108 திவ்ய தேசங்கள் - 027 - திருக்காவளம்பாடி 2

||ஸ்ரீ:||

||ஸ்ரீமதே ராமாநுஜாய நம:||

||ஸ்ரீமத் வரவர முநயே நம:||

027. திருக்காவளம்பாடி (திருநாங்கூர்)

இருபத்தி ஏழாவது திவ்ய க்ஷேத்ரம்

மயர்வற மதிநலம் அருளப் பெற்ற ஆழ்வார்கள் அருளிச் செய்த

தமிழ் வேதமாகிய நாலாயிர திவ்ய பிரபந்தத்தில்

இந்த திவ்ய தேசத்திற்கான பாசுரங்களின் விவரங்கள்

1 ஆழ்வார் - 10 பாசுரங்கள்

1. திருமங்கையாழ்வார் - 10 பாசுரங்கள்

பெரிய திருமொழி (இரண்டாம் ஆயிரம்)

• திவ்ய ப்ரபந்தம் – 1298 - 1307 - நான்காம் பத்து - ஆறாம் திருமொழி

--------------------

திவ்ய கவி பிள்ளை பெருமாள் ஐயங்கார்

இந்த திவ்ய தேசத்திற்காக இயற்றிய அந்தாதி 

தனியன்

மண்ணில் அரங்கம் முதல் வைகுந்த நாடளவும்*

எண்ணு திருப்பதி நூற்று எட்டினையும் நண்ணியே*

கற்பார் துதிப்பார் கருதுவார் கேட்டிருப்பார்*

பொற் பாதம் என் தலை மேல் பூ*

அந்தாதி

செப்பென் மனிதருக்கு என் செஞ்சொல் தமிழ் மாலை

கைப்பேன் பிற தெய்வம் காண்பாரை எப்போதும்

காவளம் பாடித் திருமால் கால் தாமரை தொழுது

நா வளம் பாடித் திரிவேன் நான்

• எப்போதும் – நான் எக்காலத்திலும் 

• என் நெஞ் சொல் தமிழ் மாலை – இன்சொற்கள் நிறைந்த எனது தமிழ்ப் பாமாலையை

• மனிதருக்கு – மனிதரைப் பற்றி

• செப்பேன் – ஒரு போதும் பாட மாட்டேன்

• பிற தெய்வம் காண்பாரை – தேவதாந்தரங்களைத் தரிசிக்கின்ற அவைஷ்ணவரை

• கைப்பேன் – வெறுப்பேன்

• காவளம்பாடி திருமால் – திருக்காவளம்பாடி என்னும் திவ்ய ஸ்தலத்தில் எழுந்தருளி உள்ள திருமாலினது

• கால் தாமரை – திருவடித் தாமரைகளை

• தொழுது – வணங்கி

• நா – எனது நாவினால்

• வளம் பாடி – வளமாகக் கவி பாடிக் கொண்டு 

• திரிவேன் – யாதொரு கவலையுமின்றி இனிது காலம் கழிப்பேன்

||ஹரி ஓம்||

||ஸ்ரீ ஆழ்வார் திருவடிகளே சரணம்||

||ஸ்ரீ எம்பெருமானார் திருவடிகளே சரணம்||

||ஸ்ரீ ஜீயர் திருவடிகளே சரணம்||

||ஸ்ரீ அஸ்மத்  ஆசார்யன் திருவடிகளே சரணம்||

தொடரும்