சித்திரை - புனர்பூசம் - ஸ்ரீ சக்கரவர்த்தி திருமகன்

||ஸ்ரீ:||

||ஸ்ரீமதே ராமாநுஜாய நம:||

||ஸ்ரீமத் வரவர முநயே நம:||

புனர்பூசம் நக்ஷத்திரம்

ஸ்ரீ சக்கரவர்த்தி திருமகன் 

(ஸ்ரீராமர்)

ஸ்ரீராம நவமி பண்டிகை

• மாதம் - சித்திரை

• நக்ஷத்திரம் - புனர்பூசம்

• அவதார ஸ்தலம் -  அயோத்தி

ராம மூல மந்திரம் 

ஓம் ஸ்ரீ ராமாய நம:||

ராம தாரக மந்திரம் 

ஸ்ரீ ராம ஜெய ராமா, ஜெய ஜெய ராமா||

ராம காயத்ரி மந்திரம் 

ஓம் தஸரதாய வித்மஹே, சீதா வல்லபாய தீமஹி|

தந்நோ ராமஹ் ப்ரசோதயாத்||

 

ராம தியான மந்திரம் 

ஆபாதாம் அபஹர்த்தாரம், தாதாரம் ஸர்வ ஸம்பதாம்|

லோகா பிராமம் ஸ்ரீராமம், பூயோ பூயோ நமாம்யஹம்|| 

துன்பங்களை நீக்குபவர், அனைத்து செல்வங்களையும் தருபவர், உலகை மகிழ்விப்பவர் ஸ்ரீராமர் - அவரை மீண்டும் மீண்டும் வணங்குகிறேன்

ராம நாம மகிமை 

ராம ராம ராமேதி, ரமே ரமே மனோரமே| 

சகஸ்ர நாம தத்துல்யம், ராம நாம வரானனே|| 

மனதை மகிழ்விக்கும் ராம நாமத்தை உச்சரித்தால், அது ஆயிரம் நாமங்களுக்கு சமமானது 

அஷ்டாக்ஷர மந்திரம் 

ராமாய ராமபத்ராய, ராமச்சந்திராய வேதசே|

ரகுநாதாய நாதாய, சீதாயா பதயே நம:||

ராமன், ராமபத்ரன், ராமசந்திரன், வேதங்களை அறிந்தவர், ரகுவின் தலைவன், சீதையின் பதிக்கு நமஸ்காரம்

இந்த ஸ்லோகங்களை உச்சரிப்பதன் மூலம் ஸ்ரீராமரின் அருள் கிடைத்து, வாழ்வில் நன்மைகளும், செல்வமும் பெருகும் என்பது நம்பிக்கை 

||ஹரி ஓம்||

||ஸ்ரீ ஆழ்வார் திருவடிகளே சரணம்||

||ஸ்ரீ எம்பெருமானார் திருவடிகளே சரணம்||

||ஸ்ரீ ஜீயர் திருவடிகளே சரணம்||

||ஸ்ரீ அஸ்மத்  ஆசார்யன் திருவடிகளே சரணம்||

சித்திரை - திருவாதிரை - ஸ்ரீ சோமாசியாண்டான்

||ஸ்ரீ:||

||ஸ்ரீமதே ராமாநுஜாய நம:||

||ஸ்ரீமத் வரவர முநயே நம:||

திருவாதிரை நக்ஷத்திரம்

ஸ்ரீ சோமாசியாண்டான்  

(ஸ்ரீ ராம க்ரது நாதார்யர்) 

• மாதம் - சித்திரை

• நக்ஷத்திரம் - திருவாதிரை

• அவதார ஸ்தலம் -  காராஞ்சி

• ஆசார்யன் - எம்பெருமானார்

• அருளிச் செய்தவை - ஸ்ரீ பாஷ்ய விவரணம், குரு குணாவளி (எம்பெருமானார் பெருமை பேசுவது), ஷடர்த்த ஸம்க்ஷேபம்

