108 திவ்ய தேசங்கள் - 034 - திருவாலி – திருநகரி 4

||ஸ்ரீ:||

||ஸ்ரீமதே ராமாநுஜாய நம:||

||ஸ்ரீமத் வரவர முநயே நம:||

034. திருவாலி – திருநகரி (திருநாங்கூர்)

முப்பத்தி நான்காவது திவ்ய க்ஷேத்ரம்

இந்த திவ்ய தேசத்திற்கான பாசுரங்கள் - 42 - 2

022. திவ்ய ப்ரபந்தம் - 1207 - இத்தமிழ்மாலை படித்தோரைத் தீவினைகள் சேரா

பெரிய திருமொழி - மூன்றாம் பத்து - ஆறாம் திருமொழி - பத்தாம் பாசுரம்

மை இலங்கு கருங் குவளை* மருங்கு அலரும் வயல் ஆலி*

நெய் இலங்கு சுடர் ஆழிப் படையானை* நெடுமாலை*

கை இலங்கு வேல் கலியன்* கண்டு உரைத்த தமிழ் மாலை*

ஐ இரண்டும் இவை வல்லார்க்கு* அரு வினைகள் அடையாவே|

023. திவ்ய ப்ரபந்தம் - 1208 - கள்வனும் என் மகளும் ஆலிநகர் புகுவரோ?

பெரிய திருமொழி - மூன்றாம் பத்து - ஏழாம் திருமொழி - முதலாம் பாசுரம்

கள்வன் கொல்? யான் அறியேன்* கரியான் ஒரு காளை வந்து*

வள்ளி மருங்குல்* என் தன் மட மானினைப் போத என்று*

வெள்ளி வளைக் கை* பற்றப் பெற்ற தாயரை விட்டு அகன்று*

அள்ளல் அம் பூங் கழனி* அணி ஆலி புகுவர்கொலோ?

024. திவ்ய ப்ரபந்தம் - 1209 - என் மகள் ஆயனுடன் பேசிக் கொண்டே ஆலி புகுவாளோ?

பெரிய திருமொழி - மூன்றாம் பத்து - ஏழாம் திருமொழி - இரண்டாம் பாசுரம்

பண்டு இவன் ஆயன் நங்காய்* படிறன் புகுந்து* 

என் மகள் தன் தொண்டை அம் செங் கனி வாய்* நுகர்ந்தானை உகந்து* 

அவன் பின் கெண்டை ஒண் கண் மிளிரக்* கிளிபோல் மிழற்றி நடந்து*

வண்டு அமர் கானல் மல்கும்* வயல் ஆலி புகுவர்கொலோ?

025. திவ்ய ப்ரபந்தம் - 1210 - சூர்ப்பனகை மூக்கை அறுத்தவனுடன் சென்றாளே! ஐயகோ!

பெரிய திருமொழி - மூன்றாம் பத்து - ஏழாம் திருமொழி - மூன்றாம் பாசுரம்

அஞ்சுவன் வெம் சொல் நங்காய்* அரக்கர் குலப் பாவை தன்னை*

வெம் சின மூக்கு அரிந்த* விறலோன் திறம் கேட்கில் மெய்யே*

பஞ்சிய மெல் அடி* எம் பணைத் தோளி பரக்கழிந்து*

வஞ்சி அம் தண் பணை சூழ்* வயல் ஆலி புகுவர்கொலோ?

026. திவ்ய ப்ரபந்தம் - 1211 - மாதவனைத் துணைக் கொண்டு நடந்தாளே!

பெரிய திருமொழி - மூன்றாம் பத்து - ஏழாம் திருமொழி - நான்காம் பாசுரம்

ஏது அவன் தொல் பிறப்பு?* இளையவன் வளை ஊதி* 

மன்னர் தூதுவன் ஆயவன் ஊர்* சொல்வீர்கள் சொலீர் அறியேன்*

மாதவன் தன் துணையா நடந்தாள்* தடம் சூழ் புறவில்*

போது வண்டு ஆடு செம்மல்* புனல் ஆலி புகுவர்கொலோ?

