108 திவ்ய தேசங்கள் - 014 - திருநறையூர் 6

||ஸ்ரீ:||

||ஸ்ரீமதே ராமாநுஜாய நம:||

||ஸ்ரீமத் வரவர முநயே நம:||

014. திருநறையூர்

நாச்சியார் கோயில் - கும்பகோணம்

பதிநான்காவது திவ்ய க்ஷேத்ரம்

இந்த திவ்ய தேசத்திற்கான பாசுரங்கள் - 111 - 4

திருமங்கையாழ்வார்

062. திவ்ய ப்ரபந்தம் - 1536 - மனமே! நறையூர் நம்பி தான் தேவ தேவன்

பெரிய திருமொழி - ஆறாம் பத்து - ஒண்பதாம் திருமொழி - ஒண்பதாம் பாசுரம்

மறை ஆரும் பெரு வேள்விக்* கொழும் புகை போய் வளர்ந்து எங்கும்*

நிறை ஆர வான் மூடும்* நீள் செல்வத் திருநறையூர்*

பிறை ஆரும் சடையானும்* பிரமனும் முன் தொழுது ஏத்த*

இறை ஆகி நின்றான் தன்* இணை அடியே அடை நெஞ்சே|

063. திவ்ய ப்ரபந்தம் - 1537 - தேவர்களாகி வாழ்வர்

பெரிய திருமொழி - ஆறாம் பத்து - ஒண்பதாம் திருமொழி - பத்தாம் பாசுரம்

திண் களக மதிள் புடை சூழ்* திருநறையூர் நின்றானை*

வண் களகம் நிலவு எறிக்கும்* வயல் மங்கை நகராளன்*

பண்கள் அகம் பயின்ற சீர்ப்* பாடல் இவை பத்தும் வல்லார்*

விண்கள் அகத்து இமையவர் ஆய்* வீற்றிருந்து வாழ்வாரே|

064. திவ்ய ப்ரபந்தம் - 1538 - திருமாலின் திருநாமம் நமோ நாராயணம்

பெரிய திருமொழி - ஆறாம் பத்து - பத்தாம் திருமொழி - முதலாம் பாசுரம்

கிடந்த நம்பி குடந்தை மேவிக்* கேழல் ஆய் உலகை இடந்த நம்பி* 

எங்கள் நம்பி* எறிஞர் அரண் அழிய*

கடந்த நம்பி கடி ஆர் இலங்கை* உலகை ஈர் அடியால்*

நடந்த நம்பி நாமம் சொல்லில்* நமோ நாராயணமே|

065. திவ்ய ப்ரபந்தம் - 1539 - உலகளந்தான் திருப்பெயர் நமோ நாராயணம்

பெரிய திருமொழி - ஆறாம் பத்து - பத்தாம் திருமொழி - இரண்டாம் பாசுரம்

விடம் தான் உடைய அரவம் வெருவச்* செருவில் முன நாள்* 

முன் தடந் தாமரை நீர்ப் பொய்கை புக்கு* மிக்க தாள் ஆளன்*

இடந்தான் வையம் கேழல் ஆகி* உலகை ஈர் அடியால்*

நடந்தானுடைய நாமம் சொல்லில்* நமோ நாராயணமே|

066. திவ்ய ப்ரபந்தம் - 1540 - வெண்ணெயுண்டான் திருநாமம் நமோ நாராயணம்

பெரிய திருமொழி - ஆறாம் பத்து - பத்தாம் திருமொழி - மூன்றாம் பாசுரம்

பூணாது அனலும்* தறுகண் வேழம் மறுக* 

வளை மருப்பை பேணான் வாங்கி* 

அமுதம் கொண்ட பெருமான் திரு மார்வன்*

பாணா வண்டு முரலும் கூந்தல்* ஆய்ச்சி தயிர் வெண்ணெய்*

நாணாது உண்டான் நாமம் சொல்லில்* நமோ நாராயணமே|

067. திவ்ய ப்ரபந்தம் - 1541 - விபீடணனுக்கு நல்லவன் நாமம் நமோ நாராயணம்

பெரிய திருமொழி - ஆறாம் பத்து - பத்தாம் திருமொழி - நான்காம் பாசுரம் 

கல் ஆர் மதிள் சூழ்* கச்சி நகருள் நச்சிப்* 

பாடகத்துள் எல்லா உலகும் வணங்க* இருந்த அம்மான்* 

இலங்கைக்கோன் வல் ஆள் ஆகம்* வில்லால் முனிந்த எந்தை* 

விபீடணற்கு நல்லானுடைய நாமம் சொல்லில்* நமோ நாராயணமே|

