் நான் உன்னை நினைக்க மாட்டேன்* 

அப்போதைக்கு இப்போதே சொல்லி வைத்தேன்* 

அரங்கத்து அரவணைப் பள்ளியானே| (2)

029. திவ்ய ப்ரபந்தம் - 424 - யான் சாகும் பொழுது என்னைக் குறிக்கொள்

பெரியாழ்வார் திருமொழி - நான்காம் பத்து - பத்தாம் திருமொழி - இரண்டாம் பாசுரம்

சாம் இடத்து என்னைக் குறிக்கொள் கண்டாய்* 

சங்கொடு சக்கரம் ஏந்தினானே!* 

நா மடித்து என்னை அனேக தண்டம்* செய்வதா நிற்பர் நமன் தமர்கள்* 

போம் இடத்து உன் திறத்து எத்தனையும்* 

புகா வண்ணம் நிற்பதோர் மாயை வல்லை* 

ஆம் இடத்தே உன்னைச் சொல்லி வைத்தேன்* 

அரங்கத்து அரவணைப் பள்ளியானே|

030. திவ்ய ப்ரபந்தம் - 425 - அல்லல் படாவண்ணம் காத்திடு

பெரியாழ்வார் திருமொழி - நான்காம் பத்து - பத்தாம் திருமொழி - மூன்றாம் பாசுரம்

எல்லையில் வாசல் குறுகச் சென்றால்* எற்றி நமன் தமர் பற்றும் போது* 

நில்லு மின் என்னும் உபாயம் இல்லை* நேமியும் சங்கமும் ஏந்தினானே!

