108 திவ்ய தேசங்கள் - 032 - திருமணிமாட கோவில் - 2

||ஸ்ரீ:||

||ஸ்ரீமதே ராமாநுஜாய நம:||

||ஸ்ரீமத் வரவர முநயே நம:||

032. திருமணிமாடகோவில் (திருநாங்கூர்)

முப்பத்தி இரண்டாவது திவ்ய க்ஷேத்ரம்

மயர்வற மதிநலம் அருளப் பெற்ற ஆழ்வார்கள் அருளிச் செய்த

தமிழ் வேதமாகிய நாலாயிர திவ்ய ப்ரபந்தத்தில்

இந்த திவ்ய தேசத்திற்கான பாசுரங்களின் விவரங்கள்

1 ஆழ்வார் - 12 பாசுரங்கள்

1. திருமங்கையாழ்வார் - 12 பாசுரங்கள் 

பெரிய திருமொழி (இரண்டாம் ஆயிரம்) - 11 பாசுரங்கள்

• திவ்ய ப்ரபந்தம் - 1218 - 1227 – மூன்றாம் பத்து - எட்டாம் திருமொழி - 10 பாசுரங்கள்

• திவ்ய ப்ரபந்தம் - 1850 - பத்தாம் பத்து - முதலாம் திருமொழி - 1 பாசுரம்

பெரிய திருமடல் (மூன்றாம் ஆயிரம்) - 1 பாசுரம்

• திவ்ய ப்ரபந்தம் - 2782 - ஏழாம் திருமொழி - பத்தாம் பாசுரம் (70)

--------------------

திவ்ய கவி பிள்ளை பெருமாள் ஐயங்கார்

இந்த திவ்ய தேசத்திற்காக இயற்றிய அந்தாதி

தனியன்

மண்ணில் அரங்கம் முதல் வைகுந்த நாடளவும்*

எண்ணு திருப்பதி நூற்று எட்டினையும் நண்ணியே*

கற்பார் துதிப்பார் கருதுவார் கேட்டிருப்பார்*

பொற் பாதம் என் தலை மேல் பூ*

அந்தாதி

சீரே தரும் கதியில் சேருகைக்கு நான் உன்னை*

நேரே வணங்கினேன் நெஞ்சே நீ பாரில்*

அணி மாடக் கோயில் அரங்கனார் நாங்கூர்*

மணி மாடக் கோயில் வணங்கு*

• நெஞ்சே – மனமே!

• சீரே தரும் கதியில் சேருகைக்கு – சிறப்பையே தருகின்ற நல்ல கதியில் முத்தி உலகத்தில் சென்று சேர்வதற்காக

• நான் - உன்னை – எனது நன்மை தீமைகட்குக் காரணமாக இருக்கின்ற உன்னை

• நேரே வணங்கினேன் – நன்றாகத் தொழுகின்றேன்

• நீ - யாது செய்ய வேண்டுமெனின்

• பாரில் – இந்த நில உலகத்தில்

• அணி மாடம் கோயில் அரங்கனார் – அழகிய மாட மாளிகைகளை உடைய கோயில் என்று சொல்லப் படுகின்ற

• ஸ்ரீரங்கத்தில் எழுந்தருளி உள்ள ரங்கநாதனது

• நாங்கூர் மணிமாடக்கோயில் – திருநாங்கூரைச் சார்ந்த திருமணிமாடக் கோயில் என்னும் திவ்ய ஸ்தலத்தை

• வணங்கு – தொழுவாயாக

||ஹரி ஓம்||

||ஸ்ரீ ஆழ்வார் திருவடிகளே சரணம்||

||ஸ்ரீ எம்பெருமானார் திருவடிகளே சரணம்||

||ஸ்ரீ ஜீயர் திருவடிகளே சரணம்||

||ஸ்ரீ அஸ்மத்  ஆசார்யன் திருவடிகளே சரணம்||

தொடரும்