027. திவ்ய ப்ரபந்தம் - 1212 - மாயனுடன் அன்னமென நடந்து செல்வாளோ!

பெரிய திருமொழி - மூன்றாம் பத்து - ஏழாம் திருமொழி - ஐந்தாம் பாசுரம்

தாய் எனை என்று இரங்காள்* தடந் தோளி தனக்கு அமைந்த*

மாயனை மாதவனை* மதித்து என்னை அகன்ற இவள்*

வேய் அன தோள் விசிறிப்* பெடை அன்னம் என நடந்து*

போயின பூங் கொடியாள்* புனல் ஆலி புகுவர்கொலோ?

028. திவ்ய ப்ரபந்தம் - 1213 - என்னிடம் இரக்கமின்றிச் சென்று விட்டாளே!

பெரிய திருமொழி - மூன்றாம் பத்து - ஏழாம் திருமொழி - ஆறாம் பாசுரம்

என் துணை என்று எடுத்தேற்கு* இறையேனும் இரங்கிற்றிலள்*

தன் துணை ஆய என் தன்* தனிமைக்கும் இரங்கிற்றிலள்*

வன் துணை வானவர்க்கு ஆய்* வரம் செற்று அரங்கத்து உறையும்*

இன் துணைவனொடும் போய்* எழில் ஆலி புகுவர்கொலோ?

029. திவ்ய ப்ரபந்தம் - 1214 - நப்பின்னை மணாளனை விரும்பினாளே!

பெரிய திருமொழி - மூன்றாம் பத்து - ஏழாம் திருமொழி - ஏழாம் பாசுரம்

அன்னையும் அத்தனும் என்று* அடியோமுக்கு இரங்கிற்றிலள்*

பின்னை தன் காதலன் தன்* பெருந் தோள் நலம் பேணினளால்*

மின்னையும் வஞ்சியையும்* வென்று இலங்கும் இடையாள் நடந்து*

புன்னையும் அன்னமும் சூழ்* புனல் ஆலி புகுவர்கொலோ?

030. திவ்ய ப்ரபந்தம் - 1215 - யாவரும் தொழுமாறு ஆலி புகுவரோ?

பெரிய திருமொழி - மூன்றாம் பத்து - ஏழாம் திருமொழி - எட்டாம் பாசுரம்

முற்றிலும் பைங் கிளியும்* பந்தும் ஊசலும் பேசுகின்ற*

சிற்றில் மென் பூவையும்* விட்டு அகன்ற செழுங் கோதை தன்னைப்*

பெற்றிலேன் முற்று இழையை* பிறப்பிலி பின்னே நடந்து*

மற்று எல்லாம் கைதொழப் போய்* வயல் ஆலி புகுவர்கொலோ?

031. திவ்ய ப்ரபந்தம் - 1216 - நெடுமாலும் என் மகளும் ஆலி புகுவரோ?

பெரிய திருமொழி - மூன்றாம் பத்து - ஏழாம் திருமொழி - ஒண்பதாம் பாசுரம்

காவி அம் கண்ணி எண்ணில்* கடி மா மலர்ப் பாவை ஒப்பாள்*

பாவியேன் பெற்றமையால்* பணைத் தோளி பரக்கழிந்து*

தூவி சேர் அன்னம் அன்ன நடையாள்* நெடுமாலொடும் போய்*

வாவி அம் தண் பணை சூழ்* வயல் ஆலி புகுவர்கொலோ?

