108 திவ்ய தேசங்கள் - 024 - திருசிறுப்புலியூர் 2

||ஸ்ரீ:||

||ஸ்ரீமதே ராமாநுஜாய நம:||

||ஸ்ரீமத் வரவர முநயே நம:||

024. திருசிறுப்புலியூர் (திருவாரூர்)

இருபத்தி நான்காவது திவ்ய க்ஷேத்ரம்

மயர்வற மதிநலம் அருளப் பெற்ற ஆழ்வார்கள் அருளிச் செய்த

தமிழ் வேதமாகிய நாலாயிர திவ்ய ப்ரபந்தத்தில்

இந்த திவ்ய தேசத்திற்கான பாசுரங்களின் விவரங்கள்

1 ஆழ்வார் – 10 பாசுரங்கள்

1. திருமங்கையாழ்வார் - 10 பாசுரங்கள்

பெரிய திருமொழி (இரண்டாம் ஆயிரம்)

• திவ்ய ப்ரபந்தம் – 1628-1637 - ஏழாம் பத்து - ஒண்பதாம் திருமொழி 

--------------------

திவ்ய கவி பிள்ளை பெருமாள் ஐயங்கார்

இந்த திவ்ய தேசத்திற்காக இயற்றிய அந்தாதி

தனியன்

மண்ணில் அரங்கம் முதல் வைகுந்த நாடளவும்*

எண்ணு திருப்பதி நூற்று எட்டினையும் நண்ணியே*

கற்பார் துதிப்பார் கருதுவார் கேட்டிருப்பார்*

பொற் பாதம் என் தலை மேல் பூ*

அந்தாதி

ஆ மருவி மேய்த்த அரங்கர் எதிர் ஆர் நிற்பார்

தாம் மருவி வாணனைத் தோள் சாய்த்த நாள் சேமம்

உறு புலி ஊர் வன் தோல் உடையான் உடைந்தான்

சிறு புலியூர் எந்தை மேல் சென்று

• தாம் - திருவரங்க நாதர் தாம் 

• கிருஷ்ணாவதாரத்தில் வாணனை மருவி - பாணாசுரனைக் கிட்டி 

• தோள் சாய்த்த - போரில் அவனது ஆயிரந் தோள்களையும் அறுத்துத் தள்ளிய 

• நாள் - காலத்தில் 

• சேமம் உறு - அந்தப் பாணாசுரனுக்குக் காவலாக அமைந்தவனான 

• புலி ஊர் வல் தோல் உடையான் - புலியானது மேற்கொண்டுள்ள வலிய புலித் தோலை ஆடையாக உடைய சிவபெருமான்

• சிறுபுலியூர் எந்தைமேல் சென்று - சிறு புலியூர் என்னும் ஸ்ஸ்தலத்தில் எழுந்தருளி உள்ள எமது தந்தையாகிய அவ்வெம்பெருமானை எதிர்த்துச் சென்று,

• உடைந்தான் - தோற்றோடினான். ஆதலால் 

• ஆ மருவி மேய்த்த அரங்கர் எதிர் ஆர் நிற்பார் - கிருஷ்ணாவதாரத்தில் பசுக்களை விரும்பி மேய்த்த ஸ்ரீரங்கநாதருக்கு முன்பாக எவர் தாம் எதிர்த்து நிற்க வல்லவர்? எத்தேவராலும் எதிர்த்து நிற்றல் முடியாது

||ஹரி ஓம்||

||ஸ்ரீ ஆழ்வார் திருவடிகளே சரணம்||

||ஸ்ரீ எம்பெருமானார் திருவடிகளே சரணம்||

||ஸ்ரீ ஜீயர் திருவடிகளே சரணம்||

||ஸ்ரீ அஸ்மத்  ஆசார்யன் திருவடிகளே சரணம்||

தொடரும்