தனியன்

நௌமி லக்ஷ்மண யோகீந்த்ர 

பாதஸேவைக தாரகம்|

ஸ்ரீராமக்ரதுநாதார்யம் 

ஸ்ரீபாஷ்யாம்ருத ஸாகரம்||

சோம யாகம் செய்யும் குடியில் பிறந்த ஸ்ரீ ராம மிச்ரர். எம்பெருமானார் ராமானுஜரால் நியமிக்கப்பட்ட 74 சிம்மாசனாதிபதிகளில் ஒருவர். ஸோமயாஜியார் என்றும் கூறுவர். ஸ்ரீபாஷ்யத்துக்கு முதலில் வ்யாக்யானம் சாதித்தவர் இவரே. ஸ்ரீரங்கம் பெரிய கோயிலில் பஞ்சாங்கம் தொகுக்கும் கைங்கர்யம்  இவர் பரம்பரையே இன்றும் செய்து வருகிறது. ச்ருத பிரகாசிகா பட்டர், நாயனாராச்சான் பிள்ளை, வேதாந்தாசார்யர் போன்றோர் தம் வ்யாக்யானங்களில் இவரை உதாஹரிக்கின்றனர். க்ருபாமாத்ர ப்ரசன்னாசார்யர்களின் பெருமையை விளக்கும் நாயனாராச்சான் பிள்ளை இவரது குரு குணாவளி  ச்லோகம் ஒன்றை உதாஹரிக்கிறார்.அவர் பாடும் திறமை கொண்டவர், அவர் பாடினால் பெருமாளே ஆடுவார் என்று போற்றப்படுகிறார்.

எம்பெருமானாரிடம் காலக்ஷேபம் கேட்டு அவரோடிருந்த சோமாசியாண்டான், சிறிது காலம் தம் ஊரான காராஞ்சி வந்து, திருமணம் ஆகி, பின் மனைவி வற்புறுத்தலால் மீண்டும் எம்பெருமானாரிடம் சென்று சேர இயலாது கிராமத்திலேயே இருக்க, தம் வழிபாட்டுக்கு ஒரு எம்பெருமானார் விக்ரஹம் செய்விக்க, அவ்விக்ரஹம் சிற்பி முயன்றும் சரிவராமல் போக, சிற்பியிடம் அந்த விக்ரஹத்தை அழித்து வேறு விக்ரஹம் செய்யுமாறு கூறுகிறார். அன்று இரவு அவர் கனவில் ஸ்வாமி வந்து, ”ஆண்டான், நீர் எங்கிருப்பினும் நம் நினைவுண்டதாகில் கவலை வேண்டாவே. நீர் ஏன் நம்மை இப்படித் துன்புறுத்துகிறீர்? நம்மிடம் விச்வாஸம் இல்லையெனில் இவ்விக்ரஹத்தால் மட்டும் என்ன பயன்”என வினவ, விழித்தெழுந்த ஆண்டான் விக்ரஹத்தைப் பாதுகாப்பாய் வைத்துவிட்டு, மனைவியைத் துறந்து, ஸ்ரீரங்கம் வந்து எம்பெருமானார் திருவடியில் வந்து அழுதபடி விழுந்தார். எம்பெருமானார் என்ன நடந்தது என்று வினவ, ஆண்டான் நடந்ததை விவரித்தார். உடையவரும் சிரித்து, “உம்முடைய மனைவியிடத்தில் உமக்கு இருந்த பற்றை விலக்கவே இதைச் செய்தோம். நீர் நம்மை விட்டாலும், நாம் உம்மை விடமாட்டோம். நீர் எங்கிருந்தாலும், நம்முடைய அபிமானம் உள்ளதால் உம்முடைய பேற்றுக்கு ஒரு குறையும் இல்லை. நம்மிடம் எல்லாக் கவலைகளையும் விட்டு இனி நீர் சுகமாய் இருக்கலாம்” என்று அருளினார்

||ஹரி ஓம்||

||ஸ்ரீ ஆழ்வார் திருவடிகளே சரணம்||

||ஸ்ரீ எம்பெருமானார் திருவடிகளே சரணம்||

||ஸ்ரீ ஜீயர் திருவடிகளே சரணம்||

||ஸ்ரீ அஸ்மத்  ஆசார்யன் திருவடிகளே சரணம்||

சித்திரை - திருவாதிரை - ஸ்ரீ ஆட்கொண்டவில்லி ஜீயர்

||ஸ்ரீ:||

||ஸ்ரீமதே ராமாநுஜாய நம:||

||ஸ்ரீமத் வரவர முநயே நம:||

திருவாதிரை நக்ஷத்திரம்

ஸ்ரீ ஆட்கொண்டவில்லி ஜீயர் 

(வகுளாபரணர்)

