108 திவ்ய தேசங்கள் - 017 - திருக்கண்ணபுரம் 7

||ஸ்ரீ:||

||ஸ்ரீமதே ராமாநுஜாய நம:||

||ஸ்ரீமத் வரவர முநயே நம:||

||017. திருக்கண்ணபுரம்||

||க்ருஷ்ணாரண்ய க்ஷேத்ரம் – நாகப்பட்டினம்||

||பதினாறாவது திவ்ய க்ஷேத்ரம்||

இந்த திவ்ய தேசத்திற்கான பாசுரங்கள் - 129 - 5

திருமங்கையாழ்வார்

101. திவ்ய ப்ரபந்தம் - 1735 - பெரிய திருமொழி - 8.9.8

கற்றார் பற்று அறுக்கும்* பிறவிப் பெருங் கடலே*

பற்றா வந்து அடியேன்* பிறந்தேன் பிறந்த பின்னை*

வற்றா நீர் வயல் சூழ்* வயல் ஆலி அம்மானைப் பெற்றேன்* 

பெற்றதுவும்* பிறவாமை பெற்றேனே|

102. திவ்ய ப்ரபந்தம் - 1736 - பெரிய திருமொழி - 8.9.9

கண் ஆர் கண்ணபுரம்* கடிகை கடி கமழும்*

தண் ஆர் தாமரை சூழ்* தலைச்சங்கம் மேல்திசையுள்*

விண்ணோர் நாண்மதியை* விரிகின்ற வெம் சுடரை*

கண் ஆரக் கண்டுகொண்டு* களிக்கின்றது இங்கு என்று கொலோ?

103. திவ்ய ப்ரபந்தம் - 1737 - பெரிய திருமொழி - 8.9.10

செரு நீர வேல் வலவன்* கலிகன்றி மங்கையர்கோன்*

கரு நீர் முகில் வண்ணன்* கண்ணபுரத்தானை*

இரு நீர் இன் தமிழ்* இன் இசை மாலைகள் கொண்டு தொண்டீர்*

வரும் நீர் வையம் உய்ய* இவை பாடி ஆடுமினே|

104. திவ்ய ப்ரபந்தம் - 1738 - பெரிய திருமொழி - 8.10.1

வண்டு ஆர் பூ மா மலர் மங்கை* மண நோக்கம் உண்டானே! * 

உன்னை உகந்து உகந்து* உன் தனக்கே தொண்டு ஆனேற்கு* 

என் செய்கின்றாய்? சொல்லு * நால்வேதம் கண்டானே* 

கண்ணபுரத்து உறை அம்மானே|

105. திவ்ய ப்ரபந்தம் - 1739 - பெரிய திருமொழி - 8.10.2

பெரு நீரும் விண்ணும்* மலையும் உலகு ஏழும்*

ஒரு தாரா நின்னுள் ஒடுக்கிய* நின்னை அல்லால்*

வரு தேவர் மற்று உளர் என்று* என் மனத்து இறையும் கருதேன் நான் * 

கண்ணபுரத்து உறை அம்மானே|

106. திவ்ய ப்ரபந்தம் - 1740 - பெரிய திருமொழி - 8.10.3

மற்றும் ஓர் தெய்வம் உளது என்று* இருப்பாரோடு

உற்றிலேன்* உற்றதும்* உன் அடியார்க்கு அடிமை*

மற்று எல்லாம் பேசிலும்* நின் திரு எட்டு எழுத்தும் கற்று* 

நான் கண்ணபுரத்து உறை அம்மானே|

107. திவ்ய ப்ரபந்தம் - 1741 - பெரிய திருமொழி - 8.10.4

பெண் ஆனாள்* பேர் இளங் கொங்கையின் ஆர் அழல்போல்*

உண்ணா நஞ்சு உண்டு உகந்தாயை* உகந்தேன் நான் *

மண் ஆளா வாள் நெடுங் கண்ணி* மது மலராள் கண்ணாளா* 

கண்ணபுரத்து உறை அம்மானே|

108. திவ்ய ப்ரபந்தம் - 1742 - பெரிய திருமொழி - 8.10.5

பெற்றாரும் சுற்றமும்* என்று இவை பேணேன் நான்*

மற்று ஆரும் பற்று இலேன்* ஆதலால் நின் அடைந்தேன்*

உற்றான் என்று உள்ளத்து வைத்து* அருள் செய் கண்டாய் *

கற்றார் சேர்* கண்ணபுரத்து உறை அம்மானே|

109. திவ்ய ப்ரபந்தம் - 1743 - பெரிய திருமொழி - 8.10.6

ஏத்தி உன் சேவடி* எண்ணி இருப்பாரை*

பார்த்திருந்து அங்கு* நமன் தமர் பற்றாது*

சோத்தம் நாம் அஞ்சுதும் என்று* தொடாமை நீ காத்தி போல் * 

கண்ணபுரத்து உறை அம்மானே|

110. திவ்ய ப்ரபந்தம் - 1744 - பெரிய திருமொழி - 8.10.7

வெள்ளை நீர் வெள்ளத்து* அணைந்த அரவு அணை மேல்*

துள்ளு நீர் மெள்ளத்* துயின்ற பெருமானே*

வள்ளலே உன் தமர்க்கு என்றும்* நமன் தமர் கள்ளர் போல் * 

கண்ணபுரத்து உறை அம்மானே|

111. திவ்ய ப்ரபந்தம் - 1745 - பெரிய திருமொழி - 8.10.8

மாண் ஆகி* வையம் அளந்ததுவும் வாள் அவுணன்*

பூண் ஆகம் கீண்டதுவும்* ஈண்டு நினைந்து இருந்தேன்*

பேணாத வல்வினையேன்* இடர் எத்தனையும் காணேன் நான் * 

கண்ணபுரத்து உறை அம்மானே|

112. திவ்ய ப்ரபந்தம் - 1746 - பெரிய திருமொழி - 8.10.9

நாட்டினாய் என்னை* உனக்கு முன் தொண்டு ஆக*

மாட்டினேன் அத்தனையே கொண்டு* என் வல்வினையை*

பாட்டினால் உன்னை* என் நெஞ்சத்து இருந்தமை காட்டினாய் * 

கண்ணபுரத்து உறை அம்மானே|

113. திவ்ய ப்ரபந்தம் - 1747 - பெரிய திருமொழி - 8.10.10

கண்ட சீர்க்* கண்ணபுரத்து உறை அம்மானை*

கொண்ட சீர்த் தொண்டன்* கலியன் ஒலி மாலை*

பண்டமாய்ப் பாடும்* அடியவர்க்கு எஞ்ஞான்றும்*

அண்டம் போய் ஆட்சி* அவர்க்கு அது அறிந்தோமே|

114. திவ்ய ப்ரபந்தம் - 2067 - திருநெடுந்தாண்டகம் - 2.6 (16)