068. திவ்ய ப்ரபந்தம் - 1542 - கோவர்த்தனன் திருநாமம் நமோ நாராயணம்

பெரிய திருமொழி - ஆறாம் பத்து - பத்தாம் திருமொழி - ஐந்தாம் பாசுரம்

குடையா வரையால்* நிரை முன் காத்த பெருமான்* 

மருவாத விடை தான் ஏழும் வென்றான்* கோவல் நின்றான்* 

தென் இலங்கை அடையா அரக்கர் வீயப்* பொருது மேவி வெம் கூற்றம்*

நடையா உண்ணக் கண்டான் நாமம்* நமோ நாராயணமே|

069. திவ்ய ப்ரபந்தம் - 1543 - நமோ நாராயணம் என்றே சொல்லுங்கள்

பெரிய திருமொழி - ஆறாம் பத்து - பத்தாம் திருமொழி - ஆறாம் பாசுரம்

கான எண்கும் குரங்கும்* முசுவும் படையா* 

அடல் அரக்கர் மானம் அழித்து நின்ற* வென்றி அம்மான்* 

எனக்கு என்றும் தேனும் பாலும் அமுதும் ஆய* திருமால் திருநாமம்*

நானும் சொன்னேன் நமரும் உரைமின்* நமோ நாராயணமே|

070. திவ்ய ப்ரபந்தம் - 1544 - நமோ நாராயணம் என்ற நாமம் மிக நல்லது

பெரிய திருமொழி - ஆறாம் பத்து - பத்தாம் திருமொழி - ஏழாம் பாசுரம்

நின்ற வரையும் கிடந்த கடலும்* திசையும் இரு நிலனும்*

ஒன்றும் ஒழியா வண்ணம் எண்ணி* நின்ற அம்மானார்*

குன்று குடையா எடுத்த* அடிகளுடைய திருநாமம்*

நன்று காண்மின் தொண்டீர் சொன்னேன்* நமோ நாராயணமே|

071. திவ்ய ப்ரபந்தம் - 1545 - ஆநிறை காத்தவன் பெயர் நமோ நாராயணம்

பெரிய திருமொழி - ஆறாம் பத்து - பத்தாம் திருமொழி - எட்டாம் பாசுரம்

கடுங் கால் மாரி கல்லே பொழிய* அல்லே எமக்கு என்று படுங்கால்* 

நீயே சரண் என்று* ஆயர் அஞ்ச அஞ்சா முன்*

நெடுங்கால் குன்றம் குடை ஒன்று ஏந்தி* நிரையைச் சிரமத்தால்*

நடுங்கா வண்ணம் காத்தான் நாமம்* நமோ நாராயணமே|

072. திவ்ய ப்ரபந்தம் - 1546 - நமோ நாராயணம் என்றால் வினைகள் நீங்கும்

பெரிய திருமொழி - ஆறாம் பத்து - பத்தாம் திருமொழி - ஒண்பதாம் பாசுரம்

பொங்கு புணரிக் கடல் சூழ் ஆடை* நில மா மகள் மலர் மா மங்கை* 

பிரமன் சிவன் இந்திரன்* வானவர் நாயகர் ஆய*

எங்கள் அடிகள் இமையோர்* தலைவருடைய திருநாமம்*

நங்கள் வினைகள் தவிர உரைமின்* நமோ நாராயணமே|

073. திவ்ய ப்ரபந்தம் - 1547 - இவற்றைப் பாடினால் பாவம் பறந்து விடும்

பெரிய திருமொழி - ஆறாம் பத்து - பத்தாம் திருமொழி - பத்தாம் பாசுரம்

வாவித் தடம் சூழ் மணி முத்தாற்று* நறையூர் நெடுமாலை*

நாவில் பரவி நெஞ்சில் கொண்டு* நம்பி நாமத்தை*

காவித் தடங் கண் மடவார் கேள்வன்* கலியன் ஒலி மாலை*

மேவிச் சொல்ல வல்லார் பாவம்* நில்லா வீயுமே|

074. திவ்ய ப்ரபந்தம் - 1548 - நம்பி! பிறவா வரம் அருள்வாய்

பெரிய திருமொழி - ஏழாம் பத்து - முதலாம் திருமொழி - முதலாம் பாசுரம்

கறவா மட நாகு* தன் கன்று உள்ளினால் போல்*

மறவாது அடியேன்* உன்னையே அழைக்கின்றேன்*

நறவு ஆர் பொழில் சூழ்* நறையூர் நின்ற நம்பி*

