||ஸ்ரீ:||
||ஸ்ரீமதே ராமாநுஜாய நம:||
||ஸ்ரீமத் வரவர முநயே நம:||
ஸ்ரீ வியாஸ பகவான் அருளிய
ஸ்ரீ விஷ்ணு ஸஹஸ்ர நாம ஸ்லோகம் - 86
ஸுவர்ண பி³ந்து³ ரக்ஷோப்⁴ய:
ஸர்வ வாகீ³ஸ்² வரேஸ்² வர:|
மஹா ஹ்ரதோ³ மஹா க³ர்த்தோ
மஹா பூ⁴தோ மஹாநிதி⁴:||
- 806. ஸுவர்ண பி³ந்து³ர் - கேட்பவர் மயங்கும்படி மிகவும் இனிமையாகப் பேசுபவர். தங்க நிறமுள்ள உறுப்புகளோடு கூடிய அழகிய வடிவத்தை உடையவர். மங்களகரமான பிரணவ மந்திரத்தின் வடிவில் இருப்பவர். மங்கள எழுத்துக்களைக் கொண்ட வேதங்களை அறிந்தவர். நெற்றி, கன்னங்கள் போன்றவற்றில் அழகான தங்க நிற சந்தனக் குறிகளை உடையவர்.
- 807. அக்ஷோப்⁴யஸ் - கலக்க முடியாதவர். ஆசைகள் மற்றும் வெறுப்பு போன்ற உள் கவனச் சிதறல்களால், அசுரர்கள் போன்ற வெளிப்புற எதிரிகளால் கிளர்ச்சியோ குழப்பமோ அடையாதவர்.
- 808. ஸர்வ வாகீ³ஸ்² வரேஸ்² வரஹ - வல்லமையாகப் பேசுபவர்கள் அனைவருக்கும் மேலானவர். பிரம்மா போன்று எல்லா வார்த்தைகளிலும், பேச்சில் தேர்ச்சி பெற்ற அனைவருக்கும் இறைவன். பேச்சின் அதிபதி.
- 809. மஹா ஹ்ரதோ³ - ஆழ்ந்த மடுவாக இருப்பவர். பாவிகளை மூழ்கடித்து, பக்தர்கள் நிவாரணம் பெறும் பரந்த ஏரி. யோகிகள் அவரது பேரின்பத்தில் அமைதியாக இருந்து, ஏரியில் மூழ்குவதைப் போன்ற சுகத்தைப் பெறுகிறார்கள்.
- 810. மஹா க³ர்த்தோ – படு குழியாக இருப்பவர். பாவம் செய்பவர்களை சம்சாரம் என்ற பெரும் குழிக்குள் தள்ளுபவர். மகாபாரதப் புகழ் பெற்ற பெரிய தேரோட்டி. கொடியில் கருடனோடு கூடிய பெரிய தேரைக் கொண்டவர். சேஷாசலம் முதலிய பெரிய மலைகளில் வசிப்பவர். இந்த பிரபஞ்சத்தில் உள்ள அனைத்தும் உருவாகி, தங்கி, மீண்டும் ஒன்று இணைக்கும் பெரிய குழி. மாயையின் சக்தி ஒரு பள்ளம், அதை கடப்பது மிகவும் கடினம்.
- 811. மஹா பூ⁴தோ - மகான்களைத் தன் உறவினராகக் கொண்டவர். அவர் ஒரு பெரியவர். அவர் கடந்த காலம், நிகழ்காலம் மற்றும் எதிர்காலம் ஆகிய காலத்தின் வரம்புகளுக்கு அப்பாற்பட்டவர். பெரிய மனிதர்களைத் தம்முடையவர்களாகக் கருதுபவர். அவர் ஐந்து உறுப்புகளின் தோற்றம்.
- 812. மஹா நிதி⁴ஹி - மகான்களைப் பெருஞ் செல்பவமாக உடையவர். எல்லா உயிர்களும் அவரில் வசிக்கின்றன, எனவே அவர் நிதியாக இருக்கிறார். தன் பக்தர்களின் வடிவில் பெரும் பொக்கிஷத்தை உடையவர்.
||ஹரி ஓம்||
||ஸ்ரீ ஆழ்வார் திருவடிகளே சரணம்||
||ஸ்ரீ எம்பெருமானார் திருவடிகளே சரணம்||
||ஸ்ரீ ஜீயர் திருவடிகளே சரணம்||
||ஸ்ரீ அஸ்மத் ஆசார்யன் திருவடிகளே சரணம்||
தொடரும்