கன்று மேய்த்து இனிது உகந்த காளாய் என்றும்*

கடி பொழில் சூழ் கணபுரத்து என் கனியே என்றும்*

மன்று அமரக் கூத்து ஆடி மகிழ்ந்தாய் என்றும்*

வட திருவேங்கடம் மேய மைந்தா! என்றும்*

வென்று அசுரர் குலம் களைந்த வேந்தே! என்றும்

விரி பொழில் சூழ் திருநறையூர் நின்றாய்! என்றும்*

துன்று குழல் கரு நிறத்து என் துணையே! என்றும்*

துணை முலைமேல் துளி சோர சோர்கின்றாளே|

115. திவ்ய ப்ரபந்தம் - 2078 - திருநெடுந்தாண்டகம் - 3.7 (27)

செங் கால மட நாராய் இன்றே சென்று*

திருக்கண்ணபுரம் புக்கு என் செங் கண் மாலுக்கு*

என் காதல் என் துணைவர்க்கு உரைத்தியாகில்*

இது ஒப்பது எமக்கு இன்பம் இல்லை*

நாளும் பைங் கானம் ஈது எல்லாம் உனதே ஆகப்*

பழன மீன் கவர்ந்து உண்ணத் தருவன்* 

தந்தால் இங்கே வந்து இனிது இருந்து உன் பெடையும் நீயும்*

இரு நிலத்தில் இனிது இன்பம் எய்தலாமே|

116. திவ்ய ப்ரபந்தம் - 2707 - சிறிய திருமடல் - 4.4 (35)

கார் ஆர் மணி நிறக் கண்ணனூர் விண்ணகரம்*

சீர் ஆர் கணபுரம் சேறை திருவழுந்தூர்*

கார் ஆர் குடந்தை கடிகை கடல் மல்லை*

ஏர் ஆர் பொழில் சூழ் இடவெந்தை நீர்மலை*

சீர் ஆரும் மாலிருஞ்சோலை திருமோகூர்*

117. திவ்ய ப்ரபந்தம் - 2759 - பெரிய திருமடல் - 5.7 (47)

பேதையேன் கல் நவிலும் காட்டகத்து ஓர் வல்லிக் கடி மலரின்*

நல் நறு வாசம் மற்று ஆரானும் எய்தாமே*

மன்னும் வறு நிலத்து வாளாங்கு உகுத்தது போல்*

என்னுடைய பெண்மையும் என் நலனும் என் முலையும்*

மன்னும் மலர் மங்கை மைந்தன்* கணபுரத்துப்*

118. திவ்ய ப்ரபந்தம் – 2782 - பெரிய திருமடல் - 7.10 (70)

