108 திவ்ய தேசங்கள் - 039 - திரு பார்த்தன்பள்ளி - 2

||ஸ்ரீ:||

||ஸ்ரீமதே ராமாநுஜாய நம:||

||ஸ்ரீமத் வரவர முநயே நம:||

||039 - திரு பார்த்தன்பள்ளி||

||திருநாங்கூர்||

||முப்பத்தி ஒண்பதாவது திவ்ய க்ஷேத்ரம்||

மயர்வற மதிநலம் அருளப் பெற்ற ஆழ்வார்கள் அருளிச் செய்த

தமிழ் வேதமாகிய நாலாயிர திவ்ய ப்ரபந்தத்தில்

இந்த திவ்ய தேசத்திற்கான பாசுரங்களின் விவரங்கள்

1 ஆழ்வார் - 10 பாசுரங்கள்

001. திருமங்கையாழ்வார் - 10 பாசுரங்கள் 

1. பெரிய திருமொழி (இரண்டாம் ஆயிரம்)

• திவ்ய ப்ரபந்தம் - 1318 - 1327 - நான்காம் பத்து - எட்டாம் திருமொழி

--------------------

திவ்ய கவி பிள்ளை பெருமாள் ஐயங்கார்

இந்த திவ்ய தேசத்திற்காக இயற்றிய அந்தாதி

தனியன்

மண்ணில் அரங்கம் முதல் வைகுந்த நாடளவும்*

எண்ணு திருப்பதி நூற்று எட்டினையும் நண்ணியே*

கற்பார் துதிப்பார் கருதுவார் கேட்டிருப்பார்*

பொற் பாதம் என் தலை மேல் பூ|

அந்தாதி

ஒத்து அமரர் ஏத்தும் ஒளி விசும்பும் பாற் கடலும்*

இத்தலத்தில் காண்பு அரிய என் நெஞ்சே சித்து உணர்ந்த*

தீர்த்தன் பள்ளிக்கு இருந்து செப்ப வெளி நின்றானைப்*

பார்த்தன் பள்ளிக்குள் பணி|

• ஒத்து - என் நெஞ்சே! ஒன்று கூடி

• அமரர் - நித்யசூரிகளும், தேவர்களும்

• ஏத்தும் - துதிக்கின்ற

• ஒளி விசும்பும் - பேரொளி வடிவமான பரமபதமும்

• பால்கடலும் - திருப்பாற்கடலும்

• இ தலத்தில் - இந்தப் பூமியில்

• காண்பு அரிய - காணுதற்கு அரியனவாம்; ஆதலால், அவைகளை விட்டு

• சித்து உணர்ந்த - ஜீவாத்மாவின் உண்மை நிலையை உணர்ந்த

• தீர்த்தன் - பரிசுத்தனான பிரகலாதாழ்வான்

• பள்ளிக்கு இருந்து - பள்ளிக் கூடத்திலிருந்து பள்ளிக்கூடத்திற் படிக்கின்ற சிறுவனாயிருந்தும்

• செப்ப - தனது தந்தை வினவியதற்கு “எங்குமுளன்“ என்று மறுமொழிகூற

• வெளி நின்றானை - அது கேட்டு வெகுண்டு இரணியன் தூணைத் தட்ட அதனினின்று நரஸிங்கமாகி வெளித் தோன்றிய திருமாலை

• பார்த்தன் பள்ளிக்குள் - திருப்பார்த்தன் பள்ளி என்னும் திவ்ய ஸ்தலத்தில் சென்று

• பணி - வணங்குவாயாக

||ஹரி ஓம்||

||ஸ்ரீ ஆழ்வார் திருவடிகளே சரணம்||

||ஸ்ரீ எம்பெருமானார் திருவடிகளே சரணம்||

||ஸ்ரீ ஜீயர் திருவடிகளே சரணம்||

||ஸ்ரீ அஸ்மத்  ஆசார்யன் திருவடிகளே சரணம்||

தொடரும்