சொல்லலாம் போதே உன் நாமம் எல்லாம்* 

சொல்லினேன் என்னைக் குறிக் கொண்டு என்றும்* 

அல்லல் படா வண்ணம் காக்க வேண்டும்* 

அரங்கத்து அரவணைப் பள்ளியானே|

031. திவ்ய ப்ரபந்தம் - 426 - மூன்றெழுத்தாய முதல்வனே!என்னைக் காத்திடு

பெரியாழ்வார் திருமொழி - நான்காம் பத்து - பத்தாம் திருமொழி - நான்காம் பாசுரம்

ஒற்றை விடையனும் நான்முகனும்* உன்னை அறியாப் பெருமையோனே!* 

முற்ற உலகு எல்லாம் நீயே ஆகி* மூன்று எழுத்து ஆய முதல்வனே!ஓ!*

அற்றது வாழ்நாள் இவற்கு என்று எண்ணி* அஞ்ச நமன் தமர் பற்றல் உற்ற* 

அற்றைக்கு நீ என்னைக் காக்க வேண்டும்* 

அரங்கத்து அரவணைப் பள்ளியானே|

032. திவ்ய ப்ரபந்தம் - 427 - காலனையும் படைத்தவனே!என்னைக் காத்திடு

பெரியாழ்வார் திருமொழி - நான்காம் பத்து - பத்தாம் திருமொழி - ஐந்தாம் பாசுரம்

பை அரவின் அணைப் பாற்கடலுள்* பள்ளி கொள்கின்ற பரம முர்த்தி!* 

உய்ய உலகு படைக்க வேண்டி* உந்தியிற் தோற்றினாய் நான்முகனை* 

வைய மனிசரைப் பொய் என்று எண்ணிக்* காலனையும் உடனே படைத்தாய்* 

ஐய! இனி என்னைக் காக்க வேண்டும்* அரங்கத்து அரவணைப் பள்ளியானே|

033. திவ்ய ப்ரபந்தம் - 428 - காலனையும் படைத்தவனே!என்னைக் காத்திடு

பெரியாழ்வார் திருமொழி - நான்காம் பத்து - பத்தாம் திருமொழி - ஆறாம் பாசுரம்

தண்ணனவு இல்லை நமன் தமர்கள்* சாலக் கொடுமைகள் செய்யா நிற்பர்* 

மண்ணொடு நீரும் எரியும் காலும்* மற்றும் ஆகாசமும் ஆகி நின்றாய்!*

எண்ணலாம் போதே உன் நாமம் எல்லாம்* 

எண்ணினேன், என்னைக் குறிக் கொண்டு என்றும்* 

அண்ணலே! நீ என்னைக் காக்க வேண்டும்* 

அரங்கத்து அரவணைப் பள்ளியானே|

034. திவ்ய ப்ரபந்தம் - 429 - அஞ்சல் என்று என்னைக் காத்திடு

பெரியாழ்வார் திருமொழி - நான்காம் பத்து - பத்தாம் திருமொழி - ஏழாம் பாசுரம்

செஞ்சொல் மறைப் பொருள் ஆகி நின்ற* தேவர்கள் நாயகனே! எம்மானே!* 

எஞ்சலில் என்னுடை இன் அமுதே!* ஏழ் உலகும் உடையாய்! என் அப்பா!*

வஞ்ச உருவின் நமன் தமர்கள்* வலிந்து நலிந்து என்னைப் பற்றும் போது* 

அஞ்சலம் என்று என்னைக் காக்க வேண்டும்* 

அரங்கத்து அரவணைப்  பள்ளியானே|

035. திவ்ய ப்ரபந்தம் - 430 - மதுரைப் பிறந்த மாமாயனே! என்னைக் காத்திடு

பெரியாழ்வார் திருமொழி - நான்காம் பத்து - பத்தாம் திருமொழி - எட்டாம் பாசுரம்

நான் ஏதும் உன் மாயம் ஒன்று அறியேன்* நமன் தமர் பற்றி நலிந்திட்டு* 

இந்த ஊனே புகே என்று மோதும் போது* 

அங்கேதும் நான் உன்னை நினைக்க மாட்டேன்* 

வான் ஏய் வானவர் தங்கள் ஈசா!* மதுரைப் பிறந்த மாமாயனே!* 

என் ஆனாய்! நீ என்னைக் காக்க வேண்டும்* 

அரங்கத்து அரவணைப்  பள்ளியானே|

036. திவ்ய ப்ரபந்தம் - 431 - ஆதியஞ் சோதியே! என்னைக் காக்க வேண்டும்

பெரியாழ்வார் திருமொழி - நான்காம் பத்து - பத்தாம் திருமொழி - ஒண்பதாம் பாசுரம்

குன்று எடுத்து ஆநிரை காத்த ஆயா!* கோ நிரை மேய்த்தவனே! எம்மானே!* 

அன்று முதல் இன்று அறுதியாக* ஆதியஞ் சோதி மறந்து அறியேன்* 

நன்றும் கொடிய நமன் தமர்கள்* நலிந்து வலிந்து என்னைப் பற்றும் போது* 

அன்று அங்கு நீ என்னைக் காக்க வேண்டும்* 

அரங்கத்து அரவணைப்  பள்ளியானே|

037. திவ்ய ப்ரபந்தம் - 432 - தூய மனம் தூமணி வண்ணனுக்கு ஆளாக்கும்

பெரியாழ்வார் திருமொழி - நான்காம் பத்து - பத்தாம் திருமொழி - பத்தாம் பாசுரம்

மாயவனை மதுசூதனனை* மாதவனை மறையோர்கள் ஏத்தும்* 

ஆயர்கள் ஏற்றினை அச்சுதனை* அரங்கத்து அரவணைப் பள்ளியானை*

வேயர் புகழ் வில்லிபுத்தூர் மன்* விட்டு சித்தன் சொன்ன மாலை பத்தும்* 

தூய மனத்தனர் ஆகி வல்லார்* தூமணி வண்ணனுக்கு ஆளர் தாமே| (2)

||ஹரி ஓம்||

||ஸ்ரீ ஆழ்வார் திருவடிகளே சரணம்||

||ஸ்ரீ எம்பெருமானார் திருவடிகளே சரணம்||

||ஸ்ரீ ஜீயர் திருவடிகளே சரணம்||

||ஸ்ரீ அஸ்மத்  ஆசார்யன் திருவடிகளே சரணம்||

தொடரும்