மன்னும் மறை நான்கும் ஆனானை* 

புல்லாணித் தென்னன் தமிழை வடமொழியை*

நாங்கூரில் மன்னு மணிமாடக் கோயில் மணாளனை*

நல் நீர்த் தலைச்சங்க நாள் மதியை* 

நான் வணங்கும் கண்ணனைக் கண்ணபுரத்தானை* 

தென் நறையூர் மன்னு மணிமாடக் கோயில் மணாளனை*

நம்மாழ்வார்

119. திவ்ய ப்ரபந்தம் - 3772 - திருவாய்மொழி - 9.10.1

மாலை நண்ணித்* தொழுது எழுமினோ வினை கெட* 

காலை மாலை* கமல மலர் இட்டு நீர்*

வேலை மோதும் மதிள் சூழ்* திருக் கண்ணபுரத்து*

ஆலின் மேல் ஆல் அமர்ந்தான்* அடி இணைகளே|

120. திவ்ய ப்ரபந்தம் - 3773 - திருவாய்மொழி - 9.10.2

கள் அவிழும் மலர் இட்டு* நீர் இறைஞ்சுமின்*

நள்ளி சேரும் வயல் சூழ்* கிடங்கின் புடை*

வெள்ளி ஏய்ந்த மதிள் சூழ்* திருக் கண்ணபுரம்*

உள்ளி நாளும் தொழுது எழுமினோ தொண்டரே|

121. திவ்ய ப்ரபந்தம் - 3774 - திருவாய்மொழி - 9.10.3

தொண்டர் நும் தம்* துயர் போக நீர் ஏகமாய்*

விண்டு வாடா மலர் இட்டு* நீர் இறைஞ்சுமின்*

வண்டு பாடும் பொழில் சூழ்* திருக்கண்ணபுரத்து* 

அண்ட வாணன்* அமரர் பெருமானையே|

122. திவ்ய ப்ரபந்தம் - 3775 - திருவாய்மொழி - 9.10.4

மானை நோக்கி* மடப் பின்னை தன் கேள்வனை*

தேனை வாடா மலர் இட்டு* நீர் இறைஞ்சுமின்*

வானை உந்தும் மதிள் சூழ்* திருக்கண்ணபுரம்*

தான் நயந்த பெருமான்* சரண் ஆகுமே|

123. திவ்ய ப்ரபந்தம் - 3776 - திருவாய்மொழி - 9.10.5

சரணம் ஆகும்* தன தாள் அடைந்தார்க்கு எல்லாம்*

மரணம் ஆனால்* வைகுந்தம் கொடுக்கும் பிரான்*

அரண் அமைந்த மதிள் சூழ்* திருக்கண்ணபுரத்து* 

தரணியாளன்* தனது அன்பர்க்கு அன்பு ஆகுமே|

124. திவ்ய ப்ரபந்தம் - 3777 - திருவாய்மொழி - 9.10.6

அன்பன் ஆகும்* தன தாள் அடைந்தார்க்கு எல்லாம்*

செம் பொன் ஆகத்து* அவுணன் உடல் கீண்டவன்*

நன் பொன் ஏய்ந்த மதிள் சூழ்* திருக்கண்ணபுரத்து 

அன்பன்* நாளும் தன மெய்யர்க்கு மெய்யனே|

125. திவ்ய ப்ரபந்தம் - 3778 - திருவாய்மொழி - 9.10.7

மெய்யன் ஆகும்* விரும்பித் தொழுவார்க்கு எல்லாம்*

பொய்யன் ஆகும்* புறமே தொழுவார்க்கு எல்லாம்*

செய்யில் வாளை உகளும்* திருக்கண்ணபுரத்து*

ஐயன்* ஆகத்து அணைப்பார்கட்கு அணியனே|

126. திவ்ய ப்ரபந்தம் - 3779 - திருவாய்மொழி - 9.10.8

அணியன் ஆகும்* தன தாள் அடைந்தார்க்கு எல்லாம்*

பிணியும் சாரா* பிறவி கெடுத்து ஆளும்*

மணி பொன் ஏய்ந்த மதிள் சூழ்* திருக்கண்ணரம்*

பணிமின்* நாளும் பரமேட்டி தன் பாதமே|

127. திவ்ய ப்ரபந்தம் - 3780 - திருவாய்மொழி - 9.10.9

பாதம் நாளும்* பணியத் தணியும் பிணி*

ஏதம் சாரா* எனக்கேல் இனி என்குறை?*

வேத நாவர் விரும்பும்* திருக்கண்ணபுரத்து*

ஆதியானை* அடைந்தார்க்கு அல்லல் இல்லையே|

128. திவ்ய ப்ரபந்தம் - 3781 - திருவாய்மொழி - 9.10.10

இல்லை அல்லல்* எனக்கேல் இனி என் குறை?*

அல்லி மாதர் அமரும்* திருமார்பினன்*

கல்லில் ஏய்ந்த மதிள் சூழ்* திருக்கண்ணபுரம்*

சொல்ல* நாளும் துயர் பாடு சாராவே|

129. திவ்ய ப்ரபந்தம் - 3782 - திருவாய்மொழி - 9.10.11

பாடு சாரா* வினை பற்று அற வேண்டுவீர்*

மாடம் நீடு* குருகூர்ச் சடகோபன்* சொல்

பாடலான தமிழ்* ஆயிரத்துள் இப்பத்தும்*

பாடி ஆடி* பணிமின் அவன் தாள்களே|

||ஹரி ஓம்||

||ஸ்ரீ ஆழ்வார் திருவடிகளே சரணம்||

||ஸ்ரீ எம்பெருமானார் திருவடிகளே சரணம்||

||ஸ்ரீ ஜீயர் திருவடிகளே சரணம்||

||ஸ்ரீ அஸ்மத்  ஆசார்யன் திருவடிகளே சரணம்||

தொடரும் 

108 திவ்ய தேசங்கள் - 017 - திருக்கண்ணபுரம் 6

||ஸ்ரீ:||

||ஸ்ரீமதே ராமாநுஜாய நம:||

||ஸ்ரீமத் வரவர முநயே நம:||

||017. திருக்கண்ணபுரம்||

||க்ருஷ்ணாரண்ய க்ஷேத்ரம் – நாகப்பட்டினம்||

||பதினாறாவது திவ்ய க்ஷேத்ரம்||

இந்த திவ்ய தேசத்திற்கான பாசுரங்கள் - 129 - 4

திருமங்கையாழ்வார்

076. திவ்ய ப்ரபந்தம் - 1710 - பெரிய திருமொழி - 8.7.3

புயல் உறு வரை மழை* பொழிதர மணி நிரை*

மயல் உற வரை குடை* எடுவிய நெடியவர்*

முயல் துளர் மிளை முயல் துள* வள விளை வயல்*

கயல் துளு கணபுரம்* அடிகள் தம் இடமே|

077. திவ்ய ப்ரபந்தம் - 1711 - பெரிய திருமொழி - 8.7.4

ஏதலர் நகை செய* இளையவர் அளை வெணெய்*

போது செய்து அமரிய* புனிதர் நல் விரை* 

மலர் கோதிய மதுகரம்* குலவிய மலர் மகள்*

காதல் செய் கணபுரம்* அடிகள் தம் இடமே|

078. திவ்ய ப்ரபந்தம் - 1712 - பெரிய திருமொழி - 8.7.5

தொண்டரும் அமரரும்* முனிவரும் தொழுது எழ*

அண்டமொடு அகல் இடம்* அளந்தவர் அமர் செய்து*

விண்டவர் பட* மதிள் இலங்கை முன் எரி எழ*

கண்டவர் கணபுரம்* அடிகள் தம் இடமே|

079. திவ்ய ப்ரபந்தம் - 1713 - பெரிய திருமொழி - 8.7.6

மழுவு இயல் படை* உடையவன் இடம் மழை முகில்*

தழுவிய உருவினர்* திருமகள் மருவிய*

கொழுவிய செழு மலர்* முழுசிய பறவை பண்*

எழுவிய கணபுரம்* அடிகள் தம் இடமே|

080. திவ்ய ப்ரபந்தம் - 1714 - பெரிய திருமொழி - 8.7.7

பரிதியொடு அணி மதி* பனி வரை திசை நிலம்*

எரி தியொடு என இன* இயல்வினர் செலவினர்*

சுருதியொடு அரு மறை* முறை சொலும் அடியவர்*

