108 திவ்ய தேசங்கள் - 018 - திருக்கண்ணங்குடி 2

||ஸ்ரீ:||

||ஸ்ரீமதே ராமாநுஜாய நம:||

||ஸ்ரீமத் வரவர முநயே நம:||

018. திருக்கண்ணங்குடி

க்ருஷ்ணாரண்ய க்ஷேத்ரம் - நாகப்பட்டினம்

பதினெட்டாவது திவ்ய க்ஷேத்ரம்

மயர்வற மதிநலம் அருளப் பெற்ற ஆழ்வார்கள் அருளிச் செய்த

தமிழ் வேதமாகிய நாலாயிர திவ்ய ப்ரபந்தத்தில்

இந்த திவ்ய தேசத்திற்கான பாசுரங்களின் விவரங்கள்

1 ஆழ்வார் - 10 பாசுரங்கள்

1. திருமங்கையாழ்வார் - 10 பாசுரங்கள் 

பெரிய திருமொழி (இரண்டாம் ஆயிரம்) 

• திவ்ய ப்ரபந்தம் - 1748 - 1757 - ஒண்பதாம் பத்து - முதலாம் திருமொழி 

--------------------

திவ்ய கவி பிள்ளை பெருமாள் ஐயங்கார்

இந்த திவ்ய தேசத்திற்காக இயற்றிய அந்தாதி

தனியன்

மண்ணில் அரங்கம் முதல் வைகுந்த நாடளவும்*

எண்ணு திருப்பதி நூற்று எட்டினையும் நண்ணியே*

கற்பார் துதிப்பார் கருதுவார் கேட்டிருப்பார்*

பொற் பாதம் என் தலை மேல் பூ*

அந்தாதி

கூறு புகழ்த் தன் அடிக்கே கூட்டுவனோ இன்னம் எனை*

வேறுபடு பல் பிறப்பில் வீழ்த்துவனோ தேறுகிலேன்*

எண்ணம் குடியாய் இருந்தான் நின்றான் கிடந்தான்*

கண்ணங்குடியான் கருத்து*

• எண்ணம் – எனது மனத்தை

• குடி ஆய் – தான் வாழும் இடமாகக் கொண்டு

• இருந்தான் நின்றான் கிடந்தான் – அந்நெஞ்சினில் வீற்றிருத்தலையும் நிற்றலையும் சயனித்தலையும் செய்பவனும்

• கண்ணங்குடியான் – திருக்கண்ணங்குடி என்னும் ஸ்தலத்தில் எழுந்தருளி இருப்பவனுமான எம்பெருமான் 

• என்னை – அடியேனை

• கூறு புகழ் தன் அடிக்கே கூட்டுவனோ – வேதங்களில் சிறப்பித்துக் கூறப்படுகின்ற கீர்த்தியை உடைய

• தனது திருவடிகளிலே சேர்த்துக் கொள்வனோ? அன்றி

• இன்னம் – இனி மேலும்

• வேறுபட – அவ்வாறு தன் திருவடிகளில் சேர்த்துக் கொள்ளுவதற்கு மாறாக

• பல் பிறப்பில் – பலவகைப் பிறப்புக்களிலும்

• வீழ்த்துவனோ – தள்ளி வருத்துவனோ?

• கருத்து – அவனது திரு உள்ளக் கருத்தை

• தேறுகிலேன் – இன்னதென்று அறியேன் யான்

||ஹரி ஓம்||

||ஸ்ரீ ஆழ்வார் திருவடிகளே சரணம்||

||ஸ்ரீ எம்பெருமானார் திருவடிகளே சரணம்||

||ஸ்ரீ ஜீயர் திருவடிகளே சரணம்||

||ஸ்ரீ அஸ்மத்  ஆசார்யன் திருவடிகளே சரணம்||

தொடரும்