பிறவாமை எனைப் பணி* எந்தை பிரானே|

075. திவ்ய ப்ரபந்தம் - 1549 - நம்பி! நான் உன்னையே அழைக்கின்றேன்

ஏபெரிய திருமொழி - ழாம் பத்து - முதலாம் திருமொழி - இரண்டாம் பாசுரம்

வற்றா முதுநீரொடு* மால் வரை ஏழும்*

துற்று ஆக முன் துற்றிய* தொல் புகழோனே*

அற்றேன் அடியேன்* உன்னையே அழைக்கின்றேன்*

பெற்றேன் அருள் தந்திடு* என் எந்தை பிரானே|

076. திவ்ய ப்ரபந்தம் - 1550 - நம்பி! நான் உன்னையே உகந்தேன்

பெரிய திருமொழி - ஏழாம் பத்து - முதலாம் திருமொழி - மூன்றாம் பாசுரம்

தாரேன் பிறர்க்கு* உன் அருள் என்னிடை வைத்தாய்*

ஆரேன் அதுவே* பருகிக் களிக்கின்றேன்*

கார் ஏய் கடலே மலையே* திருக்கோட்டி ஊரே* 

உகந்தாயை* உகந்து அடியேனே|

077. திவ்ய ப்ரபந்தம் - 1551 - நம்பி! நான் உன்னை எப்படி மறப்பேன்

பெரிய திருமொழி - ஏழாம் பத்து - முதலாம் திருமொழி - நான்காம் பாசுரம்

புள் வாய் பிளந்த* புனிதா என்று அழைக்க*

உள்ளே நின்று* என் உள்ளம் குளிரும் ஒருவா!*

கள்வா!* கடல் மல்லைக் கிடந்த கரும்பே*

வள்ளால் உன்னை* எங்ஙனம் நான் மறக்கேனே?

078. திவ்ய ப்ரபந்தம் - 1552 - நம்பி! உன்னைத் தொழும் விதத்தைச் சொல்

பெரிய திருமொழி - ஏழாம் பத்து - முதலாம் திருமொழி - ஐந்தாம் பாசுரம்

வில் ஏர்* நுதல் நெடுங் கண்ணியும் நீயும்*

கல் ஆர் கடுங் கானம்* திரிந்த களிறே*

நல்லாய் நர நாரணனே!* எங்கள் நம்பி*

சொல்லாய் உன்னை* யான் வணங்கித் தொழும் ஆறே|

079. திவ்ய ப்ரபந்தம் - 1553 - நம்பி! உன்னைக் கண்டு நான் உய்ந்தேன்

பெரிய திருமொழி - ஏழாம் பத்து - முதலாம் திருமொழி - ஆறாம் பாசுரம்

பனி ஏய் பரங் குன்றின்* பவளத் திரளே*

முனியே* திருமூழிக்களத்து விளக்கே*

இனியாய் தொண்டரோம்* பருகும் இன் அமுது ஆய கனியே* 

உன்னைக் கண்டு கொண்டு* உய்ந்தொழிந்தேனே|

080. திவ்ய ப்ரபந்தம் - 1554 - நம்பி! தொண்டர்கட்கு நீதான் கதி

பெரிய திருமொழி - ஏழாம் பத்து - முதலாம் திருமொழி - ஏழாம் பாசுரம்

கதியேல் இல்லை* நின் அருள் அல்லது எனக்கு*

நிதியே!* திருநீர்மலை நித்திலத் தொத்தே*

பதியே பரவித் தொழும்* தொண்டர் தமக்குக் கதியே* 

உன்னைக் கண்டுகொண்டு* உய்ந்தொழிந்தேனே|

081. திவ்ய ப்ரபந்தம் - 1555 - நம்பி! நான் எப்படி விடுவேன்?

பெரிய திருமொழி - ஏழாம் பத்து - முதலாம் திருமொழி - எட்டாம் பாசுரம்

அத்தா அரியே என்று* உன்னை அழைக்க*

பித்தா என்று பேசுகின்றார்* பிறர் என்னை*

முத்தே மணி மாணிக்கமே* முளைக்கின்ற வித்தே* 

உன்னை எங்ஙனம் நான் விடுகேனே|

||ஹரி ஓம்||

||ஸ்ரீ ஆழ்வார் திருவடிகளே சரணம்||

||ஸ்ரீ எம்பெருமானார் திருவடிகளே சரணம்||

||ஸ்ரீ ஜீயர் திருவடிகளே சரணம்||

||ஸ்ரீ அஸ்மத்  ஆசார்யன் திருவடிகளே சரணம்||

தொடரும்