கருதிய கணபுரம்* அடிகள் தம் இடமே|

081. திவ்ய ப்ரபந்தம் - 1715 - பெரிய திருமொழி - 8.7.8

படி புல்கும் அடி இணை* பலர் தொழ மலர் வைகு*

கொடி புல்கு தட வரை* அகலம் அது உடையவர்*

முடி புல்கு நெடு வயல்* படை செல அடி மலர்*

கடி புல்கு கணபுரம்* அடிகள் தம் இடமே|

082. திவ்ய ப்ரபந்தம் - 1716 - பெரிய திருமொழி - 8.7.9

புல மனும் மலர்மிசை* மலர் மகள் புணரிய*

நிலமகள் என இன* மகளிர்கள் இவரொடும்*

வல மனு படையுடை* மணி வணர் நிதி குவை*

கல மனு கணபுரம்* அடிகள் தம் இடமே|

083. திவ்ய ப்ரபந்தம் - 1717 - பெரிய திருமொழி - 8.7.10

மலி புகழ் கணபுரம் உடைய* எம் அடிகளை*

வலி கெழு மதிள் அயல்* வயல் அணி மங்கையர்*

கலியன தமிழ் இவை* விழுமிய இசையினொடு*

ஒலி சொலும் அடியவர்* உறு துயர் இலரே|

084. திவ்ய ப்ரபந்தம் - 1718 - பெரிய திருமொழி - 8.8.1

வானோர் அளவும் முது முந்நீர்* வளர்ந்த காலம்* 

வலி உருவின் மீன் ஆய் வந்து வியந்து உய்யக் கொண்ட* 

தண் தாமரைக் கண்ணன்*

ஆனா உருவில் ஆன் ஆயன் * அவனை அம்மா விளை வயலுள்*

கான் ஆர் புறவில் கண்ணபுரத்து * அடியேன் கண்டு கொண்டேனே|

085. திவ்ய ப்ரபந்தம் - 1719 - பெரிய திருமொழி - 8.8.2

மலங்கு விலங்கு நெடு வெள்ளம் மறுக* அங்கு ஓர் வரை நட்டு*

இலங்கு சோதி ஆர் அமுதம்* எய்தும் அளவு ஓர் ஆமை ஆய்*

விலங்கல் திரியத் தடங் கடலுள்* சுமந்து கிடந்த வித்தகனை *

கலங்கல் முந்நீர்க் கண்ணபுரத்து * அடியேன் கண்டு கொண்டேனே|

086. திவ்ய ப்ரபந்தம் - 1720 - பெரிய திருமொழி - 8.8.3

பார் ஆர் அளவும் முது முந்நீர்* பரந்த காலம்* 

வளை மருப்பின் ஏர் ஆர் உருவத்து ஏனம் ஆய்* 

எடுத்த ஆற்றல் அம்மானை*

கூர் ஆர் ஆரல் இரை கருதிக்* குருகு பாயக் கயல் இரியும்*

கார் ஆர் புறவில் கண்ணபுரத்து* அடியேன் கண்டு கொண்டேனே|

087. திவ்ய ப்ரபந்தம் - 1721 - பெரிய திருமொழி - 8.8.4

உளைந்த அரியும் மானிடமும்* உடனாய்த் தோன்ற ஒன்றுவித்து*

விளைந்த சீற்றம் விண் வெதும்ப* வேற்றோன் அகலம் வெம் சமத்து*

பிளந்து வளைந்த உகிரானைப் * பெருந் தண் செந்நெல் குலை தடிந்து*

களம் செய் புறவில் கண்ணபுரத்து * அடியேன் கண்டு கொண்டேனே|

088. திவ்ய ப்ரபந்தம் - 1722 - பெரிய திருமொழி - 8.8.5

தொழும் நீர் வடிவின் குறள் உருவு ஆய்* வந்து தோன்றி மாவலிபால்*

முழுநீர் வையம் முன் கொண்ட* மூவா உருவின் அம்மானை *

உழு நீர் வயலுள் பொன் கிளைப்ப* ஒருபால் முல்லை முகையோடும்*

கழுநீர் மலரும் கண்ணபுரத்து * அடியேன் கண்டு கொண்டேனே|

089. திவ்ய ப்ரபந்தம் - 1723 - பெரிய திருமொழி - 8.8.6

வடிவாய் மழுவே படை ஆக* வந்து தோன்றி மூவெழுகால்*

படி ஆர் அரசு களைகட்ட* பாழியானை அம்மானை *

குடியா வண்டு கொண்டு உண்ணக்* கோல நீலம் மட்டு உகுக்கும்*

கடி ஆர் புறவின் கண்ணபுரத்து * அடியேன் கண்டு கொண்டேனே|

090. திவ்ய ப்ரபந்தம் - 1724 - பெரிய திருமொழி - 8.8.7

வையம் எல்லாம் உடன் வணங்க* வணங்கா மன்னனாய்த் தோன்றி*

வெய்ய சீற்றக் கடி இலங்கை* குடிகொண்டு ஓட வெம் சமத்து*

செய்த வெம்போர் நம்பரனைச் * செழுந் தண் கானல் மணம் நாறும்*

கைதை வேலிக் கண்ணபுரத்து * அடியேன் கண்டு கொண்டேனே|

091. திவ்ய ப்ரபந்தம் - 1725 - பெரிய திருமொழி - 8.8.8

ஒற்றைக் குழையும் நாஞ்சிலும்* ஒருபால் தோன்றத் தான் தோன்றி*

வெற்றித் தொழிலார் வேல் வேந்தர்* விண்பால் செல்ல வெம் சமத்து*

செற்ற கொற்றத் தொழிலானைச் * செந்தீ மூன்றும் இல் இருப்ப*

கற்ற மறையோர் கண்ணபுரத்து * அடியேன் கண்டு கொண்டேனே|

092. திவ்ய ப்ரபந்தம் - 1726 - பெரிய திருமொழி - 8.8.9

துவரிக் கனிவாய் நில மங்கை* துயர் தீர்ந்து உய்ய பாரதத்துள்*

இவரித்து அரசர் தடுமாற* இருள் நாள் பிறந்த அம்மானை *

உவரி ஓதம் முத்து உந்த* ஒருபால் ஒருபால் ஒண் செந்நெல்*

கவரி வீசும் கண்ணபுரத்து * அடியேன் கண்டு கொண்டேனே|

093. திவ்ய ப்ரபந்தம் - 1727 - பெரிய திருமொழி - 8.8.10

மீனோடு ஆமை கேழல் அரி குறள் ஆய்* முன்னும் இராமன் ஆய்த்தான் ஆய்* 

பின்னும் இராமன் ஆய்த் தாமோதரன் ஆய்க்* கற்கியும் ஆனான் தன்னை* 

கண்ணபுரத்து அடியேன்* கலியன் ஒலிசெய்த*

தேன் ஆர் இன் சொல் தமிழ் மாலை* செப்ப பாவம் நில்லாவே|

094. திவ்ய ப்ரபந்தம் - 1728 - பெரிய திருமொழி - 8.9.1

கைம் மான மத யானை* இடர் தீர்த்த கரு முகிலை*

மைம் மான மணியை* அணி கொள் மரதகத்தை*

எம்மானை எம் பிரானை ஈசனை* என் மனத்துள் அம்மானை* 

அடியேன் அடைந்து உய்ந்துபோனேனே|

095. திவ்ய ப்ரபந்தம் - 1729 - பெரிய திருமொழி - 8.9.2

தரு மான மழை முகிலைப்* பிரியாது தன் அடைந்தார்*

வரும் மானம் தவிர்க்கும்* மணியை அணி உருவில்*

திருமாலை அம்மானை* அமுதத்தைக் கடல் கிடந்த பெருமானை* 

அடியேன் அடைந்து உய்ந்து பிழைத்தேனே|

096. திவ்ய ப்ரபந்தம் - 1730 - பெரிய திருமொழி - 8.9.3

விடை ஏழ் அன்று அடர்த்து* வெகுண்டு விலங்கல் உற*

படையால் ஆழி தட்ட* பரமன் பரஞ்சோதி*

மடை ஆர் நீலம் மல்கும் வயல் சூழ்* 

கண்ணபுரம் ஒன்று உடையானுக்கு* அடியேன் ஒருவர்க்கு உரியேனோ?

