108 திவ்ய தேசங்கள் - 033 - திருவைகுந்த விண்ணகரம் 2

||ஸ்ரீ:||

||ஸ்ரீமதே ராமாநுஜாய நம:||

||ஸ்ரீமத் வரவர முநயே நம:||

033. திருவைகுந்த விண்ணகரம் (திருநாங்கூர்)

முப்பத்தி மூன்றாவது திவ்ய க்ஷேத்ரம்

மயர்வற மதிநலம் அருளப் பெற்ற ஆழ்வார்கள் அருளிச் செய்த

தமிழ் வேதமாகிய நாலாயிர திவ்ய ப்ரபந்தத்தில்

இந்த திவ்ய தேசத்திற்கான பாசுரங்களின் விவரங்கள்

1 ஆழ்வார் - 10 பாசுரங்கள்

1. திருமங்கையாழ்வார் - 10 பாசுரங்கள் 

பெரிய திருமொழி (இரண்டாம் ஆயிரம்)

• திவ்ய ப்ரபந்தம் - 1228 - 1237 - மூன்றாம் பத்து - ஒண்பதாம் திருமொழி

--------------------

திவ்ய கவி பிள்ளை பெருமாள் ஐயங்கார்

இந்த திவ்ய தேசத்திற்காக இயற்றிய அந்தாதி

தனியன்

மண்ணில் அரங்கம் முதல் வைகுந்த நாடளவும்*

எண்ணு திருப்பதி நூற்று எட்டினையும் நண்ணியே*

கற்பார் துதிப்பார் கருதுவார் கேட்டிருப்பார்*

பொற் பாதம் என் தலை மேல் பூ*

அந்தாதி

வணங்கேன் பிற தெய்வம் மால் அடியார் அல்லாக்*

குணங்கேடர் தங்களுடன் கூடேன் இணங்கி நின்று*

வைகுந்த விண்ணகரம் வாழ்த்துவேன் ஈது அன்றோ*

வைகுந்த விண்ணகர வாழ்வு*

• பிற தெய்வம் – திருமால் அல்லாத வேறு தெய்வங்களை

• வணங்கேன் – நான் வணங்க மாட்டேன்

• மால் அடியார் அல்லா – திருமாலினது அடியவர் அல்லாத

• குணம் கேடர்தங்களுடன் – நற்குணம் இல்லாதவரோடு

• கூடேன் – சேர மாட்டேன்

• இணங்கிநின்று – திருமால் அடியாருடன் கூடி நின்று

• வைகுந்த விண்ணகரம் – திருவைகுந்த விண்ணகரம் என்னும் திவ்ய ஸ்தலத்தை

• வாழ்த்துவேன் – துதிப்பேன்

• ஈது அன்றோ – இவ்வாறு அடியவருடன் கூடித் துதித்தல் அல்லவோ

• வைகுந்த விண் நகரம் வாழ்வு – ஸ்ரீ வைகுண்டம் என்னும் திவ்ய நகரத்தில் உண்டாகின்ற நல்வாழ்க்கையாவது

||ஹரி ஓம்||

||ஸ்ரீ ஆழ்வார் திருவடிகளே சரணம்||

||ஸ்ரீ எம்பெருமானார் திருவடிகளே சரணம்||

||ஸ்ரீ ஜீயர் திருவடிகளே சரணம்||

||ஸ்ரீ அஸ்மத்  ஆசார்யன் திருவடிகளே சரணம்||

தொடரும்