ஸ்ரீ:
ஸ்ரீமதே ராமாநுஜாய நம:
ஸ்ரீமத் வரவர முநயே நம:
ஆதி, தான்ய, தைரிய, கஜ, சந்தான, விஜய, வித்யா மற்றும் தன லட்சுமி ஆகிய எட்டு வடிவங்களின் அருளால் ஆயுள், ஆரோக்கியம், செல்வம் மற்றும் மன நிறைவு பெருகும். துன்பங்கள் நீங்குதல்: தரித்திரம், பயம் மற்றும் பாவங்கள் நீங்கி வீட்டில் என்றும் லட்சுமி கடாஷம் நிலைத்து இருக்கும்.
ப²லஸ்²ருதி
அஷ்டலக்ஷ்மீ நமஸ்துப்⁴யம்
வரதே³ காம ரூபிணி
விஷ்ணு வக்ஷ: ஸ்த²லா ரூடே⁴
ப⁴க்த மோக்ஷ ப்ரதா³யினி|
ஸ²ங்க³ சக்ர க³தா³ஹஸ்தே
விஸ்²வ ரூபிணி தே ஜய:
ஜக³ன் மாத்ரே ச மோஹின்யை
மங்கள³ம் ஸு²ப⁴ மங்கள³ம்|
- அஷ்டலக்ஷ்மீ - தனலட்சுமி, வித்யாலட்சுமி, தான்யலட்சுமி, வீரலட்சுமி, கஜலட்சுமி, சந்தானலட்சுமி, விஜயலட்சுமி, ஆதிலட்சுமி ஆகிய எட்டு வடிவங்களாக விளங்கும் லட்சுமி தேவியரே
- நமஸ்துப்⁴யம் - உங்களுக்கு என்னுடைய வணக்கங்கள்
- வரதே³ - வரங்களை அள்ளித் தருபவளே
- காம ரூபிணி - வேண்டிய வடிவங்களை எடுப்பவளே, அல்லது பக்தர்களின் நியாயமான ஆசைகளின் வடிவமாக இருப்பவளே
- விஷ்ணு - மகாவிஷ்ணுவின்
- வக்ஷஸ் ஸ்த²ல - மார்பகப் பகுதியில்
- ஆரூடே⁴ - வீற்றிருப்பவளே, அமர்ந்திருப்பவளே
- ப⁴க்த - பக்தர்களுக்கு
- மோக்ஷ - பிறவிப் பிணியில் இருந்து விடுதலையை, முக்தியை
- ப்ரதா³யினி - வழங்குபவளே
- ஸ²ங்க³ - சங்கு
- சக்ர - சக்கரம்
- க³தா³ - கதை ஆகிய ஆயுதங்களை
- ஹஸ்தே - கைகளில் ஏந்தியவளே
- விஸ்²வ ரூபிணி - உலகமே வடிவமாகத் திகழும் தேவியே
- தே - உனக்கு
- ஜயஹ - வெற்றி உண்டாகட்டும்
- ஜக³ன் - அகில உலகத்திற்கும்
- மாத்ரே - தாயாக விளங்குபவளே
- ச - மேலும்
- மோஹின்யை - எல்லோரையும் கவரும் பேரழகு உடையவளே
- மங்கள³ம் - நன்மைகள் உண்டாகட்டும்
- ஸு²ப⁴ மங்கள³ம் - மிகவும் மேன்மையான சுபங்கள் பெருகட்டும்
வேண்டிய வடிவங்களை எடுப்பவளும், பக்தர்களின் நியாயமான ஆசைகளை நிறைவேற்றி வரங்களை அள்ளித் தருபவளுமாகிய தனலட்சுமி, வித்யாலட்சுமி, தான்யலட்சுமி, வீரலட்சுமி, கஜலட்சுமி, சந்தானலட்சுமி, விஜயலட்சுமி, ஆதிலட்சுமி ஆகிய எட்டு வடிவங்களாக விளங்கும் லட்சுமி தேவியரே! உங்களுக்கு என்னுடைய மனமார்ந்த வணக்கங்கள். மகாவிஷ்ணுவின் மார்பகப் பகுதியில் எப்போதும் நீங்காமல் வீற்றிருப்பவளே, உன்னை உருகித் தொழும் பக்தர்களுக்கு இந்தப் பிறவிப் பிணியில் இருந்து விடுதலையையும், அழியாத முக்தியையும் வழங்குபவள் நீயே ஆவாய். உன்னுடைய கைகளில் சங்கு, சக்கரம், கதை ஆகிய ஆயுதங்களை ஏந்தி, அகில உலகமுமே தன் வடிவமாகக் கொண்டு விஸ்வரூபமாய் விளங்கும் தேவியே, உனக்கு எப்போதும் வெற்றி மட்டுமே உண்டாகட்டும். இந்த மொத்த உலகத்திற்கும் தாயாக விளங்குபவளும், எல்லோரையும் கவரும் பேரழகு உடையவளுமாகிய உனக்கு நன்மைகளும், எப்போதும் மேன்மையான மங்களங்களும் பெருகட்டும்.
||ஹரி ஓம்||
||ஸ்ரீ ஆழ்வார் திருவடிகளே சரணம்||
||ஸ்ரீ எம்பெருமானார் திருவடிகளே சரணம்||
||ஸ்ரீ ஜீயர் திருவடிகளே சரணம்||
||ஸ்ரீ அஸ்மத் ஆசார்யன் திருவடிகளே சரணம்||
தொடரும்