108 திவ்ய தேசங்கள் - 025 - திருத்தலைச்சங்க நாண்மதியம் 2

||ஸ்ரீ:||

||ஸ்ரீமதே ராமாநுஜாய நம:||

||ஸ்ரீமத் வரவர முநயே நம:||

025. திருத்தலைச்சங்க நாண்மதியம் 

தலைச்சங்காடு - திருவாரூர் 

இருபத்தி ஐந்தாவது திவ்ய க்ஷேத்ரம்

மயர்வற மதிநலம் அருளப் பெற்ற ஆழ்வார்கள் அருளிச் செய்த

தமிழ் வேதமாகிய நாலாயிர திவ்ய ப்ரபந்தத்தில்

இந்த திவ்ய தேசத்திற்கான பாசுரங்களின் விவரங்கள்

1 ஆழ்வார் – 2 பாசுரங்கள்

1. திருமங்கையாழ்வார்  - 2 பாசுரங்கள்

பெரிய திருமொழி (இரண்டாம் ஆயிரம்) - 1 பாசுரம்

• திவ்ய ப்ரபந்தம் – 1736 - எட்டாம் பத்து - ஒண்பதாம் திருமொழி - ஒண்பதாம் பாசுரம்              

பெரிய திருமடல் (மூன்றாம் ஆயிரம்) - 1 பாசுரம்

• திவ்ய ப்ரபந்தம் – 2782 - ஏழாம் திருமொழி - பத்தாம் பாசுரம் (70)  

--------------------

திவ்ய கவி பிள்ளை பெருமாள் ஐயங்கார்

இந்த திவ்ய தேசத்திற்காக இயற்றிய அந்தாதி 

தனியன்

மண்ணில் அரங்கம் முதல் வைகுந்த நாடளவும்*

எண்ணு திருப்பதி நூற்று எட்டினையும் நண்ணியே*

கற்பார் துதிப்பார் கருதுவார் கேட்டிருப்பார்*

பொற் பாதம் என் தலை மேல் பூ*

அந்தாதி

செப்புங்கால் ஆதவனும் திங்களும் வானும் தரையும்*

அப்பும் காலும் கனலும் ஆய் நின்றான் கைப்பால்*

அலைச் சங்கம் ஏந்தும் அணி அரங்கத்து அம்மான்*

தலைச் சங்க நாண் மதியத்தான்*

• கைப்பால் - கையினிடத்தில்

• அலை சங்கம் - அலைகளை உடைய கடலினிடத்துத் தோன்றிய பாஞ்சஜந்யம் என்னும் சங்கத்தை

• ஏந்தும் - தரித்துள்ள

• அணி அரங்கத்து அம்மான் - திருவரங்கத்தில் எழுந்தருளி உள்ள ஸ்வாமியும்

• தலைச்சங்கநாண்மதியத்தான் - திருத்தலைச்சங்க நாண்மதியம் என்னும் திவ்ய ஸ்தலத்தில் எழுந்தருளி உள்ளவனுமான எம்பெருமான்

• செப்பம் கால் - சொல்லுமிடத்தில் 

• ஆதவனும் - சூரியனும்

• திங்களும் - சந்திரனும்

• வானும் - ஆகாயமும்

• தரையும் - பூமியும்

• அப்பும் - ஜலமும்

• காலும் - காற்றும்

• கனலும் - அக்னியும்

• ஆய் - ஆகி 

• நின்றான் - எங்கும் பரவி நிற்பவனாவன்

--------------------

இந்த திவ்ய தேசத்திற்கான பாசுரங்கள் - 2

திருமங்கையாழ்வார்

001. திவ்ய ப்ரபந்தம் - 1736 - கண்ணபுரத்தானை எப்பொழுது நேரில் காண்பேன்?

பெரிய திருமொழி - எட்டாம் பத்து - ஒண்பதாம் திருமொழி - ஒண்பதாம் பாசுரம்

கண் ஆர் கண்ணபுரம்* கடிகை கடி கமழும்*

தண் ஆர் தாமரை சூழ்* தலைச்சங்கம் மேல் திசையுள்*

விண்ணோர் நாண்மதியை* விரிகின்ற வெம் சுடரை*

கண் ஆரக் கண்டு கொண்டு* களிக்கின்றது இங்கு என்று கொலோ?

002. திவ்ய ப்ரபந்தம் - 2782 -  செயல்களை யாவரிடமும் கூறி மடலூர்வேன்

பெரிய திருமடல் - ஏழாம் திருமொழி - பத்தாம் பாசுரம் (70) 

எனக்குத் திருமால் அருளாவிடில் அவனுடைய இரக்கமிலாச் 

மன்னும் மறை நான்கும் ஆனானை* 

புல்லாணித் தென்னன் தமிழை வடமொழியை*

நாங்கூரில் மன்னு மணிமாடக் கோயில் மணாளனை*

நல் நீர்த் தலைச்சங்க நாள் மதியை* 

நான் வணங்கும் கண்ணனைக் கண்ணபுரத்தானை* 

தென் நறையூர் மன்னு மணிமாடக் கோயில் மணாளனை*

||ஹரி ஓம்||

||ஸ்ரீ ஆழ்வார் திருவடிகளே சரணம்||

||ஸ்ரீ எம்பெருமானார் திருவடிகளே சரணம்||

||ஸ்ரீ ஜீயர் திருவடிகளே சரணம்||

||ஸ்ரீ அஸ்மத்  ஆசார்யன் திருவடிகளே சரணம்||

தொடரும்