097. திவ்ய ப்ரபந்தம் - 1731 - பெரிய திருமொழி - 8.9.4

மிக்கானை* மறை ஆய் விரிந்த விளக்கை* 

என்னுள் புக்கானைப்* புகழ் சேர் பொலிகின்ற பொன்மலையை*

தக்கானைக் கடிகைத்* தடங் குன்றின்மிசை இருந்த*

அக்காரக் கனியை* அடைந்து உய்ந்து போனேனே|

098. திவ்ய ப்ரபந்தம் - 1732 - பெரிய திருமொழி - 8.9.5

வந்தாய் என் மனத்தே* வந்து நீ புகுந்த பின்னை*

எந்தாய் போய் அறியாய்* இதுவே அமையாதோ?*

கொந்து ஆர் பைம் பொழில் சூழ்* குடந்தைக் கிடந்து உகந்த மைந்தா* 

உன்னை என்றும்* மறவாமைப் பெற்றேனே|

099. திவ்ய ப்ரபந்தம் - 1733 - பெரிய திருமொழி - 8.9.6

எஞ்சா வெம் நரகத்து* அழுந்தி நடுங்குகின்றேற்கு*

அஞ்சேல் என்று அடியேனை* ஆட்கொள்ள வல்லானை*

நெஞ்சே நீ நினையாது* இறைப்பொழுதும் இருத்திகண்டாய்*

மஞ்சு ஆர் மாளிகை சூழ்* வயல் ஆலி மைந்தனையே|

100. திவ்ய ப்ரபந்தம் - 1734 - பெரிய திருமொழி - 8.9.7

பெற்றார் பெற்று ஒழிந்தார்* பின்னும் நின்று அடியேனுக்கு*

உற்றான் ஆய் வளர்த்து* என் உயிர் ஆகி நின்றானை*

முற்றா மா மதி கோள் விடுத்தானை* எம்மானை*

எத்தால் யான் மறக்கேன்?* இது சொல் என் ஏழை நெஞ்சே|

||ஹரி ஓம்||

||ஸ்ரீ ஆழ்வார் திருவடிகளே சரணம்||

||ஸ்ரீ எம்பெருமானார் திருவடிகளே சரணம்||

||ஸ்ரீ ஜீயர் திருவடிகளே சரணம்||

||ஸ்ரீ அஸ்மத்  ஆசார்யன் திருவடிகளே சரணம்||

தொடரும் 

108 திவ்ய தேசங்கள் - 017 - திருக்கண்ணபுரம் 5

||ஸ்ரீ:||

||ஸ்ரீமதே ராமாநுஜாய நம:||

||ஸ்ரீமத் வரவர முநயே நம:||

||017. திருக்கண்ணபுரம்||

||க்ருஷ்ணாரண்ய க்ஷேத்ரம் – நாகப்பட்டினம்||

||பதினாறாவது திவ்ய க்ஷேத்ரம்||

இந்த திவ்ய தேசத்திற்கான பாசுரங்கள் - 129 - 3

திருமங்கையாழ்வார்

051. திவ்ய ப்ரபந்தம் - 1685 - பெரிய திருமொழி - 8.4.8

நீல மலர்கள்* நெடு நீர் வயல் மருங்கில்*

சால மலர் எல்லாம்* ஊதாதே* வாள் அரக்கர் காலன்* 

கண்ணபுரத்து எம் பெருமான் கதிர் முடிமேல்*

கோல நறுந் துழாய்* கொண்டு ஊதாய் கோல் தும்பீ|

052. திவ்ய ப்ரபந்தம் - 1686 - பெரிய திருமொழி - 8.4.9

நந்தன் மதலை* நில மங்கை நல் துணைவன்*

அந்தம் முதல்வன்* அமரர்கள் தம் பெருமான்*

கந்தம் கமழ்* காயா வண்ணன் கதிர் முடிமேல்*

கொந்து நறுந் துழாய்* கொண்டு ஊதாய் கோல் தும்பீ|

053. திவ்ய ப்ரபந்தம் - 1687 - பெரிய திருமொழி - 8.4.10

வண்டு அமரும் சோலை* வயல் ஆலி நல் நாடன்*

கண்ட சீர் வென்றிக்* கலியன் ஒலி மாலை*

கொண்டல் நிற வண்ணன்* கண்ணபுரத்தானை*

தொண்டரோம் பாட* நினைந்து ஊதாய் கோல் தும்பீ|

054. திவ்ய ப்ரபந்தம் - 1688 - பெரிய திருமொழி - 8.5.1

தந்தை காலில் விலங்கு அற*  வந்து தோன்றிய தோன்றல் பின்* 

தமியேன் தன் சிந்தை போயிற்றுத்* 

திருவருள் அவனிடைப் பெறும் அளவு இருந்தேனை*

அந்திகாவலன் அமுது உறு பசுங் கதிர்* அவை சுட அதனோடும்*

மந்தமாருதம் வன முலை தடவந்து* வலிசெய்வது ஒழியாதே|

055. திவ்ய ப்ரபந்தம் - 1689 - பெரிய திருமொழி - 8.5.2

மாரி மாக் கடல் வளைவணற்கு இளையவன்* வரை புரை திருமார்வில்*

தாரின் ஆசையில் போயின நெஞ்சமும்* தாழ்ந்தது ஓர் துணை காணேன்*

ஊரும் துஞ்சிற்று உலகமும் துயின்றது* ஒளியவன் விசும்பு இயங்கும்*

தேரும் போயிற்று திசைகளும் மறைந்தன* செய்வது ஒன்று அறியேனே|

056. திவ்ய ப்ரபந்தம் - 1690 - பெரிய திருமொழி - 8.5.3

ஆயன் மாயமே அன்றி மற்று என் கையில்* வளைகளும் இறை நில்லா*

பேயின் ஆர் உயிர் உண்டிடும் பிள்ளை* நம் பெண் உயிர்க்கு இரங்குமோ?*

தூய மா மதிக் கதிர் சுட துணை இல்லை* இணை முலை வேகின்றதால்*

ஆயன் வேயினுக்கு அழிகின்றது உள்ளமும்* அஞ்சேல் என்பார் இலையே|

057. திவ்ய ப்ரபந்தம் - 1691 - பெரிய திருமொழி - 8.5.4

கயம் கொள் புண் தலைக் களிறு உந்து வெம்திறல்* 

கழல் மன்னர் பெரும் போரில்*

மயங்க வெண் சங்கம் வாய் வைத்த மைந்தனும்* 

வந்திலன் மறி கடல் நீர்*

தயங்கு வெண் திரைத் திவலை நுண் பனி எனும்* 

தழல் முகந்து இள முலைமேல்*

இயங்கும் மாருதம் விலங்கில் என் ஆவியை* எனக்கு எனப் பெறலாமே|

058. திவ்ய ப்ரபந்தம் - 1692 - பெரிய திருமொழி - 8.5.5

ஏழு மா மரம் துளைபடச் சிலை வளைத்து*

இலங்கையை மலங்குவித்த ஆழியான்* 

நமக்கு அருளிய அருளொடும்* பகல் எல்லை கழிகின்றதால்*

