108 திவ்ய தேசங்கள் - 008 - திருக்கூடலூர் 3

||ஸ்ரீ:||

||ஸ்ரீமதே ராமாநுஜாய நம:||

||ஸ்ரீமத் வரவர முநயே நம:||

008. திருக்கூடலூர் 

ஸங்கம க்ஷேத்திரம் - கும்பகோணம் 

எட்டாவது திவ்ய க்ஷேத்ரம்

இந்த திவ்ய தேசத்திற்கான பாசுரங்கள் - 10 

திருமங்கையாழ்வார்

001. திவ்ய ப்ரபந்தம் - 1358 - பாண்டவ தூதர் பயிலும் ஊர் கூடலூர்

பெரிய திருமொழி - ஐந்தாம் பத்து - இரண்டாம் திருமொழி - முதலாம் பாசுரம்

தாம் தம் பெருமை அறியார்* 

தூது வேந்தர்க்கு ஆய* வேந்தர் ஊர் போல்* 

காந்தள் விரல்* மென் கலை நல் மடவார்*

கூந்தல் கமழும்* கூடலூரே|

002. திவ்ய ப்ரபந்தம் - 1359 - நம்பின்னை நாயகர் தங்கும் ஊர்

பெரிய திருமொழி - ஐந்தாம் பத்து - இரண்டாம் திருமொழி - இரண்டாம் பாசுரம்

செறும் திண்* திமில் ஏறு உடைய* 

பின்னை பெறும் தண் கோலம்* பெற்றார் ஊர் போல்*

நறும் தண் தீம்* தேன் உண்ட வண்டு*

குறிஞ்சி பாடும்* கூடலூரே|

003. திவ்ய ப்ரபந்தம் - 1360 - அடியேன் உள்ளம் புகுந்தவர் ஊர் இது

பெரிய திருமொழி - ஐந்தாம் பத்து - இரண்டாம் திருமொழி - மூன்றாம் பாசுரம்

பிள்ளை உருவாய்த்* தயிர் உண்டு* 

அடியேன் உள்ளம் புகுந்த* ஒருவர் ஊர் போல்*

கள்ள நாரை* வயலுள்* 

கயல்மீன் கொள்ளை கொள்ளும்* கூடலூரே|

004. திவ்ய ப்ரபந்தம் - 1361 - குறளுருவாய பெருமான் வாழும் ஊர்

பெரிய திருமொழி - ஐந்தாம் பத்து - இரண்டாம் திருமொழி - நான்காம் பாசுரம் 

கூற்று ஏர் உருவின்* குறள் ஆய்* 

நிலம் நீர் ஏற்றான் எந்தை* பெருமான் ஊர் போல்*

சேற்று ஏர் உழவர்* கோதைப் போது ஊண்*

கோல் தேன் முரலும்* கூடலூரே|

005. திவ்ய ப்ரபந்தம் - 1362 - தொண்டர் பரவும் அடிகள் அமரும் ஊர்

ஐந்தாம் பத்து - இரண்டாம் திருமொழி - ஐந்தாம் பாசுரம்

தொண்டர் பரவச்* சுடர் சென்று அணவ*

அண்டத்து அமரும்* அடிகள் ஊர் போல்*

வண்டல் அலையுள்* கெண்டை மிளிர*

கொண்டல் அதிரும்* கூடலூரே|

006. திவ்ய ப்ரபந்தம் - 1363 - சிவனுக்குத் துணைவர் தங்கும் ஊர்

பெரிய திருமொழி - ஐந்தாம் பத்து - இரண்டாம் திருமொழி - ஆறாம் பாசுரம்

தக்கன் வேள்வி* தகர்த்த தலைவன்*

துக்கம் துடைத்த* துணைவர் ஊர் போல்* 

எக்கல் இடு* நுண் மணல்மேல்* 

எங்கும் கொக்கின் பழம் வீழ்* கூடலூரே|

007. திவ்ய ப்ரபந்தம் - 1364 - உலகமுண்டான் உறையும் இடம்

பெரிய திருமொழி - ஐந்தாம் பத்து - இரண்டாம் திருமொழி - ஏழாம் பாசுரம்

கருந் தண் கடலும்* மலையும் உலகும்*

அருந்தும் அடிகள்* அமரும் ஊர்போல* 

பெருந் தண் முல்லைப்* பிள்ளை ஓடி*

குருந்தம் தழுவும்* கூடலூரே|

008. திவ்ய ப்ரபந்தம் - 1365 - திருநீர்மலைப் பெருமான் வாழும் இடம்

பெரிய திருமொழி - ஐந்தாம் பத்து - இரண்டாம் திருமொழி - எட்டாம் பாசுரம்

கலை வாழ்* பிணையோடு அணையும்*  

திருநீர்மலை வாழ் எந்தை* மருவும் ஊர்போல்* 

இலை தாழ் தெங்கின்* மேல்நின்று* 

இளநீர்க் குலை தாழ் கிடங்கின்* கூடலூரே|

009. திவ்ய ப்ரபந்தம் - 1366 - என் உள்ளம் புகுந்தவன் எழுந்தருளிய ஊர்

பெரிய திருமொழி - ஐந்தாம் பத்து - இரண்டாம் திருமொழி - ஒண்பதாம் பாசுரம்

பெருகு காதல் அடியேன்* 

உள்ளம் உருகப் புகுந்த* ஒருவர் ஊர் போல்* 

அருகு கைதை மலர* 

கெண்டை குருகு என்று அஞ்சும்* கூடலூரே|

010. திவ்ய ப்ரபந்தம் - 1367 - பாவம் பறந்து போய் விடும்

பெரிய திருமொழி - ஐந்தாம் பத்து - இரண்டாம் திருமொழி - பத்தாம் பாசுரம்

காவிப் பெருநீர் வண்ணன்* 

கண்ணன் மேவித் திகழும்* கூடலூர் மேல்* 

கோவைத் தமிழால்* கலியன் சொன்ன*

பாவைப் பாட பாவம் போமே|

---------

||ஹரி ஓம்||

||ஸ்ரீ ஆழ்வார் திருவடிகளே சரணம்||

||ஸ்ரீ எம்பெருமானார் திருவடிகளே சரணம்||

||ஸ்ரீ ஜீயர் திருவடிகளே சரணம்||

||ஸ்ரீ அஸ்மத்  ஆசார்யன் திருவடிகளே சரணம்||

தொடரும்