108 திவ்ய தேசங்கள் - 008 - திருக்கூடலூர் 2

||ஸ்ரீ:||

||ஸ்ரீமதே ராமாநுஜாய நம:||

||ஸ்ரீமத் வரவர முநயே நம:||

008. திருக்கூடலூர் 

ஸங்கம க்ஷேத்திரம் - கும்பகோணம்

எட்டாவது திவ்ய க்ஷேத்ரம்

மயர்வற மதிநலம் அருளப் பெற்ற ஆழ்வார்கள் அருளிச் செய்த 

தமிழ் வேதமாகிய நாலாயிர திவ்ய ப்ரபந்தத்தில்

இந்த திவ்ய தேசத்திற்கான பாசுரங்களின் விவரங்கள்

1 ஆழ்வார் – 10 பாசுரங்கள்

1. திருமங்கையாழ்வார் - 10 பாசுரங்கள் 

1. பெரிய திருமொழி (இரண்டாம் ஆயிரம்)

• திவ்ய ப்ரபந்தம் - 1358 - 1367 - ஐந்தாம் பத்து - இரண்டாம் திருமொழி

------------

திவ்ய கவி பிள்ளை பெருமாள் ஐயங்கார்

இந்த திவ்ய தேசத்திற்காக இயற்றிய அந்தாதி

தனியன்

மண்ணில் அரங்கம் முதல் வைகுந்த நாடளவும்*

எண்ணு திருப்பதி நூற்று எட்டினையும் நண்ணியே*

கற்பார் துதிப்பார் கருதுவார் கேட்டிருப்பார்*

பொற் பாதம் என் தலை மேல் பூ*

அந்தாதி

உண்டு கேட்டு உற்று மோந்துப் பார்க்கும் ஐவர்க்கே*

தொண்டு படலாமோ உன் தொண்டனேன் விண்டு இலங்கும்*

ஆடல் ஊர் நேமி முதல் ஐம்படையாய் அன்பு உடையாய்*

கூடலூராய் இதனைக் கூறு* 

• விண்டு இலங்கும் – விட்டு விட்டுப் பிரிகாசிக்கின்ற

• ஆடல் ஊர் – வெற்றி பொருந்திய

• நேமிமுதல் – சக்கரம் முதலிய

• ஐம் படையாய் – பஞ்சாயுதங்களை உடையவனே!

• அன்பு உடையாய் – உயிர்களிடத்தில் நிர்ஹேதுகமான கிருபையை உடையவனே!

• கூடலூராய் – திருக்கூடலூர் என்னும் ஸ்தலத்தில் எழுந்தருளி இருப்பவனே!

• உன் தொண்டனேன் – உனக்கே அடியவனாகிய நான் அவ்வாறு அடிமையாக இருத்தலை விட்டு

• உண்டு – இனிய உணவுகளைச் சுவைத்தும்

• கேட்டு – இனிய இசை முதலியவற்றைக் கேட்டும்

• உற்று – இன்பம் உண்டாக்கும் பொருள்களைப் பரிசித்தும்

• மோந்து – நறுமணமுள்ள பொருள்களை மோந்தும்

• பார்க்கும் – நற்காட்சியுள்ள பொருள்களைக் கண்டும் மகிழ்கின்ற

• ஐவர்க்கே – பஞ்சேந்திரியங்கட்கே

• தொண்டு படல் ஆமோ – அடிமைப்படுதல் தகுதியாகுமோ?

||ஹரி ஓம்||

||ஸ்ரீ ஆழ்வார் திருவடிகளே சரணம்||

||ஸ்ரீ எம்பெருமானார் திருவடிகளே சரணம்||

||ஸ்ரீ ஜீயர் திருவடிகளே சரணம்||

||ஸ்ரீ அஸ்மத்  ஆசார்யன் திருவடிகளே சரணம்||

தொடரும்