108 திவ்ய தேசங்கள் - 001 - திருவரங்கம் 17

||ஸ்ரீ:||

||ஸ்ரீமதே ராமாநுஜாய நம:||

 ||ஸ்ரீமத் வரவர முநயே நம:|| 

||001. திருவரங்கம்|| 

||ஸ்ரீரங்கம் - திருச்சி|| 

||முதலாவது திவ்ய க்ஷேத்ரம்||

இந்த திவ்ய தேசத்திற்கான பாசுரங்கள் - 247 - 13

பூதத்தாழ்வார்

224. திவ்ய ப்ரபந்தம் - 2209 - இரண்டாம் திருவந்தாதி - 3.8 (28)

மனத்து உள்ளான் வேங்கடத்தான்* மா கடலான்,* 

மற்றும் நினைப்பு அரிய* நீள் அரங்கத்து உள்ளான்,* 

எனைப் பலரும் தேவாதி தேவன்* எனப்படுவான்,* 

முன் ஒரு நாள் மா வாய் பிளந்த மகன்|

225. திவ்ய ப்ரபந்தம் - 2227 - இரண்டாம் திருவந்தாதி - 5.6 (46)

பயின்றது அரங்கம் திருக்கோட்டி,* 

பல் நாள் பயின்றதுவும்* வேங்கடமே பல் நாள்,* 

பயின்றது அணி திகழும் சோலை* அணி நீர் மலையே* 

மணி திகழும் வண் தடக்கை மால்|

226. திவ்ய ப்ரபந்தம் - 2251 - இரண்டாம் திருவந்தாதி - 7.10 (70)

தமர் உள்ளம் தஞ்சை* தலை அரங்கம் தண்கால்,* 

தமர் உள்ளும் தண் பொருப்பு வேலை,* 

தமர் உள்ளும் மாமல்லை கோவல்* மதிள் குடந்தை என்பரே,* 

ஏ வல்ல எந்தைக்கு இடம்|

227. திவ்ய ப்ரபந்தம் - 2269 - இரண்டாம் திருவந்தாதி - 9.8 (88)

திறம்பிற்று இனி அறிந்தேன்* தென் அரங்கத்து எந்தை,*

திறம்பா வழிச் சென்றார்க்கு அல்லால்,* 

திறம்பாச் செடி நரகை நீக்கி* தாம் செல்வதன் முன்,* 

வானோர் கடி நகர வாசல் கதவு|

பேயாழ்வார்

228. திவ்ய ப்ரபந்தம் - 2342 - மூன்றாம் திருவந்தாதி - 7.1 (61)

பண்டு எல்லாம் வேங்கடம்* பாற்கடல் வைகுந்தம்,* 

கொண்டுஅங்கு உறைவார்க்கு கோயில் போல்,* 

வண்டு வளம் கிளரும் நீள் சோலை* வண் பூங் கடிகை,* 

இளங்குமரன் தன் விண்ணகர்| (2)

229. திவ்ய ப்ரபந்தம் - 2343 - மூன்றாம் திருவந்தாதி - 7.2 (62)

விண்ணகரம் வெஃகா* விரி திரை நீர் வேங்கடம்,* 

மண் நகரம் மாமாட வேளுக்கை,*

மண்ணகத்த தென்குடந்தை* தேன் ஆர் திருவரங்கம் தென்கோட்டி,* 

தன் குடங்கை நீர் ஏற்றான் தாழ்வு|

திருமழிசையாழ்வார்

230. திவ்ய ப்ரபந்தம் - 2384 - நான்முகன் திருவந்தாதி - 1.3 (3)

பாலில் கிடந்ததுவும்* பண்டுஅரங்கம் மேயதுவும்* 

ஆலில் துயின்றதுவும் ஆர் அறிவார்*

ஞாலத்து ஒரு பொருளை* வானவர்தம் மெய்ப்பொருளை* 

அப்பில் அரு பொருளை யான் அறிந்த ஆறு?

231. திவ்ய ப்ரபந்தம் - 2411 - நான்முகன் திருவந்தாதி - 3.10 (30)

அவன் என்னை ஆளி* அரங்கத்து அரங்கில்* 

அவன் என்னை எய்தாமல் காப்பான்* 

அவன் என்னது உள்ளத்து* நின்றான் இருந்தான் கிடக்குமே* 

வெள்ளத்து அரவு அணையின் மேல்|

232. திவ்ய ப்ரபந்தம் - 2417 - நான்முகன் திருவந்தாதி - 4.6 (36)

நாகத்து அணைக் குடந்தை* வெஃகா திரு எவ்வுள்* 

நாகத்து அணை அரங்கம் பேர் அன்பில்* 

நாகத்து அணைப் பாற்கடல் கிடக்கும்* ஆதி நெடுமால்* 

அணைப்பார் கருத்தன் ஆவான்| (2)

233. திவ்ய ப்ரபந்தம் - 2441 - நான்முகன் திருவந்தாதி - 6.10 (60)

