108 திவ்ய தேசங்கள் - 026 - திரு இந்தளூர் 3

||ஸ்ரீ:||

||ஸ்ரீமதே ராமாநுஜாய நம:||

||ஸ்ரீமத் வரவர முநயே நம:||

||026. திரு இந்தளூர்||

||பஞ்ச ரங்க க்ஷேத்திரம் - மாயவரம்||

||இருபத்தி ஆறாவது திவ்ய க்ஷேத்ரம்||

இந்த திவ்ய தேசத்திற்கான பாசுரங்கள் - 11

திருமங்கையாழ்வார்

001. திவ்ய ப்ரபந்தம் - 1328 - பெரிய திருமொழி - 4.9.1

நும்மைத் தொழுதோம்* நும் தம் பணிசெய்து இருக்கும் நும் அடியோம்*

இம்மைக்கு இன்பம் பெற்றோம்* எந்தாய் இந்தளூரீரே*

எம்மைக் கடிதாக் கருமம் அருளி* ஆ ஆ என்று இரங்கி*

நம்மை ஒருகால் காட்டி நடந்தால்* நாங்கள் உய்யோமே?

002. திவ்ய ப்ரபந்தம் - 1329 - பெரிய திருமொழி - 4.9.2

சிந்தை தன்னுள் நீங்காது இருந்த திருவே* 

மருவினிய மைந்தா* அம் தண் ஆலி மாலே சோலை மழ களிறே*

நந்தா விளக்கின் சுடரே* நறையூர் நின்ற நம்பீ* 

என் எந்தாய் இந்தளூராய்* அடியேற்கு இறையும் இரங்காயே|

003. திவ்ய ப்ரபந்தம் - 1330 - பெரிய திருமொழி - 4.9.3

பேசுகின்றது இதுவே*  வையம் ஈர் அடியால் அளந்த*

மூசி வண்டு முரலும்* கண்ணி முடியீர்!*  

உம்மைக் காணும் ஆசை என்னும் கடலில் வீழ்ந்து* இங்கு அயர்த்தோம்* 

அயலாரும் ஏசுகின்றது இதுவே காணும்* இந்தளூரீரே|

004. திவ்ய ப்ரபந்தம் - 1331 - பெரிய திருமொழி - 4.9.4

ஆசை வழுவாது ஏத்தும்* எமக்கு இங்கு இழுக்காய்த்து* 

அடியோர்க்கு தேசம் அறிய* உமக்கே ஆளாய்த் திரிகின்றோமுக்கு*

காசின் ஒளியில் திகழும் வண்ணம்* காட்டீர் எம் பெருமான்*

வாசி வல்லீர் இந்தளூரீர்!*  வாழ்ந்தே போம் நீரே|

005. திவ்ய ப்ரபந்தம் - 1332 - பெரிய திருமொழி - 4.9.5

தீ எம் பெருமான் நீர் எம் பெருமான்* திசையும் இரு நிலனும் ஆய்* 

எம் பெருமான் ஆகி நின்றால்* அடியோம் காணோமால்*

தாய் எம் பெருமான்* தந்தை தந்தை ஆவீர்* 

அடியோமுக்கே எம் பெருமான் அல்லீரோ நீர்?*  இந்தளூரீரே|

006. திவ்ய ப்ரபந்தம் - 1333 - பெரிய திருமொழி - 4.9.6

சொல்லாது ஒழியகில்லேன்* அறிந்த சொல்லில்* நும் அடியார்

எல்லாரோடும் ஒக்க* எண்ணியிருந்தீர் அடியேனை*

நல்லார் அறிவீர் தீயார் அறிவீர்* நமக்கு இவ் உலகத்தில்*

எல்லாம் அறிவீர் ஈதே அறியீர்* இந்தளூரீரே|

007. திவ்ய ப்ரபந்தம் - 1334 - பெரிய திருமொழி - 4.9.7

மாட்டீர் ஆனீர் பணி நீர் கொள்ள* எம்மைப் பணி அறியா வீட்டீர்* 

இதனை வேறே சொன்னோம்* இந்தளூரீரே*

காட்டீர் ஆனீர்* நும் தம் அடிக்கள் காட்டில்* 

உமக்கு இந்த நாட்டே வந்து தொண்டர் ஆன* நாங்கள் உய்யோமே?

008. திவ்ய ப்ரபந்தம் - 1335 - பெரிய திருமொழி - 4.9.8

முன்னை வண்ணம் பாலின் வண்ணம்* முழுதும் நிலை நின்ற*

பின்னை வண்ணம் கொண்டல் வண்ணம்* வண்ணம் எண்ணுங்கால்*  

பொன்னின் வண்ணம் மணியின் வண்ணம்* புரையும் திருமேனி*

இன்ன வண்ணம் என்று காட்டீர்* இந்தளூரீரே|

009. திவ்ய ப்ரபந்தம் - 1336 - பெரிய திருமொழி - 4.9.9

எந்தை தந்தை தம்மான் என்று என்று* எமர் ஏழ் அளவும்*

வந்து நின்ற தொண்டரோர்க்கே* வாசி வல்லீரால்*

சிந்தை தன்னுள் முந்தி நிற்றிர்* சிறிதும் திருமேனி*

இந்த வண்ணம் என்று காட்டீர்* இந்தளூரீரே|

010. திவ்ய ப்ரபந்தம் - 1337 - பெரிய திருமொழி - 4.9.10

ஏர் ஆர் பொழில் சூழ்* இந்தளூரில் எந்தை பெருமானை*

கார் ஆர் புறவின் மங்கை வேந்தன்* கலியன் ஒலி செய்த*

சீர் ஆர் இன் சொல் மாலை* கற்றுத் திரிவார் உலகத்தில்*

ஆர் ஆர் அவரே* அமரர்க்கு என்றும் அமரர் ஆவாரே|

011. திவ்ய ப்ரபந்தம் - 2779 - பெரிய திருமடல் - 7.7 (67)

கோட்டியூர் அன்ன உருவின் அரியை* 

திருமெய்யத்து இன் அமுத வெள்ளத்தை இந்தளூர் அந்தணனை*

மன்னு மதிள் கச்சி வேளுக்கை ஆள் அரியை*

மன்னிய பாடகத்து எம் மைந்தனை*

||ஹரி ஓம்||

||ஸ்ரீ ஆழ்வார் திருவடிகளே சரணம்||

||ஸ்ரீ எம்பெருமானார் திருவடிகளே சரணம்||

||ஸ்ரீ ஜீயர் திருவடிகளே சரணம்||

||ஸ்ரீ அஸ்மத்  ஆசார்யன் திருவடிகளே சரணம்||

தொடரும்