108 திவ்ய தேசங்கள் - 036 - திருத்தெற்றியம்பலம் 2

||ஸ்ரீ:||

||ஸ்ரீமதே ராமாநுஜாய நம:||

||ஸ்ரீமத் வரவர முநயே நம:||

036. திருத்தெற்றியம்பலம் (திருநாங்கூர்)

முப்பத்தி ஆறாவது திவ்ய க்ஷேத்ரம்

மயர்வற மதிநலம் அருளப் பெற்ற ஆழ்வார்கள் அருளிச் செய்த

தமிழ் வேதமாகிய நாலாயிர திவ்ய ப்ரபந்தத்தில்

இந்த திவ்ய தேசத்திற்கான பாசுரங்களின் விவரங்கள்

1 ஆழ்வார் - 10 பாசுரங்கள்

1. திருமங்கையாழ்வார் - 10 பாசுரங்கள்

பெரிய திருமொழி (இரண்டாம் ஆயிரம்)

• திவ்ய ப்ரபந்தம் – 1278 – 1287 - நான்காம் பத்து - நான்காம் திருமொழி

--------------------

திவ்ய கவி பிள்ளை பெருமாள் ஐயங்கார்

இந்த திவ்ய தேசத்திற்காக இயற்றிய அந்தாதி

தனியன்

மண்ணில் அரங்கம் முதல் வைகுந்த நாடளவும்*

எண்ணு திருப்பதி நூற்று எட்டினையும் நண்ணியே*

கற்பார் துதிப்பார் கருதுவார் கேட்டிருப்பார்*

பொற் பாதம் என் தலை மேல் பூ*

அந்தாதி

சென்றது காலம் திரை நரை மூப்பு ஆன இனி*

என்று கொல் சாவு அறியேன் என் நெஞ்சே கன்றால்*

உருத்து ஏற்றி அம்பலத்தை ஓர் விளவின் வீழத்தான்*

திருத் தெற்றி யம்பலத்தைச் சேர்* 

• என் நெஞ்சே – எனது மனமே!

• சென்றது காலம் – நமக்கோ வாழ்நாள் பெரும்பாலும் கழிந்திட்டது

• திரை – தோல் சுருக்கமும்

• நரை – மயிர் வெளுத்தலும்

• மூப்பு – கிழத்தனமும்

• ஆன – தோன்றியுள்ளன

• இனி – இனிமேல்

• சாவு – மரணம்

• என்றுகொல் – என்றைக்கோ?

• அறியோம் – அறிந்திலோம். ஆதலால் நமது ஆயுள் முடிவதற்குள்

• ஓர் விளவின் அம் பலத்தை – ஒரு விளாமரத்தில் உள்ள அழகிய பழத்தைக் கண்டு

• உருத்து – கோபித்து

• கன்றால் – அசுர ஆவேசம் கொண்ட இளங்கன்றைக் கொண்டு

• எற்றி – வீசியெறிந்து

• வீழ்த்தான் – விழச் செய்தவனான திருமாலினது

• திருத்தெற்றியம்பலத்தை – திருத்தெற்றியம்பலம் என்னும் திவ்ய ஸ்தலத்தை

• சேர் – இடைவிடாது தியானிப்பாயாக

||ஹரி ஓம்||

||ஸ்ரீ ஆழ்வார் திருவடிகளே சரணம்||

||ஸ்ரீ எம்பெருமானார் திருவடிகளே சரணம்||

||ஸ்ரீ ஜீயர் திருவடிகளே சரணம்||

||ஸ்ரீ அஸ்மத்  ஆசார்யன் திருவடிகளே சரணம்||

தொடரும்