108 திவ்ய தேசங்கள் - 015 - திருச்சேறை 1

||ஸ்ரீ:||

||ஸ்ரீமதே ராமாநுஜாய நம:|| 

 ||ஸ்ரீமத் வரவர முநயே நம:||  

015. திருச்சேறை 

பஞ்ச ஸார க்ஷேத்ரம் - கும்பகோணம்

பதினைந்தாவது திவ்ய க்ஷேத்ரம்

ஸ்ரீ ஸாரநாதப் பெருமாள் திருக்கோயில்

ஸ்ரீ ஸாரநாயகி தாயார் ஸமேத ஸ்ரீ ஸாரநாதன் பெருமாள் 

திருவடிகளே சரணம்||

• பெருமாள் மூலவர்: ஸாரநாதன்

• தாயார் மூலவர்: ஸாரநாயகி

• தாயார் உற்சவர்: பஞ்சலெட்சுமி

• திருமுக மண்டலம் திசை: கிழக்கு 

• திருக்கோலம்: நின்ற 

• புஷ்கரிணி/தீர்த்தம்: ஸார

• விமானம்: ஸார

• ப்ரத்யக்ஷம்: காவேரி, மார்கண்டேயன்

• ஆகமம்: பாஞ்சராத்திரம் 

• ஸம்ப்ரதாயம்: தென் கலை

• மங்களாஸாஸநம்: 1 ஆழ்வார்

• பாசுரங்கள்: 13

--------------------

ஸ்ரீ. உ. வே. வேளுக்குடி கிருஷ்ணன் ஸ்வாமி

ஸ்தல புராணம்

மூல ஸ்தானத்தில் பெருமாளுக்கு வலது பக்கம் மார்க்கண்டேயர் வீற்றிருக்கிறார். மார்க்கண்டேயர் இத்தலத்தில் தான் முக்தி அடைந்தார். உப்பிலியப்பன் கோயிலில் தனது மகள் பூதேவியை சிறு வயதிலேயே பெருமாள் விரும்புகிறார். மார்க்கண்டேயர், "ஸ்வாமி! இவள் சிறு பெண். இவளுக்கு சரியாக உப்பு போட்டு கூட சமைக்க தெரியாது. அப்படி இருக்கும் போது நீங்கள் எவ்வாறு இவளை திருமணம் செய்து கொள்ள முடியும்,'' என்கிறார். அதற்கு பெருமாள், "இவள் உப்பே போடாமல் சமைத்தாலும், அதை நான் திருப்தியாக ஏற்று கொள்வேன்'' என்று கூறி பூதேவியை திருமணம் செய்து கொள்கிறார். அன்றிலிருந்து பெருமாள் உப்பிலியப்பன் என்ற திருநாமத்துடன் உப்பில்லாத நைவேத்தியத்தை ஏற்று கொள்கிறார்.

மன்னார்குடியில் உள்ள ராஜகோபால சுவாமி சன்னதியின் திருப்பணிக்காக அழகிய மணவாள நாயக்கர் மன்னன் ஆணைப்படி இவ்வூர் வழியாக வண்டிகள் சென்றன. வண்டிக்கு ஒரு கல் வீதம் இக்கோயில் திருப்பணிக்கு நரசபூபாலன் என்பவன் மன்னனுக்கு தெரியாமல் இறக்கி வைத்தான். இதைக் கேள்விப்பட்ட மன்னன் விசாரிக்க இங்கு வந்தான். இதனால் பயந்த நரசபூபாலன், இத்தல பெருமாளை வேண்டினான். பெருமாள் மன்னனுக்கு மன்னார்குடி ராஜகோபாலனாக காட்சி கொடுத்தார். மகிழ்ந்த மன்னன் இக்கோயிலுக்கும் சிறப்பாக திருப்பணிகள் செய்தான்.

பிரளய காலத்தில் பிரம்மா இத்தலத்து மண்ணை எடுத்து ஒரு கடம் செய்து அதில் வேதங்களை வைத்து காப்பாற்றியதாக புராணங்கள் கூறுகிறது. ஒரு முறை காவிரித் தாய் பெருமாளிடம், "அனைவரும் கங்கையே உயர்ந்தவள். அங்கு சென்று நீராடினால் பாவங்கள் தொலையும் என்று பெருமை பேசுகிறார்கள். அத்தகைய பெருமை எனக்கும் வேண்டும்,'' என கேட்டு இத்தல சார புஷ்கரணியில் மேற்கு கரை அரச மரத்தடியில் தவம் இருந்தாள். இவளது தவத்திற்கு மகிழ்ந்த பெருமாள் குழந்தை வடிவில் காவிரித் தாயின் மடியில் தவழ்ந்தார்.  "தனக்கு இந்த பெருமை மட்டும் போதாது,'' என காவிரி கூறியவுடன்,  கருட வாகனத்தில் சங்கு சக்கரதாரியாக ஐந்து லட்சுமிகளுடன் காட்சி கொடுத்து, "வேண்டும் வரம் கேள்' என்றார். அதற்கு காவிரி, "தாங்கள் எப்போதும் இதே கோலத்தில் இங்கு காட்சி தர வேண்டும். கங்கையிலும் மேன்மை எனக்கு தந்தருள வேண்டும்,'' என்றாள். பெருமாளும் அப்படியே செய்தார். மூலஸ்தானத்தில் பெருமாளுக்கு இடது பக்கம் காவிரித்தாய் இருப்பதை இன்றும் காணலாம்.

||ஹரி ஓம்||

||ஸ்ரீ ஆழ்வார் திருவடிகளே சரணம்||

||ஸ்ரீ எம்பெருமானார் திருவடிகளே சரணம்||

||ஸ்ரீ ஜீயர் திருவடிகளே சரணம்||

||ஸ்ரீ அஸ்மத்  ஆசார்யன் திருவடிகளே சரணம்||

தொடரும்