108 திவ்ய தேசங்கள் - 014 - திருநறையூர் 4

||ஸ்ரீ:||

||ஸ்ரீமதே ராமாநுஜாய நம:||

||ஸ்ரீமத் வரவர முநயே நம:||

014. திருநறையூர்

நாச்சியார் கோயில் - கும்பகோணம்

பதிநான்காவது திவ்ய க்ஷேத்ரம்

இந்த திவ்ய தேசத்திற்கான பாசுரங்கள் - 111 - 2

திருமங்கையாழ்வார்

021. திவ்ய ப்ரபந்தம் - 1495 - பார்த்தன் தேரூர்ந்தவன் வாழும் இடம் நறையூர்

பெரிய திருமொழி - ஆறாம் பத்து - ஐந்தாம் திருமொழி - எட்டாம் பாசுரம்

வெள்ளைப் புரவித் தேர் விசயற்கு ஆய்* விறல் வியூகம் விள்ள* 

சிந்துக்கோன் விழ* ஊர்ந்த விமலன் ஊர்* 

கொள்ளைக் கொழு மீன்* உண் குருகு ஓடி பெடையோடும்*

நள்ளக் கமலத்* தேறல் உகுக்கும் நறையூரே|

022. திவ்ய ப்ரபந்தம் - 1496 - தேவ தேவன் சேரும் ஊர் நறையூர்

பெரிய திருமொழி - ஆறாம் பத்து - ஐந்தாம் திருமொழி - ஒண்பதாம் பாசுரம்

பாரை ஊரும் பாரம் தீரப்* பார்த்தன் தன்*

தேரை ஊரும்* தேவ தேவன் சேரும் ஊர்* 

தாரை ஊரும்* தண் தளிர் வேலி புடை சூழ*

நாரை ஊரும்* நல் வயல் சூழ்ந்த* நறையூரே|

023. திவ்ய ப்ரபந்தம் - 1497 - திருமாலின் துணை கிடைக்கும்

பெரிய திருமொழி - ஆறாம் பத்து - ஐந்தாம் திருமொழி - பத்தாம் பாசுரம்

தாமத் துளப* நீள் முடி மாயன் தான் நின்ற*

நாமத் திரள் மா மாளிகை சூழ்ந்த* நறையூர் மேல்*

காமக் கதிர் வேல் வல்லான்* கலியன் ஒலி மாலை* 

சேமத் துணை ஆம்* செப்பும் அவர்க்கு திருமாலே|

024. திவ்ய ப்ரபந்தம் - 1498 - பக்தர்களே! திருநறையூர் சேருங்கள்

பெரிய திருமொழி - ஆறாம் பத்து - ஆறாம் திருமொழி - முதலாம் பாசுரம்

அம்பரமும் பெரு நிலனும் திசைகள் எட்டும்*

அலை கடலும் குல வரையும் உண்ட கண்டன்*

கொம்பு அமரும் வட மரத்தின் இலைமேல்* பள்ளி

கூடினான் திருவடியே கூட கிற்பீர்*

வம்பு அவிழும் செண்பகத்தின் வாசம் உண்டு*

மணி வண்டு வகுளத்தின் மலர் மேல் வைகு*

செம்பியன் கோச் செங்கணான் சேர்ந்த கோயில்*

திருநறையூர் மணிமாடம் சேர்மின்களே|

025. திவ்ய ப்ரபந்தம் - 1499 - ஊழி முதல்வன் உறைவிடம் நறையூர்

பெரிய திருமொழி - ஆறாம் பத்து - ஆறாம் திருமொழி - இரண்டாம் பாசுரம்

கொழுங் கயல் ஆய் நெடு வெள்ளம் கொண்ட காலம்*

குல வரையின் மீது ஓடி அண்டத்து அப்பால்*

எழுந்து இனிது விளையாடும் ஈசன் எந்தை*

இணை அடிக்கீழ் இனிது இருப்பீர் இன வண்டு ஆலும்*

உழும் செறுவில் மணி கொணர்ந்து கரைமேல் சிந்தி*

உலகு எல்லாம் சந்தனமும் அகிலும் கொள்ள*

செழும் பொன்னி வளம் கொடுக்கும் சோழன் சேர்ந்த*

திருநறையூர் மணிமாடம் சேர்மின்களே|

