||ஸ்ரீ:||
||ஸ்ரீமதே ராமாநுஜாய நம:||
||ஸ்ரீமத் வரவர முநயே நம:||
||034. திருவாலி – திருநகரி||
||திருநாங்கூர்||
||முப்பத்தி நான்காவது திவ்ய க்ஷேத்ரம்||
இந்த திவ்ய தேசத்திற்கான பாசுரங்கள் - 42 - 2
திருமங்கையாழ்வார்
023. திவ்ய ப்ரபந்தம் - 1208 - பெரிய திருமொழி - 3.7.1
கள்வன் கொல்? யான் அறியேன்* கரியான் ஒரு காளை வந்து*
வள்ளி மருங்குல்* என் தன் மட மானினைப் போத என்று*
வெள்ளி வளைக் கை* பற்றப் பெற்ற தாயரை விட்டு அகன்று*
அள்ளல் அம் பூங் கழனி* அணி ஆலி புகுவர்கொலோ?
024. திவ்ய ப்ரபந்தம் - 1209 - பெரிய திருமொழி - 3.7.2
பண்டு இவன் ஆயன் நங்காய்* படிறன் புகுந்து*
என் மகள் தன் தொண்டை அம் செங் கனி வாய்* நுகர்ந்தானை உகந்து*
அவன் பின் கெண்டை ஒண் கண் மிளிரக்* கிளிபோல் மிழற்றி நடந்து*
வண்டு அமர் கானல் மல்கும்* வயல் ஆலி புகுவர்கொலோ?
025. திவ்ய ப்ரபந்தம் - 1210 - பெரிய திருமொழி - 3.7.3
அஞ்சுவன் வெம் சொல் நங்காய்* அரக்கர் குலப் பாவை தன்னை*
வெம் சின மூக்கு அரிந்த* விறலோன் திறம் கேட்கில் மெய்யே*
பஞ்சிய மெல் அடி* எம் பணைத் தோளி பரக்கழிந்து*
வஞ்சி அம் தண் பணை சூழ்* வயல் ஆலி புகுவர்கொலோ?
026. திவ்ய ப்ரபந்தம் - 1211 - பெரிய திருமொழி - 3.7.4
ஏது அவன் தொல் பிறப்பு?* இளையவன் வளை ஊதி*
மன்னர் தூதுவன் ஆயவன் ஊர்* சொல்வீர்கள் சொலீர் அறியேன்*
மாதவன் தன் துணையா நடந்தாள்* தடம் சூழ் புறவில்*
போது வண்டு ஆடு செம்மல்* புனல் ஆலி புகுவர்கொலோ?
027. திவ்ய ப்ரபந்தம் - 1212 - பெரிய திருமொழி - 3.7.5
தாய் எனை என்று இரங்காள்* தடந் தோளி தனக்கு அமைந்த*
மாயனை மாதவனை* மதித்து என்னை அகன்ற இவள்*
வேய் அன தோள் விசிறிப்* பெடை அன்னம் என நடந்து*
போயின பூங் கொடியாள்* புனல் ஆலி புகுவர்கொலோ?
028. திவ்ய ப்ரபந்தம் - 1213 - பெரிய திருமொழி - 3.7.6
என் துணை என்று எடுத்தேற்கு* இறையேனும் இரங்கிற்றிலள்*
தன் துணை ஆய என் தன்* தனிமைக்கும் இரங்கிற்றிலள்*
வன் துணை வானவர்க்கு ஆய்* வரம் செற்று அரங்கத்து உறையும்*
இன் துணைவனொடும் போய்* எழில் ஆலி புகுவர்கொலோ?
029. திவ்ய ப்ரபந்தம் - 1214 - பெரிய திருமொழி - 3.7.7
அன்னையும் அத்தனும் என்று* அடியோமுக்கு இரங்கிற்றிலள்*
பின்னை தன் காதலன் தன்* பெருந் தோள் நலம் பேணினளால்*
மின்னையும் வஞ்சியையும்* வென்று இலங்கும் இடையாள் நடந்து*
புன்னையும் அன்னமும் சூழ்* புனல் ஆலி புகுவர்கொலோ?
030. திவ்ய ப்ரபந்தம் - 1215 - பெரிய திருமொழி - 3.7.8
முற்றிலும் பைங் கிளியும்* பந்தும் ஊசலும் பேசுகின்ற*
சிற்றில் மென் பூவையும்* விட்டு அகன்ற செழுங் கோதை தன்னைப்*
பெற்றிலேன் முற்று இழையை* பிறப்பிலி பின்னே நடந்து*
மற்று எல்லாம் கைதொழப் போய்* வயல் ஆலி புகுவர்கொலோ?
031. திவ்ய ப்ரபந்தம் - 1216 - பெரிய திருமொழி - 3.7.9
காவி அம் கண்ணி எண்ணில்* கடி மா மலர்ப் பாவை ஒப்பாள்*
பாவியேன் பெற்றமையால்* பணைத் தோளி பரக்கழிந்து*
தூவி சேர் அன்னம் அன்ன நடையாள்* நெடுமாலொடும் போய்*
வாவி அம் தண் பணை சூழ்* வயல் ஆலி புகுவர்கொலோ?