தோழி நாம் இதற்கு என் செய்தும்? துணை இல்லை* சுடர் படு முதுநீரில்*

ஆழ ஆழ்கின்ற ஆவியை அடுவது ஓர்* அந்தி வந்து அடைகின்றதே|

059. திவ்ய ப்ரபந்தம் - 1693 - பெரிய திருமொழி - 8.5.6

முரியும் வெண் திரை முது கயம் தீப்பட* முழங்கு அழல் எரி அம்பின்*

வரி கொள் வெம் சிலை வளைவித்த மைந்தனும்* வந்திலன் என் செய்கேன்?*

எரியும் வெம் கதிர் துயின்றது* பாவியேன் இணை நெடுங் கண் துயிலா*

கரிய நாழிகை ஊழியின் பெரியன* கழியும் ஆறு அறியேனே|

060. திவ்ய ப்ரபந்தம் - 1694 - பெரிய திருமொழி - 8.5.7

கலங்க மாக் கடல் கடைந்து அடைத்து* 

இலங்கையர் கோனது வரை ஆகம் மலங்க* 

வெம் சமத்து அடு சரம் துரந்த* எம் அடிகளும் வாரானால்*

இலங்கு வெம் கதிர் இள மதி அதனொடும்* விடை மணி அடும்* 

ஆயன் விலங்கல் வேயினது ஓசையும் ஆய்* இனி விளைவது ஒன்று அறியேனே|

061. திவ்ய ப்ரபந்தம் - 1695 - பெரிய திருமொழி - 8.5.8

முழுது இவ் வையகம் முறை கெட மறைதலும்* முனிவனும் முனிவு எய்தி*

மழுவினால் மன்னர் ஆர் உயிர் வவ்விய* மைந்தனும் வாரானால்*

ஒழுகு நுண் பனிக்கு ஒடுங்கிய பேடையை* அடங்க அம் சிறை கோலி*

தழுவும் நள் இருள் தனிமையின் கடியது ஓர்* கொடு வினை அறியேனே|

062. திவ்ய ப்ரபந்தம் - 1696 - பெரிய திருமொழி - 8.5.9

கனம் செய் மா மதிள் கணபுரத்தவனொடும்* கனவினில் அவன் தந்த*

மனம் செய் இன்பம் வந்து உள் புக வெள்கி* என் வளை நெக இருந்தேனை*

சினம் செய் மால் விடைச் சிறு மணி ஓசை* என் சிந்தையைச் சிந்துவிக்கும்*

அனந்தல் அன்றிலின் அரி குரல்* பாவியேன் ஆவியை அடுகின்றதே|

063. திவ்ய ப்ரபந்தம் - 1697 - பெரிய திருமொழி - 8.5.10

வார் கொள் மென் முலை மடந்தையர்* தடங்கடல் வண்ணனைத் தாள் நயந்து*

ஆர்வத்தால் அவர் புலம்பிய புலம்பலை* அறிந்து முன் உரை செய்த*

கார் கொள் பைம் பொழில் மங்கையர் காவலன்* கலிகன்றி யொலி வல்லார்*

ஏர்கொள் வைகுந்த மாநகர் புக்கு* இமையரோடும் கூடுவரே|

064. திவ்ய ப்ரபந்தம் - 1698 - பெரிய திருமொழி - 8.6.1

தொண்டீர் உய்யும் வகை கண்டேன்* துளங்கா அரக்கர் துளங்க* 

முன் திண் தோள் நிமிரச் சிலை வளையச்* சிறிதே முனிந்த திருமார்வன்*

வண்டு ஆர் கூந்தல் மலர் மங்கை* வடிக் கண் மடந்தை மா நோக்கம் கண்டான்*

கண்டுகொண்டு உகந்த* கண்ணபுரம் நாம் தொழுதுமே|

065. திவ்ய ப்ரபந்தம் - 1699 - பெரிய திருமொழி - 8.6.2

பொருந்தா அரக்கர் வெம் சமத்துப்* பொன்ற அன்று புள் ஊர்ந்து*

பெருந் தோள் மாலி தலை புரளப்* பேர்ந்த அரக்கர் தென் இலங்கை*

இருந்தார் தம்மை உடன்கொண்டு* அங்கு எழில் ஆர் பிலத்துப் புக்கு ஒளிப்ப*

கருந் தாள் சிலை கைக்கொண்டான் ஊர்* கண்ணபுரம் நாம் தொழுதுமே|

066. திவ்ய ப்ரபந்தம் - 1700 - பெரிய திருமொழி - 8.6.3

வல்லி இடையாள் பொருட்டாக* மதிள் நீர் இலங்கையார் கோவை*

அல்லல் செய்து வெம் சமத்துள்* ஆற்றல் மிகுத்த ஆற்றலான்*

வல் ஆள் அரக்கர் குலப்பாவை வாட* முனி தன் வேள்வியை*

கல்விச் சிலையால் காத்தான் ஊர்* கண்ணபுரம் நாம் தொழுதுமே|

067. திவ்ய ப்ரபந்தம் - 1701 - பெரிய திருமொழி - 8.6.4

மல்லை முந்நீர் அதர்பட* வரி வெம் சிலை கால் வளைவித்து*

கொல்லை விலங்கு பணிசெய்ய* கொடியோன் இலங்கை புகல் உற்று*

தொல்லை மரங்கள் புகப் பெய்து* துவலை நிமிர்ந்து வான் அணவ*

கல்லால் கடலை அடைத்தான் ஊர்* ண்ணபுரம் நாம் தொழுதுமே|

068. திவ்ய ப்ரபந்தம் - 1702 - பெரிய திருமொழி - 8.6.5

ஆமை ஆகி அரி ஆகி* அன்னம் ஆகி* 

அந்தணர் தம் ஓமம் ஆகி ஊழி ஆகி* உவரி சூழ்ந்த நெடும் புணரி* 

முன் சேம மதிள் சூழ் இலங்கைக் கோன்* சிரமும் கரமும் துணித்து* 

காமன் பயந்தான் கருதும் ஊர்* கண்ணபுரம் நாம் தொழுதுமே|

069. திவ்ய ப்ரபந்தம் - 1703 - பெரிய திருமொழி - 8.6.6

வருந்தாது இரு நீ மட நெஞ்சே* நம் மேல் வினைகள் வாரா* 

முன் திருந்தா அரக்கர் தென் இலங்கை* செந் தீ உண்ண சிவந்து ஒரு நாள்*

முன் பெருந் தோள் வாணற்கு அருள் புரிந்து* பின்னை மணாளன் ஆகி* 

கருந் தாள் களிறு ஒன்று ஒசித்தான் ஊர்* கண்ணபுரம் நாம் தொழுதுமே|

070. திவ்ய ப்ரபந்தம் - 1704 - பெரிய திருமொழி - 8.6.7

இலை ஆர் மலர்ப் பூம் பொய்கைவாய்* முதலை தன்னால் அடர்ப்புண்டு*

