108 திவ்ய தேசங்கள் - 021 - திருநந்திபுர விண்ணகரம் 2

||ஸ்ரீ:||

||ஸ்ரீமதே ராமாநுஜாய நம:||

||ஸ்ரீமத் வரவர முநயே நம:||

021. திருநந்திபுர விண்ணகரம் 

நாதன் கோயில் - கும்பகோணம்

இருபத்தி ஒன்றாவது திவ்ய க்ஷேத்ரம்

மயர்வற மதிநலம் அருளப் பெற்ற ஆழ்வார்கள் அருளிச் செய்த

தமிழ் வேதமாகிய நாலாயிர திவ்ய ப்ரபந்தத்தில்

இந்த திவ்ய தேசத்திற்கான பாசுரங்களின் விவரங்கள்

1 ஆழ்வார் – 10 பாசுரங்கள்

1. திருமங்கையாழ்வார் - 10 பாசுரங்கள்

பெரிய திருமொழி (இரண்டாம் ஆயிரம்) 

• திவ்ய ப்ரபந்தம் – 1438 - 1447 ஐந்தாம் பத்து - பத்தாம் திருமொழி

--------------------

திவ்ய கவி பிள்ளை பெருமாள் ஐயங்கார்

இந்த திவ்ய தேசத்திற்காக இயற்றிய அந்தாதி

தனியன்

மண்ணில் அரங்கம் முதல் வைகுந்த நாடளவும்*

எண்ணு திருப்பதி நூற்று எட்டினையும் நண்ணியே*

கற்பார் துதிப்பார் கருதுவார் கேட்டிருப்பார்*

பொற் பாதம் என் தலை மேல் பூ*

அந்தாதி

செயற்கு அரிய செய்வோமைச் செய்யாமை நெஞ்சே*

மயக்குவார் ஐவர் வலியால் நயக்கலவி*

சிந்தி புர விண்ணகரம் என்பர் திருச் செங்கண் மால்*

நந்தி புர விண்ணகரம் நாடு*

• நெஞ்சே - மனமே! 

• செயற்கு அரிய செய்வோமை - செய்வதற்கு அருமையான தொழில்களையும் செய்யவல்ல நம்மை

• செய்யாமல் - செய்யவொட்டாமல்

• வலியால் மயக்குவார் - தமது வலிமையால் மயங்கச் செய்பவர்களாகிய

• ஐவர் - ஐந்து புலன்கள் உன்னை நோக்கி

• ‘நயம் கலவி சிந்தி - இனிமையைத் தருகின்ற சிற்றின்பத்தையே எப்போதும் நினைப்பாய்

• விண் நகரம் புர - ஸ்வர்க்க லோகத்தை அரசாட்சி செய்வாய்

• என்பர் - என்று துர்ப்போதனை செய்வார்கள். நீ அந்தப் பஞ்சேந்திரியங்கட்கு வசப்பட்டு அவற்றைக் கொள்ளாமல்

• திரு செங் கண் மால் - அழகிய செந்தாமரை மலர் போன்ற சிவந்த திருக்கண்களை உடைய திருமாலினது

• நந்திபுர விண்ணகரம் - திருநந்திபுரவிண்ணகரம் என்னும் ஸ்தலத்தை

• நாடு - எப்போதும் விரும்புவாயாக

||ஹரி ஓம்||

||ஸ்ரீ ஆழ்வார் திருவடிகளே சரணம்||

||ஸ்ரீ எம்பெருமானார் திருவடிகளே சரணம்||

||ஸ்ரீ ஜீயர் திருவடிகளே சரணம்||

||ஸ்ரீ அஸ்மத்  ஆசார்யன் திருவடிகளே சரணம்||

தொடரும்