032. திவ்ய ப்ரபந்தம் - 1217 - இத்தமிழ்மாலை படித்தோர் தேவருலகு அடைவர்

பெரிய திருமொழி - மூன்றாம் பத்து - ஏழாம் திருமொழி - பத்தாம் பாசுரம்

தாய் மனம் நின்று இரங்கத்* தனியே நெடுமால் துணையா*

போயின பூங் கொடியாள்* புனல் ஆலி புகுவர் என்று*

காய் சின வேல் கலியன்* ஒலிசெய் தமிழ் மாலை பத்தும்*

மேவிய நெஞ்சு உடையார்* தஞ்சம் ஆவது விண் உலகே|

033. திவ்ய ப்ரபந்தம் - 1329 - இந்தளூராய்! இரக்கம் காட்டு

பெரிய திருமொழி - நான்காம் பத்து - ஒண்பதாம் திருமொழி - இரண்டாம் பாசுரம்

சிந்தை தன்னுள் நீங்காது இருந்த திருவே* மருவினிய மைந்தா*

அம் தண் ஆலி மாலே சோலை மழ களிறே*

நந்தா விளக்கின் சுடரே* நறையூர் நின்ற நம்பீ* 

என் எந்தாய் இந்தளூராய்* அடியேற்கு இறையும் இரங்காயே|

034. திவ்ய ப்ரபந்தம் - 1519 - கடல் கடைந்தவனை நறையூரில் கண்டேன்

பெரிய திருமொழி - ஆறாம் பத்து - எட்டாம் திருமொழி - இரண்டாம் பாசுரம்

முந்நீரை முன் நாள்* கடைந்தானை* 

மூழ்த்த நாள் அந் நீரை மீன் ஆய்* அமைத்த பெருமானை*

தென் ஆலி மேய திருமாலை எம்மானை*

நல் நீர் சூழ்* நறையூரில் கண்டேனே|

035. திவ்ய ப்ரபந்தம் - 1733 - மனமே! கண்ணபுரத்தானை மறவாதே

பெரிய திருமொழி - எட்டாம் பத்து - ஒண்பதாம் திருமொழி - ஆறாம் பாசுரம்

எஞ்சா வெம் நரகத்து* அழுந்தி நடுங்குகின்றேற்கு*

அஞ்சேல் என்று அடியேனை* ஆட்கொள்ள வல்லானை*

நெஞ்சே நீ நினையாது* இறைப்பொழுதும் இருத்தி கண்டாய்*

மஞ்சு ஆர் மாளிகை சூழ்* வயல் ஆலி மைந்தனையே|

036. திவ்ய ப்ரபந்தம் - 1735 - பிறவா வரம் பெற்று விட்டேன்

பெரிய திருமொழி - எட்டாம் பத்து - ஒண்பதாம் திருமொழி - எட்டாம் பாசுரம்

கற்றார் பற்று அறுக்கும்* பிறவிப் பெருங் கடலே*

பற்றா வந்து அடியேன்* பிறந்தேன் பிறந்த பின்னை*

வற்றா நீர் வயல் சூழ்* வயல் ஆலி அம்மானைப் பெற்றேன்* 

பெற்றதுவும்* பிறவாமை பெற்றேனே|

037. திவ்ய ப்ரபந்தம் - 1850 - திருவாலியும் திருநாங்கூரும்

பெரிய திருமொழி - பத்தாம் பத்து - முதலாம் திருமொழி - மூன்றாம் பாசுரம்

வேலை ஆல் இலைப்* பள்ளி விரும்பிய*

பாலை ஆர் அமுதத்தினைப்* பைந் துழாய்* 

மாலை ஆலியில்* கண்டு மகிழ்ந்து போய்*

ஞாலம் உன்னியைக் காண்டும்* நாங்கூரிலே|

038. திவ்ய ப்ரபந்தம் - 2014 - பகவான் பெருமை பேசாதார் பேச்சு பேச்சல்ல