கொலை ஆர் வேழம் நடுக்கு உற்றுக் குலைய* அதனுக்கு அருள் புரிந்தான்*

அலை நீர் இலங்கைத் தசக்கிரீவற்கு* இளையோற்கு அரசை அருளி* 

முன் கலை மாச் சிலையால் எய்தான் ஊர்* கண்ணபுரம் நாம் தொழுதுமே|

071. திவ்ய ப்ரபந்தம் - 1705 - பெரிய திருமொழி - 8.6.8

மால் ஆய் மனமே அருந் துயரில்* வருந்தாது இரு நீ வலி மிக்க*

கால் ஆர் மருதும் காய் சினத்த கழுதும்* கத மாக் கழுதையும்*

மால் ஆர் விடையும் மத கரியும்* மல்லர் உயிரும் மடிவித்து*

காலால் சகடம் பாய்ந்தான் ஊர்* கண்ணபுரம் நாம் தொழுதுமே|

072. திவ்ய ப்ரபந்தம் - 1706 - பெரிய திருமொழி - 8.6.9

குன்றால் மாரி பழுது ஆக்கி* கொடி ஏர் இடையாள் பொருட்டாக*

வன் தாள் விடை ஏழ் அன்று அடர்த்த* வானோர் பெருமான் மா மாயன்*

சென்றான் தூது பஞ்சவர்க்கு ஆய்த்* திரி கால் சகடம் சினம் அழித்து*

கன்றால் விளங்காய் எறிந்தான் ஊர்* கண்ணபுரம் நாம் தொழுதுமே|

073. திவ்ய ப்ரபந்தம் - 1707 - பெரிய திருமொழி - 8.6.10

கரு மா முகில் தோய் நெடு மாடக்* கண்ணபுரத்து எம் அடிகளை*

திரு மா மகளால் அருள்மாரி* செழுநீர் ஆலி வள நாடன்*

மருவு ஆர் புயல் கைக் கலிகன்றி* மங்கை வேந்தன் ஒலி வல்லார்*

இரு மா நிலத்துக்கு அரசு ஆகி* இமையோர் இறைஞ்ச வாழ்வாரே|

074. திவ்ய ப்ரபந்தம் - 1708 - பெரிய திருமொழி - 8.7.1

வியம் உடை விடை இனம்* உடைதர மட மகள்*

குயம் மிடை தட வரை* அகலம் அது உடையவர் *

நயம் உடை நடை அனம்* இளையவர் நடை பயில்*

கயம் மிடை கணபுரம் * அடிகள் தம் இடமே|

075. திவ்ய ப்ரபந்தம் - 1709 - பெரிய திருமொழி - 8.7.2

இணை மலி மருதினொடு* எருதிற இகல் செய்து*

துணை மலி முலையவள்* மணம் மிகு கலவியுள் *

மணம் மலி விழவினொடு* அடியவர் அளவிய*

கணம் மலி கணபுரம் * அடிகள் தம் இடமே|

||ஹரி ஓம்||

||ஸ்ரீ ஆழ்வார் திருவடிகளே சரணம்||

||ஸ்ரீ எம்பெருமானார் திருவடிகளே சரணம்||

||ஸ்ரீ ஜீயர் திருவடிகளே சரணம்||

||ஸ்ரீ அஸ்மத்  ஆசார்யன் திருவடிகளே சரணம்||

தொடரும் 

108 திவ்ய தேசங்கள் - 017 - திருக்கண்ணபுரம் 4

||ஸ்ரீ:||

||ஸ்ரீமதே ராமாநுஜாய நம:||

||ஸ்ரீமத் வரவர முநயே நம:||

||017. திருக்கண்ணபுரம்||

||க்ருஷ்ணாரண்ய க்ஷேத்ரம் – நாகப்பட்டினம்||

||பதினாறாவது திவ்ய க்ஷேத்ரம்||

இந்த திவ்ய தேசத்திற்கான பாசுரங்கள் - 129 - 2

திருமங்கையாழ்வார்

026. திவ்ய ப்ரபந்தம் - 1660 - பெரிய திருமொழி - 8.2.3

அருவி சோர் வேங்கடம்* நீர்மலை என்று வாய் வெருவினாள்* 

மெய்யம் வினவி இருக்கின்றாள்* பெருகு சீர்க்* 

கண்ணபுரம் என்று பேசினாள் உருகினாள்* 

உள்மெலிந்தாள் இது என்கொலோ?

027. திவ்ய ப்ரபந்தம் - 1661 - பெரிய திருமொழி - 8.2.4

உண்ணும் நாள் இல்லை* உறக்கமும் தான் இல்லை*

பெண்மையும் சால* நிறைந்திலள் பேதை தான்*

கண்ணன் ஊர் கண்ணபுரம்* தொழும் கார்க் கடல் வண்ணர் மேல்* 

எண்ணம் இவட்கு இது என்கொலோ?

028. திவ்ய ப்ரபந்தம் - 1662 - பெரிய திருமொழி - 8.2.5

கண்ணன் ஊர்* கண்ணபுரம் தொழும் காரிகை*

பெண்மை என்? தன்னுடை* உண்மை உரைக்கின்றாள்*

வெண்ணெய் உண்டு ஆப்புண்ட* வண்ணம் விளம்பினால்*

வண்ணமும்* பொன் நிறம் ஆவது ஒழியுமே|

029. திவ்ய ப்ரபந்தம் - 1663 - பெரிய திருமொழி - 8.2.6

வட வரை நின்றும் வந்து* இன்று கணபுரம் இடவகை கொள்வது* 

யாம் என்று பேசினாள்* மடவரல் மாதர் என் பேதை* 

இவர்க்கு இவள் கடவது என்* 

கண் துயில் இன்று இவர் கொள்ளவே?

030. திவ்ய ப்ரபந்தம் - 1664 - பெரிய திருமொழி - 8.2.7

தரங்க நீர் பேசினும்* தண் மதி காயினும்*

இரங்குமோ?* எத்தனை நாள் இருந்து எள்கினாள்*

துரங்கம் வாய் கீண்டு உகந்தான்* அது தொன்மை* 

ஊர் அரங்கமே என்பது* இவள் தனக்கு ஆசையே|

031. திவ்ய ப்ரபந்தம் - 1665 - பெரிய திருமொழி - 8.2.8

தொண்டு எல்லாம் நின் அடியே* தொழுது உய்யுமா கண்டு* 

தான் கண்ணபுரம்* தொழப் போயினாள்*

வண்டு உலாம் கோதை என் பேதை* 

மணி நிறம் கொண்டு தான்* கோயின்மை செய்வது தக்கதே?

032. திவ்ய ப்ரபந்தம் - 1666 - பெரிய திருமொழி - 8.2.9

முள் எயிறு ஏய்ந்தில* கூழை முடிகொடா*

தெள்ளியள் என்பது ஓர்* தேசு இலள் என் செய்கேன்*

கள் அவிழ் சோலைக்* கணபுரம் கை தொழும் பிள்ளையை* 

பிள்ளை என்று எண்ணப் பெறுவரே?

