108 திவ்ய தேசங்கள் - 038 - திருவெள்ளக் குளம் - 2

||ஸ்ரீ:||

||ஸ்ரீமதே ராமாநுஜாய நம:||

||ஸ்ரீமத் வரவர முநயே நம:||

||038. திருவெள்ளக் குளம்||

||அண்ணன் கோயில் - திருநாங்கூர்||

||முப்பத்தி எட்டாவது திவ்ய க்ஷேத்ரம்||

மயர்வற மதிநலம் அருளப் பெற்ற ஆழ்வார்கள் அருளிச் செய்த

தமிழ் வேதமாகிய நாலாயிர திவ்ய ப்ரபந்தத்தில்

இந்த திவ்ய தேசத்திற்கான பாசுரங்களின் விவரங்கள்

1 ஆழ்வார் - 10 பாசுரங்கள்

001. திருமங்கையாழ்வார் - 10 பாசுரங்கள்

1. பெரிய திருமொழி (இரண்டாம் ஆயிரம்)

• திவ்ய ப்ரபந்தம் - 1308 - 1317 - நான்காம் பத்து - ஏழாம் திருமொழி

--------------------

திவ்ய கவி பிள்ளை பெருமாள் ஐயங்கார்

இந்த திவ்ய தேசத்திற்காக இயற்றிய அந்தாதி

தனியன்

மண்ணில் அரங்கம் முதல் வைகுந்த நாடளவும்*

எண்ணு திருப்பதி நூற்று எட்டினையும் நண்ணியே*

கற்பார் துதிப்பார் கருதுவார் கேட்டிருப்பார்*

பொற் பாதம் என் தலை மேல் பூ|

அந்தாதி

நான் அடிமை செய்ய, விடாய் நான் ஆனேன்*

எம்பெருமான் தான் அடிமை கொள்ள விடாய் தான் ஆனான்*

ஆனதற் பின், வெள்ளக் குளத்தே விடாய் இருவரும் தணிந்தோம்*

உள்ளம் குளம், தேனை ஒத்து|

• நான் அடிமை செய்ய – எம்பெருமானுக்குத் திருத்தொண்டு செய்ய வேண்டும் என்று

• நான் விடாய் ஆனேன் – நான் பேராவல் கொண்டவனானேன்

• எம்பெருமான் தான் – தானும்  

• அடிமை கொள்ள – என்னை அடிமையாகக் கொள்ள வேண்டும் என்று

• தான் விடாய் ஆனான் – தான் பேராவல் கொண்டவனானான்

• ஆனதன் பின் – இங்ஙனம் இருவரும் விடாய் கொண்ட பின்பு 

• வெள்ளக் குளத்தே – திருவெள்ளக் குளம் என்னும் திருப்பதியில்,

• இருவரும் – யாங்களிருவரும்

• உள்ளம் குளம் தேனை ஒத்து – மனத்தில் சர்க்கரைப் பாகையும் தேனையும் போன்று ஒன்று சேர்ந்து 

• விடாய் தணிந்தோம் – எங்கள் வேட்கை தணியப் பெற்றோம்

||ஹரி ஓம்||

||ஸ்ரீ ஆழ்வார் திருவடிகளே சரணம்||

||ஸ்ரீ எம்பெருமானார் திருவடிகளே சரணம்||

||ஸ்ரீ ஜீயர் திருவடிகளே சரணம்||

||ஸ்ரீ அஸ்மத்  ஆசார்யன் திருவடிகளே சரணம்||

தொடரும்