• மாதம் - சித்திரை

• நக்ஷத்திரம் - திருவாதிரை

தனியன்

ஜ்ஞாந வைராக்ய ஸம்பந்நம் 

ராமாநுஜ பதாச்ரிதம்| 

சதுர்த்தாஸ்ரம ஸம்மந்தம் 

ஸம்ய மீந்தரம் நாம் யஹம்||

ராமானுஜரால் நிறுவப்பட்ட 74 சிம்மாசனங்களில் ஒருவர், ஞானம் மற்றும் வைராக்கியம் நிறைந்தவர், வகுளாபரணர் என்ற திருநாமம் கொண்டவர்; சித்திரை மாத திருவாதிரை நட்சத்திரத்தில் அவதரித்தவர், ஸ்ரீவில்லிபுத்தூர் ஜீயர்களின் வம்சத்தைச் சேர்ந்தவர். இவர் நஞ்சீயரை சந்தித்து மரியாதை செய்த நிகழ்வும், நம்பெருமாளை சேவிக்க வந்ததும் ஆன்மீக வரலாற்றில் குறிப்பிடப்படுகின்றன. 

பெருமாளை சேவித்து விட்டு வருகிறார் நஞ்சீயர். ஆட்கொண்ட வில்லி ஜீயரும் எதிரே வருகிறார். இருவரும் எதிர் எதிரே சந்தித்துக் கொள்கிறார்கள். நஞ்சியர் யோசிக்காமல்  ஆட்கொண்ட வில்லி ஜீயரின் காலில் விழுந்து தண்டன் சமர்ப்பிக்கிறார். ஆட்கொண்ட வில்லி ஜீயர் நடுங்கி போய்,  'அடியேன் ஒரு அபராதி. இவ்வளவு நாள் பகவத் சம்பந்தம் இருக்கு என்று நினைத்தது எல்லாம் பொய். பகவத் சம்பந்தம் எப்போது உறுதியாகிறது என்றால் ஒரு அடியாரை பார்க்கும் பொழுது கீழே விழும் போது தான் இது தான் மெய். உம்மை போல எனக்கு சட்டு என்று விழ தோன்றவில்லையே அடியேனுக்கு முன் நீர் விழுந்து விட்டீரே!' என்று வருத்தப்பட்டாராம். அதற்கு நஞ்சீயர், 'அப்படியெல்லாம் இல்லை. நீர் எம்பெருமானாரின் ஸிஷ்யர். மற்றவர்களுக்கு ஆசிரியராக இருக்கிறீர்' என்று சமாதானம் செய்தாராம்.

||ஹரி ஓம்||

||ஸ்ரீ ஆழ்வார் திருவடிகளே சரணம்||

||ஸ்ரீ எம்பெருமானார் திருவடிகளே சரணம்||

||ஸ்ரீ ஜீயர் திருவடிகளே சரணம்||

||ஸ்ரீ அஸ்மத்  ஆசார்யன் திருவடிகளே சரணம்||

சித்திரை - திருவாதிரை - ஸ்ரீ ராமாநுஜர்

||ஸ்ரீ:||

||ஸ்ரீமதே ராமாநுஜாய நம:||

||ஸ்ரீமத் வரவர முநயே நம:||

திருவாதிரை நக்ஷத்திரம்

1. ஸ்ரீ இராமாநுஜர்

(எம்பெருமானார்)

https://aaseyathirai.blogspot.com/2025/12/10.html

||ஹரி ஓம்||

||ஸ்ரீ ஆழ்வார் திருவடிகளே சரணம்||

||ஸ்ரீ எம்பெருமானார் திருவடிகளே சரணம்||

||ஸ்ரீ ஜீயர் திருவடிகளே சரணம்||

||ஸ்ரீ அஸ்மத்  ஆசார்யன் திருவடிகளே சரணம்||