026. திவ்ய ப்ரபந்தம் - 1500 - திருவிக்கிரமன் திருநறையூரில் உள்ளான்

பெரிய திருமொழி - ஆறாம் பத்து - ஆறாம் திருமொழி - மூன்றாம் பாசுரம்

பவ்வ நீர் உடை ஆடை ஆகச் சுற்றி*

பார் அகலம் திருவடியாப் பவனம் மெய்யா*

செவ்வி மாதிரம் எட்டும் தோளா* அண்டம்

திரு முடியா நின்றான்பால் செல்லகிற்பீர்*

கவ்வை மா களிறு உந்தி வெண்ணி ஏற்ற*

கழல் மன்னர் மணி முடிமேல் காகம் ஏற*

தெய்வ வாள் வலம் கொண்ட சோழன் சேர்ந்த*

திருநறையூர் மணிமாடம் சேர்மின்களே|

027. திவ்ய ப்ரபந்தம் - 1501 - நரசிங்கனது நறையூரை நண்ணுங்கள்

பெரிய திருமொழி - ஆறாம் பத்து - ஆறாம் திருமொழி - நான்காம் பாசுரம்

பைங் கண் ஆள்-அரி உரு ஆய் வெருவ நோக்கிப்*

பரு வரைத் தோள் இரணியனைப் பற்றி வாங்கி*

அம் கை வாள் உகிர் நுதியால் அவனது ஆகம்*

அம் குருதி பொங்குவித்தான் அடிக்கீழ் நிற்பீர்*

வெம் கண் மா களிறு உந்தி வெண்ணி ஏற்ற*

விறல் மன்னர் திறல் அழிய வெம் மா உய்த்த*

செங்கணான் கோச் சோழன் சேர்ந்த கோயில்*

திருநறையூர் மணிமாடம் சேர்மின்களே|

028. திவ்ய ப்ரபந்தம் - 1502 - சோழன் பூசித்த நறையூர் சேருங்கள்

பெரிய திருமொழி - ஆறாம் பத்து - ஆறாம் திருமொழி - ஐந்தாம் பாசுரம்

அன்று உலகம் மூன்றினையும் அளந்து* 

வேறு ஓர் அரி உரு ஆய் இரணியனது ஆகம் கீண்டு*

வென்று அவனை விண் உலகில் செல உய்த்தாற்கு*

விருந்து ஆவீர் மேல் எழுந்து விலங்கல் பாய்ந்து*

பொன் சிதறி மணி கொணர்ந்து கரைமேல் சிந்திப்*

புலம் பரந்து நிலம் பரக்கும் பொன்னி நாடன்*

தென் தமிழன் வட புலக்கோன் சோழன் சேர்ந்த*

திருநறையூர் மணிமாடம் சேர்மின்களே|

029. திவ்ய ப்ரபந்தம் - 1503 - பக்தர்களே! உடனே திருநறையூர் சேருங்கள்

பெரிய திருமொழி - ஆறாம் பத்து - ஆறாம் திருமொழி - ஆறாம் பாசுரம்

தன்னாலே தன் உருவம் பயந்த தான் ஆய்*

தயங்கு ஒளி சேர் மூவுலகும் தான் ஆய் வான் ஆய்*

தன்னாலே தன் உருவின் மூர்த்தி மூன்று ஆய்*

தான் ஆயன் ஆயினான் சரண் என்று உய்வீர்*

மின் ஆடு வேல் ஏந்து விளைந்த வேளை*

விண் ஏறத் தனி வேல் உய்த்து உலகம் ஆண்ட*

தென் நாடன் குட கொங்கன் சோழன் சேர்ந்த*

திருநறையூர் மணிமாடம் சேர்மின்களே|

030. திவ்ய ப்ரபந்தம் - 1504 - நறையூரில் கண்ணன் கழலிணை சேரலாம்

பெரிய திருமொழி - ஆறாம் பத்து - ஆறாம் திருமொழி - ஏழாம் பாசுரம்

முலைத் தடத்த நஞ்சு உண்டு துஞ்சப் பேய்ச்சி*

முது துவரைக் குலபதியாக் காலிப்பின்னே*

இலைத் தடத்த குழல் ஊதி ஆயர் மாதர்*

இன வளை கொண்டான் அடிக்கீழ் எய்தகிற்பீர்*

