108 திவ்ய தேசங்கள் - 037 - திருமணிக்கூடம் - 2

||ஸ்ரீ:||

||ஸ்ரீமதே ராமாநுஜாய நம:||

||ஸ்ரீமத் வரவர முநயே நம:||

037. திருமணிக்கூடம் (திருநாங்கூர்)

முப்பத்தி ஏழாவது திவ்ய க்ஷேத்ரம்

மயர்வற மதிநலம் அருளப் பெற்ற ஆழ்வார்கள் அருளிச் செய்த

தமிழ் வேதமாகிய நாலாயிர திவ்ய ப்ரபந்தத்தில்

இந்த திவ்ய தேசத்திற்கான பாசுரங்களின் விவரங்கள்

1 ஆழ்வார் - 10 பாசுரங்கள்

1. திருமங்கையாழ்வார் - 10 பாசுரங்கள் 

பெரிய திருமொழி (இரண்டாம் ஆயிரம்)

• திவ்ய ப்ரபந்தம் - 1288 - 1297 - நான்காம் பத்து - ஐந்தாம் திருமொழி

------------

திவ்ய கவி பிள்ளை பெருமாள் ஐயங்கார்

இந்த திவ்ய தேசத்திற்காக இயற்றிய அந்தாதி

தனியன்

மண்ணில் அரங்கம் முதல் வைகுந்த நாடளவும்*

எண்ணு திருப்பதி நூற்று எட்டினையும் நண்ணியே*

கற்பார் துதிப்பார் கருதுவார் கேட்டிருப்பார்*

பொற் பாதம் என் தலை மேல் பூ*

அந்தாதி

சேராது முன் செய்த தீ வினை பின் செய்ததுவும்*

வாராது இனி நீ மட நெஞ்சே நேராக்*

குருமணிக் கூடத்து ஆனைக் கொம்பு பறித்தானை*

திரு மணிக் கூடத்தானைச் செப்பு*

• மடம் நெஞ்சே – அறியாமையை உடைய எனது மனமே!

• நேரா – எதிர்த்து

• குரு மணி கூடத்து – சிறந்த இரத்தினங்கள் இழைத்துச் செய்யப் பெற்ற கூடத்தில் இருந்த

• ஆனை – குவலயா பீடம் என்னும் பட்டத்து யானையினது

• கொம்பு – தந்தங்களை

• பறித்தானை – வேரோடு பிடுங்கி அதனால் அதனை அடித்து அழித்தவனும்

• திருமணிக்கூடத்தானை – திருமணிக்கூடம் என்னும் திவ்ய ஸ்தலத்தில் எழுந்தருளி இருப்பவனுமாகிய திருமாலை

• நீ செப்பு – நீ இடைவிடாது துதி செய்ய உதவுவாய். அவ்வாறு செய்வாயாயின்

• முன்செய்த தீ வினை – நீ முற்பிறப்பில் செய்து சேர்த்து வைத்துள்ள ஸஞ்சிதம் அநப்யுபகத ப்ராப்தம் என்ற இரண்டு வகைப் பாவமும்

• சேராது – தன் பயனை ஊட்டுமாறு உன்னை அணுகாது

• பின்செய்வதுவும் – இனி அபுத்தி பூர்வகமாகச் செய்கின்ற ஆகாம்யம் எனப்படும் பாவமும்

• இனி வாராது – இனிமேல் உன்னை அணுகாது  

||ஹரி ஓம்||

||ஸ்ரீ ஆழ்வார் திருவடிகளே சரணம்||

||ஸ்ரீ எம்பெருமானார் திருவடிகளே சரணம்||

||ஸ்ரீ ஜீயர் திருவடிகளே சரணம்||

||ஸ்ரீ அஸ்மத்  ஆசார்யன் திருவடிகளே சரணம்||

தொடரும்