032. திவ்ய ப்ரபந்தம் - 1217 - பெரிய திருமொழி - 3.7.10
தாய் மனம் நின்று இரங்கத்* தனியே நெடுமால் துணையா*
போயின பூங் கொடியாள்* புனல் ஆலி புகுவர் என்று*
காய் சின வேல் கலியன்* ஒலிசெய் தமிழ் மாலை பத்தும்*
மேவிய நெஞ்சு உடையார்* தஞ்சம் ஆவது விண் உலகே|
033. திவ்ய ப்ரபந்தம் - 1329 - பெரிய திருமொழி - 4.9.2
சிந்தை தன்னுள் நீங்காது இருந்த திருவே* மருவினிய மைந்தா*
அம் தண் ஆலி மாலே சோலை மழ களிறே*
நந்தா விளக்கின் சுடரே* நறையூர் நின்ற நம்பீ*
என் எந்தாய் இந்தளூராய்* அடியேற்கு இறையும் இரங்காயே|
034. திவ்ய ப்ரபந்தம் - 1519 - பெரிய திருமொழி - 6.8.2
முந்நீரை முன் நாள்* கடைந்தானை*
மூழ்த்த நாள் அந் நீரை மீன் ஆய்* அமைத்த பெருமானை*
தென் ஆலி மேய திருமாலை எம்மானை*
நல் நீர் சூழ்* நறையூரில் கண்டேனே|
035. திவ்ய ப்ரபந்தம் - 1733 - பெரிய திருமொழி - 8.9.6
எஞ்சா வெம் நரகத்து* அழுந்தி நடுங்குகின்றேற்கு*
அஞ்சேல் என்று அடியேனை* ஆட்கொள்ள வல்லானை*
நெஞ்சே நீ நினையாது* இறைப்பொழுதும் இருத்தி கண்டாய்*
மஞ்சு ஆர் மாளிகை சூழ்* வயல் ஆலி மைந்தனையே|
036. திவ்ய ப்ரபந்தம் - 1735 - பெரிய திருமொழி - 8.9.8
கற்றார் பற்று அறுக்கும்* பிறவிப் பெருங் கடலே*
பற்றா வந்து அடியேன்* பிறந்தேன் பிறந்த பின்னை*
வற்றா நீர் வயல் சூழ்* வயல் ஆலி அம்மானைப் பெற்றேன்*
பெற்றதுவும்* பிறவாமை பெற்றேனே|
037. திவ்ய ப்ரபந்தம் - 1850 - பெரிய திருமொழி - 10.1.3
வேலை ஆல் இலைப்* பள்ளி விரும்பிய*
பாலை ஆர் அமுதத்தினைப்* பைந் துழாய்*
மாலை ஆலியில்* கண்டு மகிழ்ந்து போய்*
ஞாலம் உன்னியைக் காண்டும்* நாங்கூரிலே|
038. திவ்ய ப்ரபந்தம் - 2014 - பெரிய திருமொழி - 11.7.3
தூயானைத்* தூய மறையானை* தென் ஆலி மேயானை*
மேவாள் உயிர் உண்டு அமுது உண்ட வாயானை*
மாலை வணங்கி* அவன் பெருமை பேசாதார்*
பேச்சு என்றும்* பேச்சு அல்ல கேட்டாமே|
039. திவ்ய ப்ரபந்தம் - 2027 - பெரிய திருமொழி - 11.8.6
படை நின்ற* பைந்தாமரையோடு*
அணி நீலம் மடை நின்று அலரும்* வயல் ஆலி மணாளா*
இடையன் எறிந்த மரமே* ஒத்து இராமே*
அடைய அருளாய்* எனக்கு உன் தன் அருளே|
040. திவ்ய ப்ரபந்தம் - 2063 - திருநெடுந்தாண்டகம் - 2.2 (12)
நெஞ்சு உருகிக் கண் பனிப்ப நிற்கும் சோரும்*
நெடிது உயிர்க்கும் உண்டு அறியாள் உறக்கம் பேணாள்*
நஞ்சு அரவில் துயில் அமர்ந்த நம்பீ! என்னும்*
வம்பு ஆர் பூ வயல் ஆலி மைந்தா என்னும்*
அம் சிறைய புட்கொடியே ஆடும் பாடும்*
அணி அரங்கம் ஆடுதுமோ? தோழீ என்னும்*
என் சிறகின் கீழ் அடங்காப் பெண்ணைப் பெற்றேன்*
இரு நிலத்து ஓர் பழி படைத்தேன் ஏ பாவமே|
041. திவ்ய ப்ரபந்தம் - 2706 - சிறிய திருமடல் - 4.4 (34)
நான் அவனைக் கார் ஆர் திருமேனி காணும் அளவும் போய் *
சீர் ஆர் திருவேங்கடமே திருக்கோவலூரே* (2)
மதிள் கச்சி ஊரகமே பேரகமே*
பேரா மருது இறுத்தான் வெள்ளறையே வெஃகாவே*
பேர் ஆலி தண்கால் நறையூர் திருப்புலியூர்*
ஆராமம் சூழ்ந்த அரங்கம்* கணமங்கை| (2)
042. திவ்ய ப்ரபந்தம் - 2773 - பெரிய திருமடல் - 7.1 (61)
மா மலர் மேல் அன்னம் துயிலும் அணி நீர் வயல் ஆலி*
என்னுடைய இன் அமுதை எவ்வுள் பெரு மலையை*
கன்னி மதிள் சூழ் கண மங்கைக் கற்பகத்தை*
மின்னை, இரு சுடரை, வெள்ளறையுள் கல் அறை மேல் பொன்னை*
மரதகத்தை புட்குழி எம் போர் ஏற்றை* மன்னும் அரங்கத்து எம் மா மணியை|
||ஹரி ஓம்||
||ஸ்ரீ ஆழ்வார் திருவடிகளே சரணம்||
||ஸ்ரீ எம்பெருமானார் திருவடிகளே சரணம்||
||ஸ்ரீ ஜீயர் திருவடிகளே சரணம்||
||ஸ்ரீ அஸ்மத் ஆசார்யன் திருவடிகளே சரணம்||
தொடரும்