மலைத் தடத்த மணி கொணர்ந்து வையம் உய்ய*

வளம் கொடுக்கும் வரு புனல் அம் பொன்னிநாடன்*

சிலைத் தடக் கைக் குலச் சோழன் சேர்ந்த கோயில்*

திருநறையூர் மணிமாடம் சேர்மின்களே|

031. திவ்ய ப்ரபந்தம் - 1505 - பக்தர்கட்கு ஏற்ற இடம் திருநறையூர் தான்

பெரிய திருமொழி - ஆறாம் பத்து - ஆறாம் திருமொழி - எட்டாம் பாசுரம்

முருக்கு இலங்கு கனித் துவர் வாய்ப் பின்னை கேள்வன்*

மன் எல்லாம் முன் அவியச் சென்று* 

வென்றிச் செருக்களத்துத் திறல் அழியச் செற்ற வேந்தன்*

சிரம் துணித்தான் திருவடி நும் சென்னி வைப்பீர்*

இருக்கு இலங்கு திருமொழி வாய் எண் தோள் ஈசற்கு*

எழில் மாடம் எழுபது செய்து உலகம் ஆண்ட*

திருக் குலத்து வளச் சோழன் சேர்ந்த கோயில்*

திருநறையூர் மணிமாடம் சேர்மின்களே|

032. திவ்ய ப்ரபந்தம் - 1506 - திருநறையூரில் திருமால் அருள் கிடைக்கும்

பெரிய திருமொழி - ஆறாம் பத்து - ஆறாம் திருமொழி - ஒண்பதாம் பாசுரம்

தார் ஆளன் தண் அரங்க ஆளன்* 

பூமேல் தனியாளன் முனியாளர் ஏத்த நின்ற பேர் ஆளன்* 

ஆயிரம் பேர் உடைய ஆளன்*

பின்னைக்கு மணவாளன் பெருமை கேட்பீர்*

பார் ஆளர் அவர் இவர் என்று அழுந்தை ஏற்ற*

படை மன்னர் உடல் துணியப் பரிமா உய்த்த*

தேர் ஆளன் கோச் சோழன் சேர்ந்த கோயில்*

திருநறையூர் மணிமாடம் சேர்மின்களே|

033. திவ்ய ப்ரபந்தம் - 1507 - விண்ணோர்க்கு விருந்தாவர்

பெரிய திருமொழி - ஆறாம் பத்து - ஆறாம் திருமொழி - பத்தாம் பாசுரம்

செம் மொழி வாய் நால் வேத வாணர் வாழும்*

திருநறையூர் மணிமாடச் செங் கண் மாலை*

பொய்ம் மொழி ஒன்று இல்லாத மெய்ம்மையாளன்*

புல மங்கைக் குல வேந்தன் புலமை ஆர்ந்த*

அம் மொழி வாய்க் கலிகன்றி இன்பப் பாடல்*

பாடுவார் வியன் உலகில் நமனார் பாடி*

வெம் மொழி கேட்டு அஞ்சாதே மெய்ம்மை சொல்லில்*

விண்ணவர்க்கு விருந்து ஆகும் பெருந் தக்கோரே|

034. திவ்ய ப்ரபந்தம் - 1508 - நறையூர் நம்பி தான் இராமபிரான்

பெரிய திருமொழி - ஆறாம் பத்து - ஏழாம் திருமொழி - முதலாம் பாசுரம்

ஆளும் பணியும் அடியேனைக் கொண்டான்* விண்ட நிசாசரரை*

தோளும் தலையும் துணிவு எய்தச்*

சுடு வெம் சிலைவாய்ச் சரம் துரந்தான்* 

வேளும் சேயும் அனையாரும்* வேல் கணாரும் பயில் வீதி*

நாளும் விழவின் ஒலி ஓவா* நறையூர் நின்ற நம்பியே|

035. திவ்ய ப்ரபந்தம் - 1509 - நறையூர் நம்பி தான் பரசுராமன்

பெரிய திருமொழி - ஆறாம் பத்து - ஏழாம் திருமொழி - இரண்டாம் பாசுரம்

முனி ஆய் வந்து மூவெழுகால்* முடி சேர் மன்னர் உடல் துணிய*

தனி வாய் மழுவின் படை ஆண்ட* தார் ஆர் தோளான் வார் புறவில்*

