108 திவ்ய தேசங்கள் - 026 - திரு இந்தளூர் 2

||ஸ்ரீ:||

||ஸ்ரீமதே ராமாநுஜாய நம:||

||ஸ்ரீமத் வரவர முநயே நம:||

026. திருஇந்தளூர் (மாயவரம்)

இருபத்தி ஆறாவது திவ்ய க்ஷேத்ரம்

மயர்வற மதிநலம் அருளப் பெற்ற ஆழ்வார்கள் அருளிச் செய்த

தமிழ் வேதமாகிய நாலாயிர திவ்ய பிரபந்தத்தில்

இந்த திவ்ய தேசத்திற்கான பாசுரங்களின் விவரங்கள்

1 ஆழ்வார் - 11 பாசுரங்கள் 

1. திருமங்கையாழ்வார் - 11 பாசுரங்கள்       

1. பெரிய திருமொழி (இரண்டாம் ஆயிரம்) 

• திவ்ய ப்ரபந்தம் – 1328 - 1337 - நான்காம் பத்து - ஒண்பதாம் திருமொழி - 10 பாசுரங்கள்   

2. பெரிய திருமடல் (மூன்றாம் ஆயிரம்) 

• திவ்ய ப்ரபந்தம் – 2779 - ஏழாம் திருமொழி - ஏழாம் பாசுரம் (67) - 1 பாசுரம்                       

--------------------

திவ்ய கவி பிள்ளை பெருமாள் ஐயங்கார்

இந்த திவ்ய தேசத்திற்காக இயற்றிய அந்தாதி 

தனியன்

மண்ணில் அரங்கம் முதல் வைகுந்த நாடளவும்*

எண்ணு திருப்பதி நூற்று எட்டினையும் நண்ணியே*

கற்பார் துதிப்பார் கருதுவார் கேட்டிருப்பார்*

பொற் பாதம் என் தலை மேல் பூ*

அந்தாதி

நாடுதும் வா நெஞ்சமே நாராயணன் பதிகள்*

கூடுதும் வா மெய்யடியார் கூட்டங்கள் சூடுதும் வா*

வீதி யிந்தளத்த கிலின் வீசு புகை வாசம் எழும்*

ஆதி இந்தளூரான் அடி*

• நெஞ்சமே - எனது மனமே!

• நாராயணன் பதிகள் - திருமாலினது திருப்பதிகளை

• நாடுதும் - சென்று தரிசிப்போம் வா

• மெய் அடியார் கூட்டங்கள் - உண்மையான பக்தர்களது கூட்டங்களை

• கூடுதும் - போய்ச் சேருவோம் வா

• இந்தளத்து - தூபக்கால்களில் போடப்பட்ட

• அகிலின் - அகிற்கட்டைகளினின்று

• வீசு - வீசுகின்ற

• புகை - புகையினது

• வாசம் - நறுமணமானது

• வீதி - தெருக்களில்

• எழும் - கமழ்ந்து எழப் பெற்ற

• ஆதி இந்தளூரான் - முதன்மையாகிய திரு இந்தளூர் என்னும் ஸ்தலத்தில் எழுந்தருளி உள்ள எம்பெருமானது

• அடி - திருவடித் தாமரைகளை

• சூடுதும் - தலைமேற் சூடிக் கொள்ளுவோம் வா

||ஹரி ஓம்||

||ஸ்ரீ ஆழ்வார் திருவடிகளே சரணம்||

||ஸ்ரீ எம்பெருமானார் திருவடிகளே சரணம்||

||ஸ்ரீ ஜீயர் திருவடிகளே சரணம்||

||ஸ்ரீ அஸ்மத்  ஆசார்யன் திருவடிகளே சரணம்||

தொடரும்