033. திவ்ய ப்ரபந்தம் - 1667 - பெரிய திருமொழி - 8.2.10

கார் மலி* கண்ணபுரத்து எம் அடிகளை*

பார் மலி மங்கையர் கோன்* பரகாலன் சொல்*

சீர் மலி பாடல்* இவை பத்தும் வல்லவர்*

நீர் மலி வையத்து* நீடு நிற்பார்களே|

034. திவ்ய ப்ரபந்தம் - 1668 - பெரிய திருமொழி - 8.3.1

கரை எடுத்த சுரி சங்கும்* கன பவளத்து எழு கொடியும்*

திரை எடுத்து வரு புனல் சூழ்* திருக்கண்ணபுரத்து உறையும்*

விரை எடுத்த துழாய் அலங்கல்* விறல் வரைத் தோள் புடைபெயர*

வரை எடுத்த பெருமானுக்கு* இழந்தேன் என் வரி வளையே|

035. திவ்ய ப்ரபந்தம் - 1669 - பெரிய திருமொழி - 8.3.2

அரி விரவு முகில் கணத்தால்* அகில் புகையால் வரையோடும்*

தெரிவு அரிய மணி மாடத்* திருக்கண்ணபுரத்து உறையும்*

வரி அரவின் அணைத் துயின்று* மழை மதத்த சிறு தறு கண்*

கரி வெருவ மருப்பு ஒசித்தாற்கு* இழந்தேன் என் கன வளையே|

036. திவ்ய ப்ரபந்தம் - 1670 - பெரிய திருமொழி - 8.3.3

துங்க மா மணி மாட* நெடு முகட்டின் சூலிகை போம்*

திங்கள் மா முகில் துணிக்கும்* திருக்கண்ணபுரத்து உறையும்*

பைங் கண் மால் விடை அடர்த்துப்* பனி மதி கோள் விடுத்து உகந்த*

செங் கண் மால் அம்மானுக்கு* இழந்தேன் என் செறி வளையே|

037. திவ்ய ப்ரபந்தம் - 1671 - பெரிய திருமொழி - 8.3.4

கணம் மருவும் மயில் அகவு* கடி பொழில் சூழ் நெடு மறுகின்*

திணம் மருவு கன மதிள் சூழ்* திருக்கண்ணபுரத்து உறையும்*

மணம் மருவு தோள் ஆய்ச்சி* ஆர்க்க போய் உரலோடும்*

புணர் மருதம் இற நடந்தாற்கு* இழந்தேன் என் பொன் வளையே|

038. திவ்ய ப்ரபந்தம் - 1672 - பெரிய திருமொழி - 8.3.5

வாய் எடுத்த மந்திரத்தால்* அந்தணர் தம் செய் தொழில்கள்*

தீ எடுத்து மறை வளர்க்கும்* திருக்கண்ணபுரத்து உறையும்*

தாய் எடுத்த சிறு கோலுக்கு* உளைந்து ஓடி தயிர் உண்ட*

வாய் துடைத்த மைந்தனுக்கு* இழந்தேன் என் வரி வளையே|

039. திவ்ய ப்ரபந்தம் - 1673 - பெரிய திருமொழி - 8.3.6

மடல் எடுத்த நெடுந் தாழை* மருங்கு எல்லாம் வளர் பவளம்*

திடல் எடுத்து சுடர் இமைக்கும்* திருக்கண்ணபுரத்து உறையும்*

அடல் அடர்த்து அன்று இரணியனை* முரண் அழிய அணி உகிரால்*

உடல் எடுத்த பெருமானுக்கு* இழந்தேன் என் ஒளி வளையே|

040. திவ்ய ப்ரபந்தம் - 1674 - பெரிய திருமொழி - 8.3.7

வண்டு அமரும் மலர்ப் புன்னை* வரி நீழல் அணி முத்தம்*

தெண் திரைகள் வரத் திரட்டும்* திருக்கண்ணபுரத்து உறையும்*

எண் திசையும் எழு சுடரும்* இரு நிலனும் பெரு விசும்பும்*

உண்டு உமிழ்ந்த பெருமானுக்கு* இழந்தேன் என் ஒளி வளையே|

041. திவ்ய ப்ரபந்தம் - 1675 - பெரிய திருமொழி - 8.3.8

கொங்கு மலி கருங் குவளை* கண் ஆகத் தெண் கயங்கள்*

செங் கமலம் முகம் அலர்த்தும்* திருக்கண்ணபுரத்து உறையும்*

வங்கம் மலி தடங் கடலுள்* வரி அரவின் அணைத் துயின்ற*

செங்கமலநாபனுக்கு* இழந்தேன் என் செறி வளையே|

042. திவ்ய ப்ரபந்தம் - 1676 - பெரிய திருமொழி - 8.3.9

வார் ஆளும் இளங் கொங்கை* நெடும் பணைத் தோள் மடப் பாவை*

சீர் ஆளும் வரை மார்வன்* திருக்கண்ணபுரத்து உறையும்*

பேராளன் ஆயிரம் பேர்* ஆயிர வாய் அரவு அணைமேல்*

பேராளர் பெருமானுக்கு* இழந்தேன் என் பெய் வளையே|

043. திவ்ய ப்ரபந்தம் - 1677 - பெரிய திருமொழி - 8.3.10

தே மருவு பொழில் புடை சூழ்* திருக்கண்ணபுரத்து உறையும்

வாமனனை* மறி கடல் சூழ்* வயல் ஆலி வள நாடன்*

காமரு சீர்க் கலிகன்றி* கண்டு உரைத்த தமிழ் மாலை*

நா மருவி இவை பாட* வினை ஆய நண்ணாவே|

044. திவ்ய ப்ரபந்தம் - 1678 - பெரிய திருமொழி - 8.4.1

விண்ணவர் தங்கள் பெருமான்* திருமார்வன்*

மண்ணவர் எல்லாம் வணங்கும்* மலி புகழ் சேர்*

கண்ணபுரத்து எம் பெருமான்* கதிர் முடி மேல்*

வண்ண நறுந் துழாய்* வந்து ஊதாய் கோல் தும்பீ|

045. திவ்ய ப்ரபந்தம் - 1679 - பெரிய திருமொழி - 8.4.2

வேத முதல்வன்* விளங்கு புரி நூலன்*

பாதம் பரவிப்* பலரும் பணிந்து ஏத்தி*

காதன்மை செய்யும்* கண்ணபுரத்து எம் பெருமான்*

தாது நறுந் துழாய்* தாழ்ந்து ஊதாய் கோல் தும்பீ|

046. திவ்ய ப்ரபந்தம் - 1680 - பெரிய திருமொழி - 8.4.3

விண்ட மலர் எல்லாம்* ஊதி நீ என் பெறுதி?*

அண்ட முதல்வன்* அமரர்கள் எல்லாரும்*

கண்டு வணங்கும்* கண்ணபுரத்து எம் பெருமான்*

வண்டு நறுந் துழாய்* வந்து ஊதாய் கோல் தும்பீ|

047. திவ்ய ப்ரபந்தம் - 1681 - பெரிய திருமொழி - 8.4.4

நீர் மலிகின்றது ஓர்* மீன் ஆய் ஓர் ஆமையும் ஆய்*

சீர் மலிகின்றது ஓர்* சிங்க உரு ஆகி*

கார் மலி வண்ணன்* கண்ணபுரத்து எம் பெருமான்*

தார் மலி தண் துழாய்* தாழ்ந்து ஊதாய் கோல் தும்பீ|

048. திவ்ய ப்ரபந்தம் - 1682 - பெரிய திருமொழி - 8.4.5

ஏர் ஆர் மலர் எல்லாம்* ஊதி நீ என் பெறுதி?*

பார் ஆர் உலகம்* பரவ பெருங் கடலுள்*

கார் ஆமை ஆன* கண்ணபுரத்து எம் பெருமான்*

தார் ஆர் நறுந் துழாய்* தாழ்ந்து ஊதாய் கோல் தும்பீ|

049. திவ்ய ப்ரபந்தம் - 1683 - பெரிய திருமொழி - 8.4.6

மார்வில் திருவன்* வலன் ஏந்து சக்கரத்தன்*

பாரைப் பிளந்த* பரமன் பரஞ்சோதி*

காரில் திகழ்* காயா வண்ணன் கதிர் முடி மேல்*

தாரில் நறுந் துழாய்* தாழ்ந்து ஊதாய் கோல் தும்பீ|

050. திவ்ய ப்ரபந்தம் - 1684 - பெரிய திருமொழி - 8.4.7

வாமனன் கற்கி* மதுசூதன் மாதவன்*

தார் மன்னு* தாசரதி ஆய தடமார்வன்*

காமன் தன் தாதை* கண்ணபுரத்து எம் பெருமான்*

தாம நறுந் துழாய்* தாழ்ந்து ஊதாய் கோல் தும்பீ|

 

||ஹரி ஓம்||

||ஸ்ரீ ஆழ்வார் திருவடிகளே சரணம்||

||ஸ்ரீ எம்பெருமானார் திருவடிகளே சரணம்||

||ஸ்ரீ ஜீயர் திருவடிகளே சரணம்||

||ஸ்ரீ அஸ்மத்  ஆசார்யன் திருவடிகளே சரணம்||

தொடரும்