பனி சேர் முல்லை பல் அரும்பப்* பானல் ஒருபால் கண் காட்ட*

நனி சேர் கமலம் முகங் காட்டும்* நறையூர் நின்ற நம்பியே|

036. திவ்ய ப்ரபந்தம் - 1510 - நறையூர் நம்பி தான் வாமனன்

பெரிய திருமொழி - ஆறாம் பத்து - ஏழாம் திருமொழி - மூன்றாம் பாசுரம்

தெள் ஆர் கடல்வாய் விட வாய* சின வாள் அரவில் துயில் அமர்ந்து*

துள்ளா வரு மான் விழ வாளி துரந்தான்* இரந்தான் மாவலி மண்* 

புள் ஆர் புறவில் பூங் காவி* புலங்கொள் மாதர் கண் காட்ட*

நள் ஆர் கமலம் முகம் காட்டும்* நறையூர் நின்ற நம்பியே|

037. திவ்ய ப்ரபந்தம் - 1511 - நறையூர் நம்பி தான் கண்ணபிரான்

பெரிய திருமொழி - ஆறாம் பத்து - ஏழாம் திருமொழி - நான்காம் பாசுரம் 

ஒளியா வெண்ணெய் உண்டான் என்று* உரலோடு ஆய்ச்சி ஒண் கயிற்றால்*

விளியா ஆர்க்க ஆப்புண்டு* விம்மி அழுதான் மென் மலர்மேல்*

களியா வண்டு கள் உண்ண* காமர் தென்றல் அலர் தூற்ற*

நளிர்வாய் முல்லை முறுவலிக்கும்* நறையூர் நின்ற நம்பியே|

038. திவ்ய ப்ரபந்தம் - 1512 - நறையூர் நம்பி தான் கம்சனைக் கொன்றவன்

பெரிய திருமொழி - ஆறாம் பத்து - ஏழாம் திருமொழி - ஐந்தாம் பாசுரம்

வில் ஆர் விழவில் வட மதுரை* விரும்பி விரும்பா மல் அடர்த்து*

கல் ஆர் திரள் தோள் கஞ்சனைக் காய்ந்தான்* பாய்ந்தான் காளியன்மேல்* 

சொல் ஆர் சுருதி முறை ஓதிச்* சோமுச் செய்யும் தொழிலினோர்*

நல்லார் மறையோர் பலர் வாழும்* நறையூர் நின்ற நம்பியே|

039. திவ்ய ப்ரபந்தம் - 1513 - நறையூர் நம்பி தான் வாணன் தோள்களைத் துணித்தவன்

பெரிய திருமொழி - ஆறாம் பத்து - ஏழாம் திருமொழி - ஆறாம் பாசுரம்

வள்ளி கொழுநன் முதலாய* மக்களோடு முக்கணான் வெள்கி ஓட* 

விறல் வாணன்* வியன் தோள் வனத்தைத் துணித்து உகந்தான்* 

பள்ளி கமலத்திடைப் பட்ட* பகு வாய் அலவன் முகம் நோக்கி*

நள்ளி ஊடும் வயல் சூழ்ந்த* நறையூர் நின்ற நம்பியே|

040. திவ்ய ப்ரபந்தம் - 1514 - நறையூர் நம்பி தான் பார்த்தசாரதி

பெரிய திருமொழி - ஆறாம் பத்து - ஏழாம் திருமொழி - ஏழாம் பாசுரம்

மிடையா வந்த வேல் மன்னர் வீய* விசயன் தேர் கடவி*

குடையா வரை ஒன்று எடுத்து* 

ஆயர் கோ ஆய் நின்றான் கூர் ஆழிப் படையான்*  

வேதம் நான்கு ஐந்து வேள்வி* அங்கம் ஆறு இசை ஏழ்*

நடையா வல்ல அந்தணர் வாழ்* நறையூர் நின்ற நம்பியே|

||ஹரி ஓம்||

||ஸ்ரீ ஆழ்வார் திருவடிகளே சரணம்||

||ஸ்ரீ எம்பெருமானார் திருவடிகளே சரணம்||

||ஸ்ரீ ஜீயர் திருவடிகளே சரணம்||

||ஸ்ரீ அஸ்மத்  ஆசார்யன் திருவடிகளே சரணம்||

தொடரும்