பெரிய திருமொழி - பதினொன்றாம் பத்து - ஏழாம் திருமொழி - மூன்றாம் பாசுரம்

தூயானைத்* தூய மறையானை* தென் ஆலி மேயானை* 

மேவாள் உயிர் உண்டு அமுது உண்ட வாயானை*

மாலை வணங்கி* அவன் பெருமை பேசாதார்* 

பேச்சு என்றும்* பேச்சு அல்ல கேட்டாமே|

039. திவ்ய ப்ரபந்தம் - 2027 - இடையன் (அரைகுறையாக) வெட்டிய மரம் போல்

பெரிய திருமொழி - பதினொன்றாம் பத்து - எட்டாம் திருமொழி - ஆறாம் பாசுரம்

படை நின்ற* பைந்தாமரையோடு* 

அணி நீலம் மடை நின்று அலரும்* வயல் ஆலி மணாளா* 

இடையன் எறிந்த மரமே* ஒத்து இராமே*

அடைய அருளாய்* எனக்கு உன் தன் அருளே|

040. திவ்ய ப்ரபந்தம் - 2063 - அரங்கனை எண்ணி அயர்கின்றாள் என் மகள்

திருநெடுந்தாண்டகம் - இரண்டாம் திருமொழி - இரண்டாம் பாசுரம் (12)

நெஞ்சு உருகிக் கண் பனிப்ப நிற்கும் சோரும்* 

நெடிது உயிர்க்கும் உண்டு அறியாள் உறக்கம் பேணாள்* 

நஞ்சு அரவில் துயில் அமர்ந்த நம்பீ! என்னும்* 

வம்பு ஆர் பூ வயல் ஆலி மைந்தா என்னும்* 

அம் சிறைய புட்கொடியே ஆடும் பாடும்* 

அணி அரங்கம் ஆடுதுமோ? தோழீ என்னும்* 

என் சிறகின் கீழ் அடங்காப் பெண்ணைப் பெற்றேன்* 

இரு நிலத்து ஓர் பழி படைத்தேன் ஏ பாவமே|

041. திவ்ய ப்ரபந்தம் - 2706 - தலைவி சென்று தேடிய திவ்ய தேசங்கள்

சிறிய திருமடல் - நான்காம் திருமொழி - நான்காம் பாசுரம் (34)

நான் அவனைக் கார் ஆர் திருமேனி காணும் அளவும் போய் *

சீர் ஆர் திருவேங்கடமே திருக்கோவலூரே* (2)

மதிள் கச்சி ஊரகமே பேரகமே*

பேரா மருது இறுத்தான் வெள்ளறையே வெஃகாவே* 

பேர் ஆலி தண்கால் நறையூர் திருப்புலியூர்* 

ஆராமம் சூழ்ந்த அரங்கம்* கணமங்கை (2)

042. திவ்ய ப்ரபந்தம் - 2773 - எம்பெருமான் தங்கியிருக்கும் திவ்ய தேசங்களை அவள் புகழ்ந்து வணங்குகிறாள்

பெரிய திருமடல் - ஏழாம் திருமொழி - முதலாம் பாசுரம் (61)

மா மலர் மேல் அன்னம் துயிலும் அணி நீர் வயல் ஆலி*

என்னுடைய இன் அமுதை எவ்வுள் பெரு மலையை*

கன்னி மதிள் சூழ் கண மங்கைக் கற்பகத்தை*

மின்னை, இரு சுடரை, வெள்ளறையுள் கல் அறை மேல் பொன்னை* 

மரதகத்தை புட்குழி எம் போர் ஏற்றை* மன்னும் அரங்கத்து எம் மா மணியை*

||ஹரி ஓம்||

||ஸ்ரீ ஆழ்வார் திருவடிகளே சரணம்||

||ஸ்ரீ எம்பெருமானார் திருவடிகளே சரணம்||

||ஸ்ரீ ஜீயர் திருவடிகளே சரணம்||

||ஸ்ரீ அஸ்மத்  ஆசார்யன் திருவடிகளே சரணம்||

தொடரும்