ஆள் பார்த்து உழி தருவாய்* கண்டு கொள் என்றும்* 

நின் தாள் பார்த்து உழி தருவேன்* தன்மையை* 

கேட்பார்க்கு அரும் பொருளாய் நின்ற* அரங்கனே* 

உன்னை விரும்புவதே* விள்ளேன் மனம்|

திருமங்கையாழ்வார்

234. திவ்ய ப்ரபந்தம் – 2706 - சிறிய திருமடல் - 4.4 (34)

நான் அவனைக் கார் ஆர் திருமேனி காணும் அளவும் போய் *

சீர் ஆர் திருவேங்கடமே திருக்கோவலூரே* (2) 

மதிள் கச்சி ஊரகமே பேரகமே*

பேரா மருது இறுத்தான் வெள்ளறையே வெஃகாவே* 

பேர் ஆலி தண்கால் நறையூர் திருப்புலியூர்* 

ஆராமம் சூழ்ந்த அரங்கம்* கணமங்கை| (2)

235. திவ்ய ப்ரபந்தம் – 2773 - பெரிய திருமடல் - 7.1 (61)

மா மலர்மேல் அன்னம் துயிலும் அணி நீர் வயல் ஆலி*

என்னுடைய இன் அமுதை எவ்வுள் பெரு மலையை*

கன்னி மதிள் சூழ் கண மங்கைக் கற்பகத்தை*

மின்னை, இரு சுடரை, வெள்ளறையுள் கல் அறை மேல் பொன்னை* 

மரதகத்தை புட்குழி எம் போர் ஏற்றை*

மன்னும் அரங்கத்து எம் மா மணியை|

நம்மாழ்வார்

236. திவ்ய ப்ரபந்தம் - 2505 - திருவிருத்தம் - 3.8 (28)

தண் அம் துழாய்* வளை கொள்வது யாம் இழப்போம்* 

நடுவே வண்ணம் துழாவி* ஓர் வாடை உலாவும்* 

வள் வாய் அலகால் புள் நந்து உழாமே பொரு நீர்த் திருவரங்கா* அருளாய்*

எண்ணம் துழாவுமிடத்து* உளவோ பண்டும் இன்னன்னவே?

237. திவ்ய ப்ரபந்தம் - 3464 - திருவாய்மொழி - 7.2.1 

கங்குலும் பகலும் கண் துயில் அறியாள்* கண்ண நீர் கைகளால் இறைக்கும்*

சங்கு சக்கரங்கள் என்று கை கூப்பும்* தாமரைக் கண் என்றே தளரும்*

எங்ஙனே தரிக்கேன் உன்னை விட்டு? என்னும்* இரு நிலம் கை துழா இருக்கும்*

செங்கயல் பாய் நீர்த் திருவரங்கத்தாய்!* இவள் திறத்து என் செய்கின்றாயே?

238. திவ்ய ப்ரபந்தம் - 3465 - திருவாய்மொழி - 7.2.2

என் செய்கின்றாய் என் தாமரைக் கண்ணா? என்னும்* 

கண்ணீர் மல்க இருக்கும்*

என் செய்கேன் எறி நீர்த் திருவரங்கத்தாய்? என்னும்* 

வெவ்வுயிர்த்து உயிர்த்து உருகும்:*

முன் செய்த வினையே! முகப்படாய் என்னும்* 

முகில்வண்ணா! தகுவதோ? என்னும்*

முன் செய்து இவ் உலகம் உண்டு உமிழ்ந்து அளந்தாய்*

என் கொலோ முடிகின்றது இவட்கே?

239. திவ்ய ப்ரபந்தம் - 3466 - திருவாய்மொழி - 7.2.3

வட்கு இலள் இறையும் மணிவண்ணா! என்னும்* 

வானமே நோக்கும் மையாக்கும்*

உட்கு உடை அசுரர் உயிர் எல்லாம் உண்ட* ஒருவனே! என்னும் உள் உருகும்*

கட்கிலீ! உன்னைக் காணுமாறு அருளாய்* காகுத்தா! கண்ணனே! என்னும்*

திண் கொடி மதிள் சூழ் திருவரங்கத்தாய்!* இவள் திறத்து என் செய்திட்டாயே?

240. திவ்ய ப்ரபந்தம் - 3467 - திருவாய்மொழி - 7.2.4 

இட்ட கால் இட்ட கையளாய் இருக்கும்* எழுந்து உலாய் மயங்கும் கை கூப்பும்*

கட்டமே காதல்! என்று மூர்ச்சிக்கும்* கடல் வண்ணா! கடியை காண் என்னும்*

வட்ட வாய் நேமி வலங்கையா! என்னும்* வந்திடாய் என்று என்றே மயங்கும்*

சிட்டனே செழு நீர்த் திருவரங்கத்தாய்* இவள் திறத்து என் சிந்தித்தாயே?

