108 திவ்ய தேசங்கள் - 029 - திரு அரிமேய விண்ணகரம் 2

||ஸ்ரீ:||

||ஸ்ரீமதே ராமாநுஜாய நம:||

||ஸ்ரீமத் வரவர முநயே நம:||

029. திரு அரிமேய விண்ணகரம் (திருநாங்கூர்)

இருபத்தி ஒண்பதாவது திவ்ய க்ஷேத்ரம்

மயர்வற மதிநலம் அருளப் பெற்ற ஆழ்வார்கள் அருளிச் செய்த

தமிழ் வேதமாகிய நாலாயிர திவ்ய ப்ரபந்தத்தில்

இந்த திவ்ய தேசத்திற்கான பாசுரங்களின் விவரங்கள்

1 ஆழ்வார் - 10 பாசுரங்கள்

1. திருமங்கையாழ்வார் - 10 பாசுரங்கள்

பெரிய திருமொழி (இரண்டாம் ஆயிரம்) 

• திவ்ய ப்ரபந்தம் - 1238 - 1247 - மூன்றாம் பத்து - பத்தாம் திருமொழி

--------------------

திவ்ய கவி பிள்ளை பெருமாள் ஐயங்கார்

இந்த திவ்ய தேசத்திற்காக இயற்றிய அந்தாதி

தனியன்

மண்ணில் அரங்கம் முதல் வைகுந்த நாடளவும்*

எண்ணு திருப்பதி நூற்று எட்டினையும் நண்ணியே*

கற்பார் துதிப்பார் கருதுவார் கேட்டிருப்பார்*

பொற் பாதம் என் தலை மேல் பூ*

அந்தாதி

வாழும் அடியார் மட நெஞ்சே நம் அளவோ*

தாழும் சடையோன் சது முகத்தோன் பாழிக்*

கரிமேய விண்ணகரக் காவலோன் கண்டாய்*

அரிமேய விண்ணகரத் தார்க்கு*

• மடம்நெஞ்சே – அறியாமையை உடைய மனமே! 

• அரிமேய விண்ணகரத்தார்க்கு – திரு அரிமேய விண்ணகரம் என்னும் திவ்ய ஸ்தலத்தி எழுந்தருளி உள்ள எம்பெருமானுக்கு

• வாழும் அடியார் – அடியவராக வாழ்கின்றவர்கள் 

• நம் அளவோ – நாம் மாத்திரம் தானோ? அன்று

• தாழும் சடையோன் – தொங்குகின்ற கபர்த்தம் என்னும் சடையை உடைய சிவபிரானும்

• சதுமுகத்தோன் – நான்கு முகங்களை உடைய பிரம்ம தேவனும்

• பாழி கரிமேய விண் நகரம் காவலோன் – பலம் பொருந்திய ஐராவதம் என்னும் யானை மேல் ஏறிச் செல்லுகின்ற

• சுவர்க்க லோகத்துக்கு அரசனாகிய இந்திரனும் அடியவராவர்

• கண்டாய் – முன்னிலையசை, தேற்றமுமாம்

||ஹரி ஓம்||

||ஸ்ரீ ஆழ்வார் திருவடிகளே சரணம்||

||ஸ்ரீ எம்பெருமானார் திருவடிகளே சரணம்||

||ஸ்ரீ ஜீயர் திருவடிகளே சரணம்||

||ஸ்ரீ அஸ்மத்  ஆசார்யன் திருவடிகளே சரணம்||

தொடரும்