241. திவ்ய ப்ரபந்தம் - 3468 - திருவாய்மொழி - 7.2.5

சிந்திக்கும் திசைக்கும் தேறும் கை கூப்பும்*

திருவரங்கத்துள்ளாய்! என்னும் வந்திக்கும்* 

ஆங்கே மழைக் கண் நீர் மல்க* வந்திடாய் என்று என்றே மயங்கும்*

அந்திப் போது அவுணன் உடல் இடந்தானே* அலை கடல் கடைந்த ஆர் அமுதே*

சந்தித்து உன் சரணம் சார்வதே வலித்த* தையலை மையல் செய்தானே|

242. திவ்ய ப்ரபந்தம் - 3469 - திருவாய்மொழி - 7.2.6

மையல் செய்து என்னை மனம் கவர்ந்தானே! என்னும்* மா மாயனே! என்னும்,* 

செய்ய வாய் மணியே! என்னும்* 

தண் புனல் சூழ் திருவரங்கத்துள்ளாய்! என்னும்,*

வெய்ய வாள் தண்டு சங்கு சக்கரம் வில் ஏந்தும்* விண்ணோர் முதல்! என்னும்,* 

பை கொள் பாம்பு அணையாய்! இவள் திறத்து அருளாய்* 

பாவியேன் செயற்பால் அதுவே|

243. திவ்ய ப்ரபந்தம் - 3470 - திருவாய்மொழி - 7.2.7

பால துன்பங்கள் இன்பங்கள் படைத்தாய்!* பற்றிலார் பற்ற நின்றானே* 

கால சக்கரத்தாய்! கடல் இடம் கொண்ட* கடல் வண்ணா! கண்ணனே! என்னும்*

சேல் கொள் தண் புனல் சூழ் திருவரங்கத்தாய்! என்னும்* 

என் தீர்த்தனே என்னும்* 

கோல மா மழைக் கண் பனி மல்க இருக்கும்* 

என்னுடைக் கோமளக் கொழுந்தே|

244. திவ்ய ப்ரபந்தம் - 3471 - திருவாய்மொழி - 7.2.8

கொழுந்து வானவர்கட்கு என்னும்* 

குன்று ஏந்தி கோ நிரை காத்தவன்! என்னும்* 

அழும் தொழும் ஆவி அனல எவ்வுயிர்க்கும்* அஞ்சன வண்ணனே! என்னும்*

எழுந்து மேல் நோக்கி இமைப்பிலள் இருக்கும்* 

எங்ஙனே நோக்குகேன்? என்னும்* 

செழும் தடம் புனல் சூழ் திருவரங்கத்தாய்!* என் செய்கேன் என் திருமகட்கே?

245. திவ்ய ப்ரபந்தம் - 3472 - திருவாய்மொழி - 7.2.9

என் திருமகள் சேர் மார்வனே! என்னும்* என்னுடை ஆவியே! என்னும்* 

நின் திரு எயிற்றால் இடந்து நீ கொண்ட* நிலமகள் கேள்வனே! என்னும்*

அன்று உரு ஏழும் தழுவி நீ கொண்ட* ஆய்மகள் அன்பனே! என்னும்* 

தென் திருவரங்கம் கோயில்கொண்டானே!* 

தெளிகிலேன் முடிவு இவள் தனக்கே| (2)

246. திவ்ய ப்ரபந்தம் - 3473 - திருவாய்மொழி - 7.2.10

முடிவு இவள் தனக்கு ஒன்று அறிகிலேன் என்னும்* மூவுலகு ஆளியே என்னும்*

கடி கமழ் கொன்றைச் சடையனே என்னும்* நான்முகக் கடவுளே என்னும்*

வடிவு உடை வானோர் தலைவனே என்னும்* வண் திருவரங்கனே என்னும்*

அடி அடையாதாள் போல் இவள் அணுகி அடைந்தனள்* 

முகில்வண்ணன் அடியே|

247. திவ்ய ப்ரபந்தம் - 3474 - திருவாய்மொழி - 7.2.11

முகில் வண்ணன் அடியை அடைந்து அருள் சூடி உய்ந்தவன்* 

மொய் புனல் பொருநல்*

துகில் வண்ணத் தூ நீர்ச் சேர்ப்பன்* 

வண் பொழில் சூழ் வண் குருகூர்ச் சடகோபன்*

முகில் வண்ணன் அடி மேல் சொன்ன சொல் மாலை* 

ஆயிரத்து இப் பத்தும் வல்லார்*

முகில் வண்ண வானத்து இமையவர் சூழ இருப்பர்* பேரின்ப வெள்ளத்தே| (2)

||ஹரி ஓம்||

||ஸ்ரீ ஆழ்வார் திருவடிகளே சரணம்||

||ஸ்ரீ எம்பெருமானார் திருவடிகளே சரணம்||

||ஸ்ரீ ஜீயர் திருவடிகளே சரணம்||

||ஸ்ரீ அஸ்மத்  ஆசார்யன் திருவடிகளே சரணம்||

தொடரும்